ਗੁਰਭਜਨ ਗਿੱਲ
ਲੁਧਿਆਣਾ, 9 ਅਕਤੂਬਰ 2020 - 1905 'ਚ ਧਮਿਆਲ (ਰਾਵਲਪਿੰਡੀ) 'ਚ ਪੈਦਾ ਹੋਏ ਤੇ 3 ਮਈ 1978 ਨੂੰ ਲੁਧਿਆਣਾ 'ਚ ਸੁਰਗਵਾਸ ਹੋਏ ਯੁਗ ਕਵੀ ਪ੍ਰੋ: ਮੋਹਨ ਸਿੰਘ ਜੀ ਦਾ ਜਨਮ ਦਿਹਾੜਾ 20 ਅਕਤੂਬਰ ਨੂੰ ਹੈ। ਇਸ ਨੂੰ ਕਵਿਤਾ ਉਤਸਵ ਵਜੋਂ ਮਨਾਉਣ ਲਈ ਸਰਕਾਰੀ ,ਗੈਰ ਸਰਕਾਰੀ ਸਭਿਆਚਾਰਕ ਸੰਸਥਾਵਾਂ, ਯੂਨੀਵਰਸਿਟੀਆਂ,ਕਾਲਜਾਂ ਸਕੂਲਾਂ ਨੂੰ ਅਪੀਲ ਕੀਤੀ ਗਈ ਹੈ ਅਤੇ ਜਿਸ ਨੂੰ ਸੰਚਾਰ ਮਾਧਿਅਮਾਂ ਤੇ ਸਮਰੱਥ ਵਿਅਕਤੀਆਂ ਨੂੰ ਕਿਹਾ ਗਿਆ ਹੈ ਕਿ ਉਹ ਇਸ ਦਿਵਸ ਨੂੰ ਸਮਰਪਿਤ ਕੋਈ ਨਾ ਕੋਈ ਸਰਗਰਮੀ ਆਪੋ ਆਪਣੇ ਪੱਧਰ 'ਤੇ ਜ਼ਰੂਰ ਕਰਵਾਉਣ।