ਦੀਪਕ ਜੈਤੋਈ ਮੰਚ ਨੇ ਕੀਤੀ ਅਦਬੀ ਬੈਠਕ, ਕਾਵਿ ਰਚਨਾਵਾਂ ਦਾ ਦੌਰ ਚੱਲਿਆ
ਮਨਜੀਤ ਢੱਲਾ
ਜੈਤੋ, 17 ਜਨਵਰੀ 2023 - ਸਥਾਨਕ ਸਾਹਿਤਕ ਸੰਸਥਾ ਦੀਪਕ ਜੈਤੋਈ ਮੰਚ ਦੀ ਮਹੀਨਾਵਾਰ ਸਾਹਿਤਕ ਬੈਠਕ ਇੱਥੇ ਪੈਨਸ਼ਨਰਜ਼ ਭਵਨ ਵਿਖੇ ਹੋਈ। ਬੈਠਕ ਦੀ ਪ੍ਰਧਾਨਗੀ ਮੰਚ ਦੇ ਸਰਪ੍ਰਸਤ ਤਰਸੇਮ ਨਰੂਲ ਅਤੇ ਸਾਧੂ ਰਾਮ ਸ਼ਰਮਾ ਨੇ ਕੀਤੀ।
ਮੰਚ ਸੰਚਾਲਨ ਕਰਦਿਆਂ ਮੰਚ ਦੇ ਪ੍ਰਧਾਨ ਸੁਰਿੰਦਰਪਾਲ ਸਿੰਘ ਝੱਖੜਾਵਾਲ ਨੇ ਹਾਜ਼ਰ ਲੇਖਕਾਂ ਤੇ ਸਾਹਿਤ ਪ੍ਰੇਮੀਆਂ ਦਾ ਸਾਵਗ਼ਤ ਕਰਦਿਆਂ ਉਨ੍ਹਾਂ ਨੂੰ ਨਵੇਂ ਸਾਲ ਦੀ ਵਧਾਈ ਦਿਤੀ ਅਤੇ ਕਾਮਨਾ ਕੀਤੀ ਕਿ ਨਵਾਂ ਸਾਲ ਸਭ ਲਈ ਖੁਸ਼ੀਆਂ ਭਰਿਆ ਹੋਵੇ।
ਰਚਨਾਵਾਂ ਦੇ ਦੌਰ ਵਿਚ ਸਭ ਤੋਂ ਪਹਿਲਾਂ ਗਾਇਕ ਪੰਮਾ ਸਾਹਿਰ ਨੇ ਦੋ ਗੀਤ ਪੇਸ਼ ਕੀਤੇ ਅਤੇ ਉਸ ਤੋਂ ਬਾਅਦ ਮਲਕੀਤ ਕਿੱਟੀ, ਸੁੰਦਰ ਸਿੰਘ ਬਾਜਾਖ਼ਾਨਾ, ਦੌਲਤ ਸਿੰਘ ਅਨਪੜ੍ਹ, ਈਸਰ ਸਿੰਘ ਲੰਭਵਾਲੀ, ਹਰਭਗਵਾਨ ਕਰੀਰਵਾਲੀ, ਤੇ ਹਰਨੇਕ ਰੁਪਾਣਾ, ਏ.ਐੱਸ.ਮਾਣਕ, ਜੌਹਰੀ ਤਿਣਕਾ ਤੇ ਪਿਸ਼ੌਰਾ ਸਿੰਘ ਬਰਨਾਲਾ ਨੇ ਕਾਵਿ ਰਚਨਾਵਾਂ ਪੇਸ਼ ਕੀਤੀਆਂ। ਇਸ ਤੋਂ ਬਾਅਦ ਤਰਸੇਮ ਨਰੂਲਾ ਨੇ ਮੰਚ ਦੀ ਬਿਹਤਰੀ ਲਈ ਵਿਚਾਰ ਸਾਂਝੇ ਕੀਤੇ, ਆਏ ਸਾਹਿਤਕਾਰਾਂ ਦਾ ਧੰਨਵਾਦ ਕੀਤਾ ਅਤੇ ਆਪਣੀਆਂ ਕਾਵਿ ਰਚਨਾਵਾਂ ਸਾਝੀਆਂ ਕੀਤੀਆਂ।
ਇਸ ਮੌਕੇ ਮੰਚ ਦੇ ਮੈਂਬਰ ਕਵੀਸ਼ਰ ਦੌਲਤ ਸਿੰਘ ਅਨਪੜ੍ਹ ਨੇ ਆਪਣੀ ਪੜਪੋਤਰੀ ਦੀ ਲੋਹੜੀ ਵੰਡੀ।