ਚੰਡੀਗੜ੍ਹ, 21 ਜੁਲਾਈ 2018- ਬੀਤੇ ਕੱਲ ਪੰਜਾਬ ਕਲਾ ਭਵਨ ਵਿਖੇ ਕਰਵਾਏ ਗਏ "ਲੋਕ ਰੰਗ" ਪਰੋਗਰਾਮ ਵਿਚ ਸਾਬਕਾ ਮੁੱਖ ਮੰਤਰੀ ਬੀਬੀ ਰਜਿੰਦਰ ਕੌਰ ਭੱਠਲ ਤਸ਼ਰੀਫ ਲਿਆਏ।
ਆਰਟਸ ਕੌਂਸਲ ਵੱਲੋਂ ਉਹਨਾਂ ਦਾ ਪੁਸਤਕਾਂ ਦਾ ਸੈੱਟ ਭੇਂਟ ਕਰ ਕੇ ਸਨਮਾਨ ਕੀਤਾ ਗਿਆ।
ਇਸ ਮੌਕੇ ਬੀਬੀ ਭੱਠਲ ਨੇ ਦੱਸਿਆ ਕਿ, ''ਜਦ ਸ. ਦਰਬਾਰਾ ਸਿੰਘ ਪੰਜਾਬ ਦੇ ਮੁੱਖ ਮੰਤਰੀ ਬਣੇ ਸਨ, ਤਾਂ ਉਦੋਂ ਉਹ(ਭੱਠਲ) ਸਭਿਆਚਾਰਕ ਮਾਮਲਿਆਂ ਦੇ ਮੰਤਰੀ ਹੁੰਦਿਆਂ ਪੰਜਾਬ ਕਲਾ ਭਵਨ ਆਏ ਸਨ, ਤੇ ਡਾ. ਐਮ ਐਸ ਰੰਧਾਵਾ ਜੀ ਦੀ ਸੰਗਤ ਵੀ ਕੀਤੀ ਸੀ ਤੇ ਅੱਜ ਸਾਲਾਂ ਦੇ ਸਾਲ ਬੀਤਣ ਉਤੇ ਯਾਦਾਂ ਮੁੜ ਜਾਗ ਪਈਆਂ ਨੇ। ਉਹਨਾਂ ਕਿਹਾ ਕਿ ਉਹ ਕਲਾ ਭਵਨ ਨੂੰ ਸਿਰ ਝੁਕਾਉਂਦੇ ਨੇ।