ਤਰਕਸ਼ੀਲ ਸੁਸਾਇਟੀ ਵੱਲੋਂ ਮੈਗਜ਼ੀਨ ਤਰਕਸ਼ੀਲ ਮਈ-ਜੂਨ ਅੰਕ ਰਿਲੀਜ਼
ਰਾਮਪੁਰਾ ਫੂਲ, 7 ਮਈ, 2022: ਤਰਕਸ਼ੀਲ ਸੁਸਾਇਟੀ ਪੰਜਾਬ ਰਜਿਸਟਰਡ ਇਕਾਈ ਰਾਮਪੁਰਾਫੂਲ ਨੇ ਸੁਸਾਇਟੀ ਦਾ ਬੁਲਾਰਾ ਦੋ ਮਾਸਿਕ ਮੈਗਜ਼ੀਨ ਤਰਕਸ਼ੀਲ ਇਕਾਈ ਦੀ ਹੋਈ ਮੀਟਿੰਗ ਵਿਚ ਰਿਲੀਜ਼ ਕੀਤਾ।ਇਕਾਈ ਮੁਖੀ ਸੁਖਮੰਦਰ ਸਿੰਘ ਰਿਟਾਇਰਡ ਹੈਡਮਾਸਟਰ, ਜ਼ੋਨ ਆਗੂ ਜੰਟਾ ਸਿੰਘ, ਇਕਾਈ ਵਿੱਤ ਮੁਖੀ ਲੈਕਚਰਾਰ ਗੁਰਮੇਲ ਸਿੰਘ, ਮੀਡੀਆ ਮੁਖੀ ਮਾਸਟਰ ਸੁਰਿੰਦਰ ਰਾਮਪੁਰਾ,ਸਾਹਿਤ ਮੁਖੀ ਗੁਰਦੀਪ ਸਿੰਘ, ਮਾਨਸਿਕ ਸਿਹਤ ਵਿਭਾਗ ਦੇ ਜਗਦੇਵ ਸਿੰਘ ਤੇ ਹੋਰ ਸਰਗਰਮ ਮੈਂਬਰ ਹਾਜ਼ਰ ਸਨ।ਇਹ ਮੀਟਿੰਗ ਵਿੱਚ 24-25 ਜੁਲਾਈ ਦੀ ਤਰਕ ਪ੍ਰੀਖਿਆ ਵਾਰੇ ਵਿਚਾਰ ਵਟਾਂਦਰਾ ਕੀਤਾ ਗਿਆ। ਪੰਜਾਬੀ ਭਾਸ਼ਾ ਵਿੱਚ ਸਭ ਤੋਂ ਵੱਧ ਛਪਣ ਵਾਲੇ ਇਸ ਮੈਗਜ਼ੀਨ ਵਿੱਚ ਵਿਗਿਆਨਕ ਵਿਚਾਰਧਾਰਾ ਨਾਲ ਸਬੰਧਤ ਰੌਚਿਕ ਸਮੱਗਰੀ ਮੁਹੱਈਆ ਕਰਵਾਉਣ ਦੇ ਨਾਲ-ਨਾਲ ਹੋਰ ਵੀ ਰੋਜ਼ਾਨਾ ਜਿੰਦਗੀ ਨਾਲ ਸਬੰਧਤ ਵਿਸ਼ੇ ਸੰਜੋਏ ਹੁੰਦੇ ਹਨ।ਤਰਕਸ਼ੀਲ ਨਿਰਸਵਾਰਥ ਕਾਮੇ ਵੱਡੀ ਪੱਧਰ ’ਤੇ ਇਹ ਮੈਗਜ਼ੀਨ ਪਾਠਕਾਂ ਦੇ ਘਰੋਂ ਘਰੀਂ ਪਹੁੰਚਾਉਣ ਦਾ ਕੰਮ ਕਰਦੇ ਹਨ।ਇਸ ਦੋ ਮਾਸਿਕ ਦਾ ਸਲਾਨਾ ਚੰਦਾ ਸਿਰਫ 100/- ਰੁਪਏ ਇਹ ਸੁਸਾਇਟੀ ਦੇ ਬਰਨਾਲਾ ਸਥਿਤ ਦਫਤਰੋਂ ਜਾਂ ਸਾਰੇ ਪੰਜਾਬ ਵਿੱਚ ਵੱਖੋ-ਵੱਖ ਇਲਾਕਿਆਂ ਵਿੱਚ ਕੰਮ ਕਰਦੀਆਂ ਇਸਾਈਆਂ ਦੇ ਮੈਂਬਰਾਂ ਤੋਂ ਪ੍ਰਾਪਤ ਕੀਤਾ ਜਾ ਸਕਦਾ ਹੈ।ਇਹ ਜਾਣਕਾਰੀ ਮਾਸਟਰ ਸੁਰਿੰਦਰ ਰਾਮਪੁਰਾ ਨੇ ਸਾਂਝਾ ਕੀਤੀ।