ਸਪੀਕਰ ਸੰਧਵਾਂ ਵੱਲੋਂ ਪੰਜਾਬ ਵਿਧਾਨ ਸਭਾ ਵਿੱਚ ਤਾਇਨਾਤ ਅਧਿਕਾਰੀ ਗੁਰਕੀਰਤ ਘੁੰਮਣ ਦੀ ਪਲੇਠੀ ਪੁਸਤਕ “ਉਧਾਰੇ ਖਿਆਲ” ਲੋਕ ਅਰਪਣ
ਚੰਡੀਗੜ੍ਹ 23 ਅਕਤੂਬਰ 2024 - ਕੁਲਤਾਰ ਸਿੰਘ ਸੰਧਵਾਂ, ਸਪੀਕਰ, ਪੰਜਾਬ ਵਿਧਾਨ ਸਭਾ ਵੱਲੋਂ ਪੰਜਾਬ ਵਿਧਾਨ ਸਭਾ ਵਿੱਚ ਤਾਇਨਾਤ ਅਧਿਕਾਰੀ ਗੁਰਕੀਰਤ ਸਿੰਘ ਘੁੰਮਣ ਦੀ ਪਲੇਠੀ ਪੁਸਤਕ “ਉਧਾਰੇ ਖਿਆਲ” ਲੋਕ ਅਰਪਣ ਕੀਤੀ ਗਈ। ਮਾਣਯੋਗ ਸਪੀਕਰ ਵੱਲੋਂ ਪੁਸਤਕ ਵਿੱਚ ਛੂਹੇ ਵਿਸ਼ਿਆਂ ਦੀ ਸਰਾਹਨਾ ਕੀਤੀ ਗਈ। ਉਨ੍ਹਾਂ ਕਿਹਾ ਕਿ ਸਮਾਜਿਕ ਵਿਸ਼ਿਆਂ ਦੇ ਨਾਲ ਨਾਲ ਇਸ ਪੁਸਤਕ ਵਿੱਚ ਰੂਹਾਨੀਅਤ ਦੀ ਵੀ ਖੁਸ਼ਬੂ ਆਉਂਦੀ ਹੈ। ਉਨ੍ਹਾਂ ਗੁਰਕੀਰਤ ਸਿੰਘ ਘੁੰਮਣ ਦੀ ਹੌਸਲਾ ਅਫਜ਼ਾਈ ਕੀਤੀ ਅਤੇ ਕਾਮਨਾ ਕੀਤੀ ਕਿ ਉਹ ਜ਼ਿੰਦਗੀ ਵਿੱਚ ਹੋਰ ਬੁਲੰਦੀਆਂ ਨੂੰ ਛੂਹਣ। ਇਸ ਸਮੇਂ ਵਿਧਾਨ ਸਭਾ ਦੇ ਸਕੱਤਰ, ਸ਼੍ਰੀ ਰਾਮ ਲੋਕ ਖਟਾਣਾ ਅਤੇ ਸਕੱਤਰੇਤ ਦੇ ਹੋਰ ਅਧਿਕਾਰੀ ਵੀ ਹਾਜ਼ਰ ਸਨ।