ਲੁਧਿਆਣਾ, 12 ਮਾਰਚ 2020 - ਪੰਜਾਬੀ ਸਾਹਿਤ ਅਕਾਡਮੀ ਲੁਧਿਆਣਾ ਵੱਲੋਂ ਲੋਕ-ਧਾਰਾਈ ਚਿੰਤਕ ਸਰਵ ਸੁਖਦੇਵ ਮਾਦਪੁਰੀ ਜੀ ਨਾਲ ਰੂਬਰੂ, ਸੁਪਨਸਾਜ਼ ਖੰਨਾ ਦੇ ਸਹਿਯੋਗ ਨਾਲ 14 ਮਾਰਚ (ਸ਼ਨੀਵਾਰ) ਨੂੰ ਸਵੇਰੇ 10 ਵਜੇ, ਨਰੋਤਮ ਵਿੱਦਿਆ ਮੰਦਰ, ਲਲਹੇੜੀ ਰੋਡ ਖੰਨਾ ਵਿਖੇ ਕੀਤਾ ਜਾਵੇਗਾ।
ਪੰਜਾਬੀ ਸਾਹਿਤ ਅਕਾਡਮੀ, ਲੁਧਿਆਣਾ ਦੇ ਪ੍ਰਧਾਨ ਪ੍ਰੋ. ਰਵਿੰਦਰ ਸਿੰਘ ਭੱਠਲ, ਜਨਰਲ ਸਕੱਤਰ ਡਾ. ਸੁਰਜੀਤ ਸਿੰਘ, ਪ੍ਰਬੰਧਕੀ ਬੋਰਡ ਮੈਂਬਰ ਤੇ ਸਮਾਗਮ ਤੇ ਸੰਯੋਜਕ ਜਸਵੀਰ ਝੱਜ ਨੇ ਉਪਰੋਕਤ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਸਮਾਗਮ ਦੀ ਪ੍ਰਧਾਨਗੀ ਸ਼੍ਰੀ ਸੁਖਮਿੰਦਰ ਰਾਮਪੁਰੀ ਜੀ ਕਰਨਗੇ। ਗੱਲਬਾਤ ਡਾ. ਸੁਰਜੀਤ ਸਿੰਘ ਅਤੇ ਸਰਬਜੀਤ ਕੌਰ ਕਰਨਗੇ। ਅਕਾਡਮੀ ਵਲੋਂ ਸਮੂਹ ਪੰਜਾਬੀ ਪਿਆਰਿਆਂ ਨੂੰ ਸਮਾਗਮ ਵਿਚ ਪਹੁੰਚਣ ਦਾ ਹਾਰਦਿਕ ਖੁੱਲ੍ਹਾ ਸੱਦਾ ਹੈ।