Sukhi Bath ਦਾ ਨਵੇਕਲਾ ਉੱਦਮ : ਬਾਲ ਸਾਹਿਤ ਦੀ ਨਵੀਂ ਪੁਸਤਕ -“ਨਵੀਂਆਂ ਕਲਮਾਂ, ਨਵੀਂ ਉਡਾਣ” ਦਾ ਅਗਲਾ ਐਡੀਸ਼ਨ ਤਿਆਰ
ਜਲੰਧਰ/ਸਰੀ, 7 ਦਸੰਬਰ, 2023: ਪੰਜਾਬ ਭਵਨ ਦੇ ਵਿਸ਼ੇਸ਼ ਉਪਰਾਲੇ ਅਤੇ ਸੁੱਖੀ ਬਾਠ ਦੀ ਅਗਵਾਈ ਹੇਠ ਬਾਲ ਸਾਹਿਤ ਦੀ ਨਵੀਂ ਪੁਸਤਕ' ਨਵੀਂਆਂ ਕਲਮਾਂ ਨਵੀਂ ਉਡਾਣ' ਦਾ ਅਗਲਾ ਐਡੀਸ਼ਨ ਭਾਗ-2 ਅਤੇ ਭਾਗ -3 ਛਪ ਗਿਆ ਹੈ ਜਿਸ ਵਿਚ ਬਰਨਾਲਾ ਅਤੇ ਬਠਿੰਡਾ ਜ਼ਿਲ੍ਹੇ ਦੇ ਬੱਚਿਆਂ ਦੀਆਂ ਬਾਲ ਰਚਨਾਵਾਂ ਨੂੰ ਪੁਸਤਕ ਵਿਚ ਛਾਪਿਆ ਗਿਆ ਹੈ।
ਇਸ ਪੁਸਤਕ ਵਿਚ ਜਿਹਨਾਂ ਬੱਚਿਆਂ ਦੀਆਂ ਰਚਨਾਵਾਂ ਪ੍ਰਕਾਸ਼ਤ ਹੋ ਚੁੱਕੀਆਂ ਹਨ, ਉਹ ਵਧਾਈ ਦੇ ਪਾਤਰ ਹਨ ਅਤੇ ਨਾਲ ਹੀ ਉਹਨਾਂ ਨੂੰ ਉਤਸ਼ਾਹਿਤ ਕਰਨ ਵਾਲੇ ਅਧਿਆਪਕ ਅਤੇ ਬੱਚਿਆਂ ਦੇ ਮਾਪੇ ਵੀ ਵਧਾਈ ਦੇ ਪਾਤਰ ਹਨ। ਇਹਨਾਂ ਦੀ ਅਣਥੱਕ ਮਿਹਨਤ ਨੂੰ ਬਹੁਤ ਬਹੁਤ ਮੁਬਾਰਕ। ਪ੍ਰੀਤ ਹੀਰ, ਮੁੱਖ ਸੰਚਾਲਿਕਾ ਪੰਜਾਬ ਭਵਨ ਆਫ਼ਿਸ ਜਲੰਧਰ ਨੇ ਕਿਹਾ ਹੈ ਕਿ ਮੈਂ ਵਾਹਿਗੁਰੂ ਜੀ ਅੱਗੇ ਅਰਦਾਸ ਕਰਦੀ ਹਾਂ ਕਿ ਭਵਿੱਖ ਵਿਚ ਇਹ ਬੱਚੇ ਸਾਹਿਤ ਪ੍ਰਤੀ ਹੋਰ ਵੀ ਸੁਚੇਤ ਹੋਣ ਅਤੇ ਆਪਣੀਆਂ ਰਚਨਾਵਾਂ ਦੁਆਰਾ ਸਮਾਜ ਨੂੰ ਚੰਗੀ ਸੇਧ ਦੇਣ । ਕਿਉਂਕਿ ਸਾਡੇ ਆਉਣ ਵਾਲੇ ਭਵਿੱਖ ਦੇ ਸੁਰਜੀਤ ਪਾਤਰ ਅਤੇ ਸੁਖਵਿੰਦਰ ਅੰਮ੍ਰਿਤਾ ਇਹਨਾਂ ਵਿਚੋਂ ਹੀ ਹੋਣਗੇ। ਬਹੁਤ ਬਹੁਤ ਮੁਬਾਰਕਾਂ ਜੀਓ