ਬਾਵਾ ਨੇ ਐਨ.ਆਰ.ਆਈ ਬਹਾਦਰ ਸਿੰਘ ਸਿੱਧੂ ਅਮਰੀਕਾ ਨੂੰ 45 ਸਾਲਾ ਸੰਘਰਸ਼ਮਈ ਜੀਵਨ ਬਾਰੇ ਪੁਸਤਕ ਭੇਂਟ ਕੀਤੀ
ਬਾਬੂਸ਼ਾਹੀ ਨੈੱਟਵਰਕ
ਲੁਧਿਆਣਾ, 26 ਅਪ੍ਰੈਲ 2022- ਬਾਬਾ ਬੰਦਾ ਸਿੰਘ ਬਹਾਦਰ ਇੰਟਰਨੈਸਨਲ ਚੈਰੀਟੇਬਲ ਟਰੱਸਟ ਰਕਬਾ ਦੇ ਟਰੱਸਟੀ ਅਤੇ ਐਨ.ਆਰ.ਆਈ ਬਹਾਦਰ ਸਿੰਘ ਸਿੱਧੂ ਯੂ.ਐਸ.ਏ. ਨੂੰ ਰਾਜਗੁਰੂ ਨਗਰ ਵਿਖੇ ਟਰੱਸਟ ਦੇ ਚੇਅਰਮੈਨ ਕਿ੍ਰਸਨ ਕੁਮਾਰ ਬਾਵਾ ਨੇ 45 ਸਾਲਾ ਸੰਘਰਸਮਈ ਜੀਵਨ ਬਾਰੇ ਪੁਸਤਕ ਭੇਂਟ ਕੀਤੀ । ਬਾਵਾ, ਸਾਬਕਾ ਮੰਤਰੀ ਮਲਕੀਤ ਸਿੰਘ ਦਾਖਾ ਅਤੇ ਪਿ੍ਰੰਸੀਪਲ ਬਲਦੇਵ ਬਾਵਾ ਨੇ ਸ੍ਰੀ ਸਿੱਧੂ ਨੂੰ ਦੁਸਾਲਾ ਭੇਟ ਕਰਕੇ ਸਨਮਾਨਿਤ ਵੀ ਕੀਤਾ।
ਪ੍ਰਵਾਸੀ ਭਾਰਤੀ ਬਹਾਦਰ ਸਿੰਘ ਸਿੱਧੂ ਨੇ ਦੱਸਿਆ ਕਿ 14 ਮਈ ਨੂੰ ਸਰਹੰਦ ਫਤਹਿ ਦਿਵਸ ਮੌਕੇ ਬਾਬਾ ਬੰਦਾ ਸਿੰਘ ਬਹਾਦਰ ਰਕਬਾ ਭਵਨ ਤੋਂ ਚੱਪੜਚਿੜੀ ਸਰਹੰਦ ਤੱਕ ਫਤਹਿ ਮਾਰਚ ਕੱਢ ਕੇ ਫਤਹਿ ਦਾ ਝੰਡਾ ਲਹਿਰਾਇਆ ਜਾਵੇਗਾ। ਪ੍ਰਵਾਸੀ ਭਾਰਤੀ ਵੀ ਇਸ ਵਿੱਚ ਸਰਗਰਮੀ ਨਾਲ ਹਿੱਸਾ ਲੈਣਗੇ। ਉਨਾਂ ਕਿਹਾ ਕਿ ਅਜਿਹੇ ਇਤਿਹਾਸਕ ਦਿਹਾੜੇ ਨੂੰ ਸਾਨੂੰ ਸਾਰਿਆਂ ਨੂੰ ਮਿਲ ਕੇ ਮਨਾਉਣੇ ਚਾਹੀਦੇ ਹਨ। ਇਸ ਮੌਕੇ ਰਜਨੀ ਬਾਵਾ, ਪੂਜਾ ਬਾਵਾ, ਯੁਵਰਾਜ ਬਾਵਾ, ਰਾਗਨੀ ਬਾਵਾ, ਅਰਜੁਨ ਬਾਵਾ ਆਦਿ ਹਾਜਰ ਸਨ।