ਗੁਰਭਜਨ ਗਿੱਲ
- ਨਮਿਤ ਅੰਤਿਮ ਅਰਦਾਸ 7 ਜੂਨ ਨੂੰ ਪਿੰਡ ਕੋਟਲਾ ਸ਼ਾਹੀਆ ਵਿਖੇ ਹੋਵੇਗੀ
ਲੁਧਿਆਣਾ, 6 ਜੂਨ 2020 - ਸੁਰਜੀਤ ਸਪੋਰਟਸ ਅਸੋਸੀਏਸ਼ਨ ਬਟਾਲਾ (ਗੁਰਦਾਸਪੁਰ) ਦੇ ਪ੍ਰਧਾਨ ਪਿਰਥੀਪਾਲ ਸਿੰਘ ਹੇਅਰ (ਪੁਲਿਸ ਕਪਤਾਨ) ਪੰਜਾਬੀ ਸਾਹਿੱਤ ਅਕਾਡਮੀ ਦੇ ਸਰਪ੍ਰਸਤ ਤੇ ਸ: ਜਗਦੇਵ ਸਿੰਘ ਜੱਸੋਵਾਲ ਚੈਰੀਟੇਬਲ ਟਰਸਟ ਦੇ ਟਰਸਟੀ ਦੇ ਸਤਿਕਾਰਯੋਗ ਮਾਤਾ ਜੀ ਸਰਦਾਰਨੀ ਮਹਿੰਦਰ ਕੌਰ ਸੁਪਤਨੀ ਸ੍ਵ: ਮਹਿੰਦਰ ਸਿੰਘ ਹੇਅਰ ਜਿੰਨ੍ਹਾਂ ਦਾ 3 ਜੂਨ ਨੂੰ ਲੁਧਿਆਣਾ ਦੇ ਦੀਪ ਨਰਸਿੰਗ ਹੋਮ ਚ ਦੇਹਾਂਤ ਹੋ ਗਿਆ ਸੀ, ਨਮਿਤ ਪਾਠ ਦਾ ਭੋਗ ਤੇ ਅੰਤਿਮ ਅਰਦਾਸ 7 ਜੂਨ ਦੁਪਹਿਰ 12 ਵਜੇ ਤੋਂ ਇੱਕ ਵਜੇ ਤੀਕ ਪਿੰਡ ਕੋਟਲਾ ਸ਼ਾਹੀਆ( ਸ਼ੂਗਰ ਮਿੱਲ ਬਟਾਲਾ ਦੇ ਪਿਛਵਾੜੇ) ਪਿੰਡ ਦੇ ਗੁਰਦਵਾਰਾ ਸਾਹਿਬ ਵਿਖੇ ਹੋਵੇਗੀ।
ਮਾਤਾ ਜੀ ਪਿਛਲੇ ਕੁਝ ਦਿਨਾਂ ਤੋਂ ਵਡੇਰੀ ਉਮਰ ਦੀਆਂ ਸਮੱਸਿਆਵਾਂ ਕਾਰਨ ਇਲਾਜ ਅਧੀਨ ਸਨ।
ਉਹ ਆਪਣੇ ਪਿੱਛੇ ਤਿੰਨ ਪੁੱਤਰ ਜਸਮੇਰ ਸਿੰਘ, ਖ਼ੁਸ਼ਕਰਨ ਸਿੰਘ (ਇੰਸਪੈਕਟਰ , ਪੰਜਾਬ ਪੁਲੀਸ) ਤੇ ਪਿਰਥੀਪਾਲ ਸਿੰਘ ਤੋਂ ਇਲਾਵਾ ਦੋ ਧੀਆਂ ਬਲਕਰਨਜੀਤ ਕੌਰ ਤੇ ਨਿਰਮੋਲਜੀਤ ਕੌਰ ਦਾ ਭਰਿਆ ਪਰਿਵਾਰ ਛੱਡ ਗਏ ਹਨ।
ਉਨ੍ਹਾਂ ਦਾ ਇੱਕ ਪੁੱਤਰ ਕਮਲਜੀਤ ਸਿੰਘ (ਸਰਵਿਸਿਜ਼)ਦੀ ਜਵਾਨ ਉਮਰੇ ਹਾਦਸੇ ਚ ਮੌਤ ਹੋ ਗਈ ਸੀ। ਉਸ ਰਾਸ਼ਟਰੀ ਪੱਧਰ ਦੇ ਉੱਘੇ ਅਥਲੀਟ ਕਮਲਜੀਤ ਸਿੰਘ ਦੀ ਯਾਦ ਚ ਹਰ ਸਾਲ ਕਮਲਜੀਤ ਖੇਡਾਂ ਸੁਰਜੀਤ-ਕਮਲਜੀਤ ਸਪੋਰਟਸ ਕੰਪਲੈਕਸ ਕੋਟਲਾ ਸ਼ਾਹੀਆ ਵਿਖੇ ਕਰਵਾਈਆਂ ਜਾਂਦੀਆਂ ਹਨ।
ਪਰਿਵਾਰ ਵੱਲੋਂ ਸਨੇਹੀਆਂ, ਰਿਸ਼ਤੇਦਾਰਾਂ ਤੇ ਹਮਦਰਦ ਜੀਆਂ ਨੂੰ ਬੇਨਤੀ ਹੈ ਕਿ ਉਹ ਵਰਤਮਾਨ ਹਾਲਾਤ ਨੂੰ ਧਿਆਨ ‘ਚ ਰੱਖਦਿਆਂ ਨਿਜੀ ਰੂਪ ‘ਚ ਆਉਣ ਦੀ ਖੇਚਲ ਨਾ ਕਰਨ ਪਰ ਆਪੋ ਆਪਣੇ ਪੱਧਰ ਤੇ ਮਾਤਾ ਜੀ ਨਮਿਤ ਅਰਦਾਸ ਜ਼ਰੂਰ ਕਰਨ।