ਪ੍ਰਗਤੀਸ਼ੀਲ ਲੇਖਕ ਸੰਘ ਇਕਾਈ ਨਵਾਂਸ਼ਹਿਰ ਦੀ ਨਵੀਂ ਟੀਮ ਦਾ ਗਠਨ
ਪ੍ਰਮੋਦ ਭਾਰਤੀ
ਨਵਾਂਸ਼ਹਿਰ 13 ਅਕਤੂਬਰ ,2024 - ਪ੍ਰਗਤੀਸ਼ੀਲ ਲੇਖਕ ਸੰਘ ਨਵਾਂਸ਼ਹਿਰ ਇਕਾਈ ਦੀ ਇਕੱਤਰਤਾ ਸੂਬਾ ਪ੍ਰਧਾਨ ਸੁਰਜੀਤ ਜੱਜ ਹੋਰਾਂ ਦੀ ਅਗਵਾਈ ਚ ਪ੍ਰਿੰ. ਗੁਰਜੰਟ ਸਿੰਘ ਹੋਰਾਂ ਦੇ ਗ੍ਰਹਿ ਵਿਖੇ ਹੋਈ ਜਿਸ ਵਿਚ ਸਰਬ ਸੰਮਤੀ ਨਾਲ ਨਵੀਂ ਟੀਮ ਗਠਿਤ ਕੀਤੀ ਗਈ । ਜਿਸ ਵਿਚ ਪ੍ਰੋ. ਇਕਬਾਲ ਸਿੰਘ ਚੀਮਾ,ਜਨਾਬ ਦੀਦਾਰ ਛੇਤਰਾ ਸਰਪ੍ਰਸਤ,ਪ੍ਰਿੰ. ਗੁਰਜੰਟ ਸਿੰਘ ਪ੍ਰਧਾਨ ,ਜਨਾਬ ਦੀਪ ਕਲੇਰ ਸੀ. ਮੀਤ ਪ੍ਰਧਾਨ, ਜਨਾਬ ਅਜਮੇਰ ਸਿੱਧੂ,ਡਾ. ਬਲਵੀਰ ਕੌਰ ਰੀਹਲ ਅਤੇ ਸ਼ਾਇਰ ਕੁਲਵਿੰਦਰ ਕੁੱਲਾ ਮੀਤ ਪ੍ਰਧਾਨ, ਪਰਮਜੀਤ ਚਾਹਲ ਕਾਨੂੰਨੀ ਸਲਾਹਕਾਰ,ਸੁਨੀਲ ਚੰਦਿਆਣਵੀ ਜਨਰਲ ਸਕੱਤਰ, ਤਲਵਿੰਦਰ ਸ਼ੇਰਗਿੱਲ ਸੀਨੀ. ਸਕੱਤਰ, ਅਨੀ ਕਾਠਗੜ੍ਹ ਸਕੱਤਰ, ਪ੍ਰੋ. ਕੁਲਵਿੰਦਰ ਸਿੰਘ ਸਕੱਤਰ(ਤਕਨੀਕੀ ਸਕੱਤਰ ) ਵਜੋਂ ਚੁਣੇ ਗਏ ।
ਇਸਦੇ ਨਾਲ ਨਾਲ ਪ੍ਰੋ. ਭਜਨ ਸਿੰਘ,ਅਮਿਤ ਆਦੋਆਣਾ,ਮੈਡਮ ਰਜਨੀ ਸ਼ਰਮਾ ਅਤੇ ਡਾ.ਮਨਦੀਪ ਕੌਰ ਕਾਰਜਕਾਰਨੀ ਦੇ ਮੈਂਬਰ ਹੋਣਗੇ । ਮੀਟਿੰਗ ਦੌਰਾਨ 26 ਅਕਤੂਬਰ ਨੂੰ ਚੰਡੀਗੜ੍ਹ ਵਿਖੇ ਹੋਣ ਵਾਲੇ ਨੈਸ਼ਨਲ ਸੈਮੀਨਾਰ ਵਿਚ ਸ਼ਮੂਲੀਅਤ ਬਾਰੇ ਨਿਰਣਾ ਕੀਤਾ ਗਿਆ ਅਤੇ ਜ਼ਿਲ੍ਹਾ ਇਕਾਈ ਵੱਲੋਂ ਭਵਿੱਖ ਵਿੱਚ ਕੀਤੀਆਂ ਜਾਣ ਵਾਲੀਆਂ ਸਾਹਿਤਿਕ ਸਰਗਰਮੀਆਂ ਦੀ ਰੂਪ ਰੇਖਾ ਤਿਆਰ ਕੀਤੀ ਗਈ ।