ਸੀਨੀਅਰ ਸਿਟੀਜ਼ਨਜ਼ ਕੌਂਸਲ (ਰਜਿ.) ਰੂਪਨਗਰ ਵੱਲੋਂ ਸੁਨਿਹਰੇ ਪਲ-28 ਰਿਲੀਜ਼
ਹਰੀਸ਼ ਕਾਲੜਾ
ਰੂਪਨਗਰ,22 ਜੁਲਾਈ 2021: ਸੀਨੀਅਰ ਸਿਟੀਜ਼ਨਜ਼ ਕੌਂਸਲ (ਰਜਿ.) ਰੂਪਨਗਰ ਵੱਲੋਂ ਸੁਨਿਹਰੇ ਪਲ-28 ਰਿਲੀਜ਼ ਕਰਨ ਸੰਬੰਧੀ ਇੱਕ ਸਧਾਰਣ ਅਤੇ ਪ੍ਰਭਾਵਸ਼ਾਲੀ ਸਮਾਗਮ ਨਗਰ ਕੌਂਸਲ ਰੂਪਨਗਰ ਦੇ ਕਮੇਟੀ ਹਾਲ ਵਿਖੇ ਕੀਤਾ ਗਿਆ। ਜਿਸ ਦੀ ਪ੍ਰਧਾਨਗੀ ਨਗਰ ਕੌਂਸਲ ਪ੍ਰਧਾਨ ਸ਼੍ਰੀ ਸੰਜੇ ਵਰਮਾ ਵੱਲੋਂ ਸ਼ਿਰਕਤ ਅਤੇ ਘੁੰਡ ਚਕਾਈ ਕੀਤੀ ਗਈ। ਇਸ ਸਮੇਂ ਜਨਰਲ ਸਕਤਰ ਸ. ਹਾਕਮ ਸਿੰਘ ਰਾਹੀ ਨੇ ਸਟੇਜ਼ ਸਕਤਰ ਦੀ ਭੂਮੀਕਾ ਬਾਖੂਬੀ ਨਿਭਾਈ। ਜਿਸ ਵਿੱਚ ਡਾ. ਆਰ.ਐਸ. ਪਰਮਾਰ ਨੇ ਬੜੇ ਹੀ ਵਿਸਥਾਰ ਅਤੇ ਗਾਗਰ ਵਿੱਚ ਸਾਗਰ ਭਰੇ ਵਿਚਾਰ ਰੱਖੇ ਅਤੇ ਕੌਂਸਲ ਸਬੰਧੀ ਬੜੇ ਸਰਲ ਭਾਸ਼ਾ ਵਿੱਚ ਹਾਜਰੀਨ ਮਿਊਂਸਪਲ ਕੌਂਸਲਰ ਅਤੇ ਗਵਰਨਰ ਬਾਡੀ ਨੂੰ ਵਿਸਥਾਰ ਪੂਰਵਕ ਚਾਨ੍ਹਣਾ ਪਾਇਆ।
ਉਸ ਉਪਰੰਤ ਇੰਜ. ਕਰਨੈਲ ਸਿੰਘ ਪ੍ਰਧਾਨ ਸੀਨੀਅਰ ਸਿਟੀਜ਼ਨ ਕੌਂਸਲ ਨੇ ਹਾਜਰੀਨ ਮੈਂਬਰਾਂ ਦਾ ਸਵਾਗਤ ਕੀਤਾ ਅਤੇ ਕੌਂਸਲ ਦੀ ਗਤੀਵਿਧੀਆਂ ਬਾਰੇ ਚਾਨ੍ਹਣਾ ਪਾਇਆ। ਉਸ ਉਪਰੰਤ ਪ੍ਰਧਾਨ ਨਗਰ ਕੌਂਸਲ ਨੇ ਉਕਤ ਵਿਖਿਆਨ ਕੀਤੇ ਵਿਚਾਰਾਂ ਬਾਰੇ ਆਪਣੇ ਪੱਧਰ ਤੇ ਉਪਰਾਲਾ ਕਰਨ ਦਾ ਵਚਨ ਦਿੱਤਾ।
ਗਵਰਨਿੰਗ ਬਾਡੀ ਦੇ ਮੈਂਬਰ ਕਰਨਲ ਦਿਆਲ ਸਿੰਘ ਪੈਟਰਨ, ਡਾ. ਆਰ.ਐਸ. ਪਰਮਾਰ ਸਲਾਹਕਾਰ, ਇੰਜ. ਕਰਨੇਲ ਸਿੰਘ ਪ੍ਰਧਾਨ ਸਿ. ਕੌਂਸਲ, ਮੈਂਬਰ ਸਹਿਬਾਨ ਸ਼੍ਰੀ ਦਲਜੀਤ ਸਿੰਘ, ਭਾਗ ਸਿੰਘ ਮਦਾਨ, ਸਕੁ. ਲੀਡਰ ਐਚ.ਐਸ. ਰਾਹੀ, ਸ. ਹਰਦੇਵ ਸਿੰਘ, ਸ੍ਰੀ ਸੁਰੇਸ਼ ਚੰਦਰ, ਮੈਡਮ ਊਸ਼ਾ ਟੰਡਨ, ਮੈਡਮ ਭਗਵੰਤ ਕੌਰ, ਸ. ਹਰਬੰਸ ਸਿੰਘ, ਸ. ਪ੍ਰੇਮ ਸਿੰਘ ਪੜ੍ਹੀ, ਕੈਪਟਨ ਹਰਪਾਲ ਸਿੰਘ, ਸ. ਬੀ.ਐਸ. ਰੱਕੜ, ਸ. ਸੁਰਿੰਦਰ ਸਿੰਘ ਤੋਗੜ, ਸ. ਅਮਰਜੀਤ ਸਿੰਘ, ਸ. ਗੁਰਬਖ਼ਸ਼ ਸਿੰਘ ਅਤੇ ਵਿਸ਼ੇਸ਼ ਤੌਰ ਤੇ ਭਜਨ ਚੰਦ ਕਾਰਜ ਸਾਧਕ ਅਫਸਰ ਨੇ ਭਾਗ ਲਿਆ।