ਲੁਧਿਆਣਾ, 8 ਜੁਲਾਈ (ਗੁਰਭਜਨ ਗਿੱਲ) - ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਬਸਤੀ ਜੋਧੇਵਾਲ ਲੁਧਿਆਣਾ ਦੀ ਅਧਿਆਪਕਾ ਤੇ ਪੰਜਾਬੀ ਕਵਿੱਤਰੀ ਮਨਿੰਦਰ ਕੌਰ ਮਨ ਦੇ ਪਲੇਠੇ ਕਾਵਿ ਸੰਗ੍ਰਹਿ ਰੀਝਾਂ ਦਾ ਅੰਬਰ ਦਾ ਲੋਕ ਅਰਪਣ ਸਮਾਰੋਹ ਪੰਜਾਬੀ ਭਵਨ ਲੁਧਿਆਣਾ ਵਿਖੇ ਹੋਇਆ।
ਪੁਸਤਕ ਨੂੰ ਪੰਜਾਬ ਆਰਟਸ ਕੌਂਸਲ ਦੇ ਚੇਅਰਮੈਨ ਪਦਮ ਸ਼੍ਰੀ ਡਾ: ਸੁਰਜੀਤ ਪਾਤਰ,ਪੰਜਾਬੀ ਸਾਹਿੱਤ ਅਕਾਡਮੀ ਲੁਧਿਆਣਾ ਦੇ ਪ੍ਰਧਾਨ ਪ੍ਰੋ: ਰਵਿੰਦਰ ਭੱਠਲ ਤੇ ਪੰਜਾਬੀ ਸਾਹਿੱਤ ਅਕਾਡਮੀ ਦੇ ਸਾਬਕਾ ਪ੍ਰਧਾਨ ਪ੍ਰੋ: ਗੁਰਭਜਨ ਸਿੰਘ ਗਿੱਲ ਜਸਵੰਤ ਜਫ਼ਰ, ਜਸਪ੍ਰੀਤ ਕੌਰ ਫ਼ਲਕ,ਗੁਰਚਰਨ ਕੌਰ ਕੋਚਰ ਤੇ ਤ੍ਰੈਲੋਚਨ ਲੋਚੀ ਤੇ ਆਧਾਰਿਤ ਪ੍ਰਧਾਨਗੀ ਮੰਡਲ ਨੇ ਕੀਤਾ।
ਪੁਸਤਕ ਬਾਰੇ ਗੁਰਚਰਨ ਕੌਰ ਕੋਚਰ ਨੇ ਸਮੀਖਿਆ ਪੱਤਰ ਪੜ੍ਹਿਆ। ਵਿਚਾਰ ਚਰਚਾ ਵਿੱਚ ਜਸਵੰਤ ਜਫ਼ਰ,ਡਾ: ਗੁਲਜ਼ਾਰ ਪੰਧੇਰ ਤੇ ਤ੍ਰੈਲੋਚਨ ਲੋਚੀ ਨੇ ਭਾਗ ਲਿਆ।
ਕਵਿਤਾ ਕਥਾ ਕਾਰਵਾਂ ਵੱਲੋਂ ਪੰਜਾਬੀ ਸਾਹਿੱਤ ਅਕਾਡਮੀ ਦੇ ਸਹਿਯੋਗ ਨਾਲ ਕਰਵਾਏ ਸਮਾਗਮ ਦਾ ਮੰਚ ਸੰਚਾਲਨ ਸ਼ਿੰਦਰ ਕੌਰ ਸਿਰਸਾ ਨੇ ਕੀਤਾ।