ਬਲਕਾਰ ਸਿੰਘ ਪੱਕਾ ਕਲਾਂ ਦੀ ਪੁਸਤਕ ਲੈਟ ਯੂ ਟੀਚ ਇੰਗਲਿਸ਼ ਦੀ ਘੁੰਡ ਚੁਕਾਈ
ਅਸ਼ੋਕ ਵਰਮਾ
ਬਠਿੰਡਾ, 14ਫਰਵਰੀ2024: ਸਰਕਾਰੀ ਪ੍ਰਾਇਮਰੀ ਸਕੂਲ ਮਛਾਣਾ ਦੇ ਈਟੀਟੀ ਅਧਿਆਪਕ ਬਲਕਾਰ ਸਿੰਘ ਪੱਕਾ ਕਲਾਂ ਦੀ ਪਹਿਲੀ ਕਿਤਾਬ ਲੈਟ ਯੂ ਟੀਚ ਇੰਗਲਿਸ਼ ਦੀ ਘੁੰਡ ਚੁਕਾਈ ਦੀ ਰਸਮ ਮੈਡਮ ਕੁਲਵਿੰਦਰ ਕੌਰ ਸੈਂਟਰ ਸਕੂਲ ਮੁਖੀ ਗਹਿਰੀ ਬੁੱਟਰ ਅਤੇ ਸੈਂਟਰ ਹੈਂਡ ਜਗਦੀਸ਼ ਕੁਮਾਰ ਚੱਕ ਰੁਲਦੂ ਸਿੰਘ ਵਾਲਾ ਵੱਲੋਂ ਕੀਤੀ ਗਈ। ਇਸ ਕਿਤਾਬ ਦੀ ਮਦਦ ਨਾਲ ਪ੍ਰਾਇਮਰੀ ਪੱਧਰ ਦੇ ਬੱਚਿਆਂ ਨੂੰ ਅੰਗਰੇਜ਼ੀ ਭਾਸ਼ਾ ਦੇ ਸ਼ਬਦਾਂ ਦਾ ਸਹੀ ਉਚਾਰਨ ਕਰਨ ਬਾਰੇ ਬੜੀ ਹੀ ਬਰੀਕੀਆਂ ਨਾਲ ਉਚਾਰਨ ਦੱਸਿਆ ਗਿਆ ਹੈ ।
ਇਸ ਮੌਕੇ ਸੈਂਟਰ ਗਹਿਰੀ ਬੁੱਟਰ ਦੇ ਸਟਾਫ ਮੈਂਬਰ ਗੋਬਿੰਦ ਸਿੰਘ ਹੈਂਡ ਟੀਚਰ ਸਤਨਾਮ ਕੌਰ, ਸਵਰਨ ਸਿੰਘ ਸੰਗਤ, ਸੰਦੀਪ ਕੁਮਾਰ ਬੀ ਐਮ ਟੀ, ਬਲਵੀਰ ਸਿੰਘ ਕਮਾਂਡੋ ਮੀਡੀਆ ਸਲਾਹਕਾਰ ਜੋਗਾ ਸਿੰਘ ਬੀ.ਐੱਸ.ਓ ਪ੍ਰਦੀਪ ਕੌਰ ਸੰਗਤ , ਹੈਂਡ ਟੀਚਰ ਰੇਖਾ ਰਾਣੀ ਫੁੱਲੋ ਮਿੱਠੀ, ਸਾਕਸ਼ੀ ਸੱਚਦੇਵਾ ਕੋਟਗੁਰੂ, ਲਾਧੂ ਰਾਮ ਦੁੱਨੇਵਾਲਾ ਆਦਿ ਨੇ ਕਿਤਾਬ ਦੇ ਲੇਖਕ ਬਲਕਾਰ ਸਿੰਘ ਪੱਕਾ ਦਾ ਸਨਮਾਨ ਵੀ ਕੀਤਾ ਗਿਆ। ਇਸ ਮੌਕੇ ਸੈਂਟਰ ਗਹਿਰੀ ਬੁੱਟਰ ਦੇ ਸੈਂਟਰ ਹੈਡ ਕੁਲਵਿੰਦਰ ਕੌਰ ਨੇ ਦੱਸਿਆ ਕਿ ਇਸ ਕਿਤਾਬ ਦੇ ਪੜ੍ਹਨ ਪੜ੍ਹਾਉਣ ਨਾਲ ਬੱਚਿਆਂ ਨੂੰ ਲਾਭ ਪ੍ਰਾਪਤ ਹੋਵੇਗਾ।