ਅਸ਼ੋਕ ਵਰਮਾ
- ਪੰਜਾਬੀ ਸਾਹਿਤ ਸਭਾ ਬਠਿੰਡਾ ਵੱਲੋਂ ਅਸਤੀਫੇ ਪ੍ਰਵਾਨ
ਬਠਿੰਡਾ, 23 ਫਰਵਰੀ 2020 - ਪੰਜਾਬੀ ਸਾਹਿਤ ਸਭਾ ਬਠਿੰਡਾ ਦੀ ਕਾਰਜਕਾਰਨੀ ਦੀ ਇਕੱਤਰਤਾ ਪ੍ਰਧਾਨ ਜੇ.ਸੀ. ਪਰਿੰਦਾ ਦੀ ਪ੍ਰਧਾਨਗੀ ਵਿੱਚ ਹੋਈ ਜਿਸ ਵਿੱਚ ਸ਼੍ਰੋਮਣੀ ਸਾਹਿਤਕਾਰ ਮਰਹੂਮ ਸੰਤੋਖ ਸਿੰਘ ਧੀਰ ਦੀ ਜਨਮ ਸ਼ਤਾਬਦੀ ਦੇ ਸੰਬੰਧ ਵਿੱਚ ਸੈਮੀਨਾਰ ਕਰਵਾਉਣ ਦਾ ਫੈਸਲਾ ਕੀਤਾ ਗਿਆ। ਇਹ ਸਮਾਗਮ ਪੰਜਾਬੀ ਸਾਹਿਤ ਅਕਾਦਮੀ ਚੰਡੀਗੜ੍ਹ ਦੇ ਸਹਿਯੋਗ ਨਾਲ ਕਰਵਾਇਆ ਜਾ ਰਿਹਾ ਹੈ।
ਇਸ ਸਮਾਗਮ ਦੇ ਮੁੱਖ ਵਕਤਾ ਨਿੰਦਰ ਘੁਗਿਆਣਵੀ ਹੋਣਗੇ। ਡਾ. ਸਰਬਜੀਤ ਕੌਰ ਸੋਹਲ ਪ੍ਰਧਾਨਗੀ ਕਰਨਗੇ ਅਤੇ ਮੁੱਖ ਮਹਿਮਾਨ ਡਾ ਲਾਭ ਸਿੰਘ ਖੀਵਾ ਹੋਣਗੇ। ਕਾਰਜਕਾਰਨੀ ਨੇ ਸੀਨੀਅਰ ਮੀਤ ਪ੍ਰਧਾਨ ਅਜੀਤਪਾਲ ਸਿੰਘ ਅਤੇ ਸਹਾਇਕ ਸਕੱਤਰ ਭੁਪਿੰਦਰ ਸੰਧੂ ਵੱਲੋਂ ਪ੍ਰੈੱਸ ਵਿੱਚ ਜਾ ਕੇ ਸਾਹਿਤ ਸਭਾ ਦਾ ਨਾਮ ਅਤੇ ਅਕਸ ਨੂੰ ਢਾਹ ਲਾਉਣ ਬਾਰੇ ਵਿਸਥਾਰ ਵਿੱਚ ਚਰਚਾ ਕੀਤੀ ਗਈ।
ਉਨਾਂ ਵੱਲੋਂ ਕੀਤੇ ਦਾਅਵਿਆਂ ਨੂੰ ਰੱਦ ਕਰਦੇ ਹੋਏ ਦੋਵਾਂ ਦੇ ਅਸਤੀਫੇ ਪ੍ਰਵਾਨ ਕੀਤੇ ਗਏ। ਇਸ ਮੀਟਿੰਗ ਵਿੱਚ ਜਸਪਾਲ ਮਾਨਖੇੜਾ, ਰਣਜੀਤ ਗੌਰਵ, ਲਛਮਣ ਸਿੰਘ ਮਲੂਕਾ, ਜਰਨੈਲ ਭਾਈਰੂਪਾ, ਭੋਲਾ ਸਿੰਘ ਸ਼ਮੀਰੀਆ, ਦਿਲਬਾਗ ਸਿੰਘ, ਰਣਬੀਰ ਰਾਣਾ, ਵਿਕਾਸ ਕੌਂਸਲ, ਦਮਜੀਤ ਦਰਸ਼ਨ ਅਤੇ ਅਮਨ ਦਾਤੇਵਾਸੀਆ ਹਾਜਰ ਸਨ।