ਸਪੀਕਰ ਕੁਲਤਾਰ ਸਿੰਘ ਸੰਧਵਾਂ ਨੇ ਮਹਿਕਦੇ ਫੁੱਲ ਮੈਗਜ਼ੀਨ ਕੀਤਾ ਰਿਲੀਜ਼
ਦੀਪਕ ਗਰਗ
ਕੋਟਕਪੂਰਾ, 17 ਨਵੰਬਰ 2022 :- ਸਥਾਨਕ ਸਰਕਾਰੀ ਪ੍ਰਾਇਮਰੀ ਸਕੂਲ ਵਿੱਚ ਬਾਲ ਮੇਲੇ ਨੂੰ ਸਮਰਪਿਤ ਕਰਵਾਏ ਗਏ ਸਮਾਗਮ ਦੌਰਾਨ ਉਚੇਚੇ ਤੌਰ ’ਤੇ ਪੁੱਜੇ ਕੁਲਤਾਰ ਸਿੰਘ ਸੰਧਵਾਂ ਸਪੀਕਰ ਪੰਜਾਬ ਵਿਧਾਨ ਸਭਾ ਨੇ ਸਕੂਲ ਦਾ ਮੈਗਜ਼ੀਨ ‘ਮਹਿਕਦੇ ਫੁੱਲ’ ਰਿਲੀਜ਼ ਕਰਦਿਆਂ ਸਕੂਲ ਮੁਖੀ ਸਮੇਤ ਸਮੁੱਚੇ ਸਟਾਫ ਦੀਆਂ ਸੇਵਾਵਾਂ ਦੀ ਭਰਪੂਰ ਪ੍ਰਸੰਸਾ ਕੀਤੀ। ਇਸ ਮੌਕੇ ਸ਼ਿਵਰਾਜ ਕਪੂਰ ਡੀਈਓ ਫਰੀਦਕੋਟ ਅਤੇ ਸੁਰਜੀਤ ਸਿੰਘ ਬਲਾਕ ਪ੍ਰਾਇਮਰੀ ਸਿੱਖਿਆ ਅਫਸਰ ਕੋਟਕਪੂਰਾ ਵੀ ਹਾਜਰ ਸਨ।
ਮੰਚ ਸੰਚਾਲਨ ਕਰਦਿਆਂ ਮੈਡਮ ਸੁਰਜੀਤ ਕੌਰ ਨੇ ਦੱਸਿਆ ਕਿ ਸਟਾਫ ਵਲੋਂ ਬੱਚਿਆਂ ਦਾ ਸੱਭਿਆਚਾਰਕ ਪੋ੍ਰਗਰਾਮ ਵੀ ਕਰਵਾਇਆ ਗਿਆ ਅਤੇ ਸਕੂਲ ਪੱਧਰ ਦੇ ਵਿਦਿਅਕ ਮੁਕਾਬਲੇ ਵੀ ਹੋਏ। ਸਮਾਗਮ ਦੌਰਾਨ ਕੌਂਸਲਰ ਸਵਤੰਤਰ ਜੋਸ਼ੀ ਸਮੇਤ ਹੋਰ ਅਨੇਕਾਂ ਪਤਵੰਤਿਆਂ ਦੀ ਹਾਜਰੀ ਵਿੱਚ ਜਿੱਥੇ ਦਾਖਲਾ ਮੁਹਿੰਮ ਦਾ ਆਗਮਨ ਕੀਤਾ ਗਿਆ, ਉੱਥੇ ਬੱਚਿਆਂ ਦੇ ਮਾਪਿਆਂ ਦਾ ਵੀ ਭਰਪੂਰ ਸੁਆਗਤ ਹੋਇਆ।
ਸੱਭਿਆਚਾਰਕ ਪੋ੍ਰਗਰਾਮ ਅਤੇ ਵਿਦਿਅਕ ਮੁਕਾਬਲਿਆਂ ਵਿੱਚ ਪੁਜੀਸ਼ਨਾ ਲੈਣ ਵਾਲੇ ਬੱਚਿਆਂ ਨੂੰ ਐਡਵੋਕੇਟ ਬੀਰਇੰਦਰ ਸਿੰਘ ਅਤੇ ਸਵਤੰਤਰ ਜੋਸ਼ੀ ਨੇ ਸਟਾਫ ਸਮੇਤ ਮੈਡਲ ਦੇ ਕੇ ਸਨਮਾਨਿਤ ਕੀਤਾ। ਸਕੂਲ ਮੁਖੀ ਮੈਡਮ ਮਨਵਿੰਦਰ ਕੌਰ ਨੇ ਸਾਰਿਆਂ ਨੂੰ ਜੀ ਆਇਆਂ ਆਖਦਿਆਂ ਉਹਨਾਂ ਦਾ ਧੰਨਵਾਦ ਕੀਤਾ। ਸੱਭਿਆਚਾਰਕ ਗਤੀਵਿਧੀਆਂ ਬੱਚਿਆਂ ਮੈਡਮ ਜਤਿੰਦਰ ਕੌਰ ਵਲੋਂ ਭਰਪੂਰ ਸਾਥ ਦਿੱਤਾ ਗਿਆ। ਇਸ ਮੌਕੇ ਉਪਰੋਕਤ ਤੋਂ ਇਲਾਵਾ ਪਰਮਿੰਦਰ ਸਿੰਘ, ਸੁਮਨ, ਅਨੂੰ, ਕੁਲਦੀਪ ਰਾਣੀ, ਅਕਾਸ਼ਦੀਪ ਸਿੰਘ, ਰਮਨਦੀਪ ਕੌਰ, ਜਸਮੀਤ ਕੌਰ ਆਦਿ ਵੀ ਹਾਜਰ ਸਨ।