ਨਾ ਤੂੰ ਅਜੇ ਨਾ ਜਾ
ਬਹੁਤ ਪਿਆ ਹੈ ਦਿਨ
ਅਜੇ ਹੁਣੇ ਤਾਂ
ਤਾਰਿਆਂ ਨੂੰ ਅਲਵਿਦਾ ਕਹੀ ਹੈ-
ਸਰਘੀ ਦਾ ਪੋਚਾ ਮਾਰ
ਸੂਰਜ ਬਿਠਾਇਆ ਹੈ ਘਰ ਦੀ ਛੱਤ ਤੇ-
ਅਜੇ ਤਾਂ ਆਪਾਂ ਬਚਪਨ ਦੀਆਂ ਖੇਡਾਂ ਦਾ
ਵਰਕਾ 2 ਥੱਲਣਾ ਪੜ੍ਹਨਾ ਹੈ-
ਬੈਠ ਮੈਂ ਤੇਰੇ ਲਈ
ਧਰਤ ਵਿਛਾਉਨਾਂ
ਰਿਸ਼ਮਾਂ ਦਾ ਇੱਕ ਚਵਰ ਬਣਾਉਨਾਂ-
ਤੂੰ ਮੇਰੇ ਘਰ ਪ੍ਰਾਹੁਣੀ ਏਂ-
ਦੇਖ ਤੇਰੇ ਆਉਣ ਨਾਲ
ਡੋਡੀਆਂ ਨੇ ਅੱਖਾਂ ਖ੍ਹੋਲੀਆਂ ਨੇ
ਫੁੱਲ ਖਿੜ੍ਹੇ ਹਨ -
ਘਰ ਭਰਿਆ 2 ਲਗਦਾ ਹੈ ਅੱਜ
ਤੂੰ ਹੁਣ ਇਸ ਨੂੰ ਸੁੰਨ੍ਹਾ ਕਰ ਕੇ ਨਾ ਜਾਂਵੀਂ-
ਤੂੰ ਤਾਂ ਜਾਣਦੀ ਹੀ ਏਂ
ਸੁੰਨ੍ਹੇ ਘਰਾਂ 'ਚ ਕੋਈ ਪਵਨ ਵੀ ਨਹੀਂ ਗਾਉਂਦੀ
ਨਾ ਕੋਈ ਕਾਂ ਬਨੇਰੇ ਬਹਿੰਦਾ ਹੈ-
ਸੁਨ੍ਹੇਹੇ ਵੀ ਖਿੜ੍ਹੇ ਘਰਾਂ 'ਚ ਹੀ ਆਉਂਦੇ ਨੇ-
ਨਾ ਤੂੰ ਅਜੇ ਨਾ ਜਾ
ਤੇਰੇ ਠਹਿਰਨ ਨਾਲ
ਦੀਵਾਰਾਂ ਸਜਦੀਆਂ ਨੇ
ਵਿਹੜੇ ਨੂੰ ਚਾਅ ਚੜ੍ਹਦਾ ਹੈ-
ਛੱਤ ਤੇ ਬ੍ਰਹਿਮੰਡ ਮੰਡਰਾਂਦਾ ਹੈ-
ਤੂੰ ਚਲੀ ਗਈ ਤਾਂ
ਉਦਾਸ ਹੋ ਜਾਣਗੇ ਬੂਹੇ
ਖੁਰ ਜਾਣਗੇ ਫੁੱਲਾਂ ਦੇ ਰੰਗ ਸੂਹੇ
ਤੇਰਾ ਤਾਂ ਕੁਝ ਜਾਣਾ ਨਹੀਂ
ਕੁਝ ਨਹੀਂ ਬਚਣਾ ਇਸ ਕੰਬਦੀ ਰੂਹੇ
ਤੂੰ ਨਹੀਂ ਜਾਣਦੀ
ਕਿੰਜ਼ ਬੀਤਦੇ ਨੇ ਉਦਾਸ ਜੇਹੇ ਪਲ
ਕਿੰਨੇ ਡੂੰਘੇ ਹੁੰਦੇ ਨੇ ਬਿਰਹਾ ਦੇ ਸੱਲ
ਤੂੰ ਬੈਠ ਪਿਆਰ ਦੀ ਕੋਈ ਗੱਲ ਕਰ-
ਤੇਰੇ ਨਾਲ ਹੀ ਇਹ ਖਿੜ੍ਹਦੇ ਦਰ
ਤੇਰੇ ਵਗੈਰ ਕੀ ਕਰੇ ਕੱਲੀ ਕਾਲੀ ਰਾਤ
ਕੀ ਕਰੇ ਸੱਜਰੀ ਪਰਭਾਤ
ਤੇ ਦਿਨ ਜਿਸ ਵਿਚ ਨਾ ਹੋਵੇ ਕੋਈ ਮੁਲਾਕਾਤ
ਤੂੰ ਆਵੇਂ ਤਾਂ ਹੋ ਜਾਵੇ ਕਰਾਮਾਤ
ਦੇਖ ਤੂੰ ਆਈ ਪੰਛੀ ਵੀ ਆਏ
ਜੇਬਾਂ ਦੇ ਵਿਚ ਗੀਤ ਲਿਆਏ
ਦਰਾਂ ਨੂੰ ਲੱਖ ਚਾਅ ਚੜ੍ਹ ਆਏ
ਕਮਰੇ ਅਸਾਂ ਸੂਰਜ ਸਜਾਏ
ਤੂੰ ਅਜੇ ਨਾ ਜਾ
ਤੂੰ ਨਹੀਂ ਜਾਣਦੀ
ਕਿਸੇ ਨੂੰ ਅਲਵਿਦਾ ਕਹਿਣੀ
ਕਿੰਨੀ ਮੁਸ਼ਕਲ ਹੁੰਦੀ ਹੈ
ਜਦੋਂ ਕੋਈ ਆਪਣਾ ਵਿਛੜਦਾ ਹੈ-
ਹਿੱਕਾਂ 'ਚ ਸਾਹ ਨਹੀਂ ਬਚਦੇ
ਪੱਬਾਂ ਹੇਠ ਰਾਹ ਨਹੀਂ ਬਚਦੇ
ਪਲਕਾਂ ਤੋਂ ਸਾਂਭੇ ਨਹੀਂ ਜਾਂਦੇ ਹੰਝੂ
ਰੁੱਖ ਕੋਈ ਗਵਾਹ ਨਹੀਂ ਬਚਦੇ-
ਤੂੰ ਹੀ ਦੱਸ ਤੇਰੇ ਜਾਣ ਬਾਅਦ
ਇਸ ਦਿੱਲ ਦਾ ਕੀ ਹਾਲ ਹੋਏਗਾ
ਕਿਹਨੂੰ ਦੱਸੇਗਾ ਇਹ ਚੀਸ ਹਿੱਕ ਦੀ
ਕਿਹਦੇ ਗਲ ਲੱਗ ਰੋਏਗਾ
ਇੱਕ 2 ਹੰਝੂ ਕਿਰਦੇ ਨੂੰ
warm regards
DrAmarjit Tanda
Tanda Pest Control -----SRK Real Estate
Ex-Pest Control Technician Flick Pest Control / Rentokil Pest ControlSydney
UWS Hawkesbury CSIRO, Australia
Ph = 02 9682 3030 Mob; 0417271147