ਸਰਬਾਂਗੀ ਲੇਖਕ ਡਾ. ਸੁਰਜੀਤ ਖ਼ੁਰਮਾ ਸੰਬੰਧੀ ਵਿਸ਼ੇਸ਼ ਅੰਕ ਦਾ ਲੋਕ ਅਰਪਣ 25 ਦਸੰਬਰ ਨੂੰ
ਪਟਿਆਲਾ, 17 ਦਸੰਬਰ 2021 - ਸਰਬਾਂਗੀ ਲੇਖਕ ਡਾ. ਸੁਰਜੀਤ ਖ਼ੁਰਮਾ ਸੰਬੰਧੀ 'ਕਲਾਕਾਰ ਸਾਹਿਤਕ' ਰਸਾਲੇ ਦੇ 27ਵੇਂ ਵਿਸ਼ੇਸ਼ ਅੰਕ ਦਾ ਲੋਕ ਅਰਪਣ 25 ਦਸੰਬਰ, 2021 ਦਿਨ ਸ਼ਨੀਵਾਰ ਨੂੰ ਬਾਅਦ ਦੁਪਹਿਰ 2 ਵਜੇ ਭਾਸ਼ਾ ਵਿਭਾਗ,ਪੰਜਾਬ,ਪਟਿਆਲਾ ਵਿਖੇ ਕੀਤਾ ਜਾ ਰਿਹਾ ਹੈ। ਇਸ ਸਮਾਗਮ ਦੀ ਪ੍ਰਧਾਨਗੀ ਡਾ. ਮਦਨ ਲਾਲ ਹਸੀਜਾ, ਸਾਬਕਾ ਡਾਇਰੈਕਟਰ,ਭਾਸ਼ਾ ਵਿਭਾਗ,ਪੰਜਾਬ ਕਰਨਗੇ ਅਤੇ ਮੁੱਖ ਮਹਿਮਾਨ ਸ੍ਰੀਮਤੀ ਕਰਮਜੀਤ ਕੌਰ ਡਾਇਰੈਕਟਰ,ਭਾਸ਼ਾ ਵਿਭਾਗ ਹੋਣਗੇ।
ਇਸ ਵਿਸ਼ੇਸ਼ ਅੰਕ ਦੇ ਸੰਪਾਦਕ ਨਾਟਕਕਾਰ ਸਤਿੰਦਰ ਸਿੰਘ ਨੰਦਾ ਨੇ ਦੱਸਿਆ ਕਿ ਇਸ ਸਮਾਗਮ ਵਿਚ ਪ੍ਰਸਿੱਧ ਸਾਹਿਤਕਾਰ ਡਾ. ਗੁਰਬਚਨ ਸਿੰਘ ਰਾਹੀ ਅਤੇ ਤੇਜਾ ਸਿੰਘ ਤਿਲਕ ਵਿਸ਼ੇਸ਼ ਮਹਿਮਾਨਾਂ ਤੋਂ ਇਲਾਵਾ ਪ੍ਰਮੁੱਖ ਬੁਲਾਰਿਆਂ ਵਜੋਂ ਡਾ. ਦਰਸ਼ਨ ਸਿੰਘ ਆਸ਼ਟ, ਡਾ. ਹਰਬੰਸ ਧੀਮਾਨ,ਅਜਮੇਰ ਕੈਂਥ,ਡਾ. ਹਰਨੇਕ ਸਿੰਘ ਢੋਟ ਅਤੇ ਰਸਾਲੇ ਦੇ ਸੰਪਾਦਕ ਕੰਵਰਜੀਤ ਭੱਠਲ ਡਾ. ਸੁਰਜੀਤ ਖ਼ੁਰਮਾ ਦੀ ਰਚਨਾਕਾਰੀ ਬਾਰੇ ਵਿਚਾਰ ਚਰਚਾ ਵਿਚ ਭਾਗ ਲੈਣਗੇ।