ਨਵੀਂ ਦਿੱਲੀ, 2 ਅਗਸਤ 2019 - ਨੈਸ਼ਨਲ ਹਿੰਦੀ ਨਿਊਜ਼ ਚੈਨਲ ਐਨ.ਡੀ.ਟੀ.ਵੀ ਇੰਡੀਆ ਦੇ ਮੈਨੇਜਿੰਗ ਐਡੀਟਰ ਰਵੀਸ਼ ਕੁਮਾਰ ਨੂੰ ਇੱਕ ਵਾਰ ਫੇਰ ਤੋਂ ਪੱਤਰਕਾਰੀ ਦੀ ਦੁਨੀਆ 'ਚ ਪਾਏ ਆਪਣੇ ਅਹਿਮ ਯੋਗਦਾਨ ਕਾਰਨ ਸਨਮਾਨਤ ਕੀਤਾ ਗਿਆ ਹੈ। ਰਵੀਸ਼ ਨੂੰ ਇਸ ਵਾਰ 2019 ਦੇ 'ਰੈਮਾਨ ਮੈਗਸੇਸੇ" ਐਵਾਰਡ ਨਾਲ ਸਨਮਾਨ ਕੀਤਾ ਗਿਆ। ਰੈਮਾਨ ਮੈਗਸੇਸੇ ਨੂੰ ਏਸ਼ੀਆ ਦਾ ਨੋਬਲ ਪੁਰਸਕਾਰ ਵੀ ਕਿਹਾ ਜਾਂਦਾ ਹੈ।
ਇੱਥੇ ਇਹ ਦੱਸਣਾ ਬਣਦਾ ਹੈ ਕਿ ਇਹ ਪੁਰਸਕਾਰ ਏਸ਼ੀਆ ਦੀਆਂ ਪ੍ਰਮੁੱਖ ਸ਼ਖਸੀਅਤਾਂ, ਜਿੰਨ੍ਹਾਂ ਨੇ ਆਪਣੇ ਖੇਤਰ 'ਚ ਕੋਈ ਖਾਸ ਕੰਮ ਕੀਤਾ ਹੋਵੇ, ਨੂੰ ਦਿੱਤਾ ਜਾਂਦਾ ਹੈ। ਇਹ ਸਨਮਾਨ ਫਿਲਪੀਨਸ ਦੇ ਸਾਬਕਾ ਰਾਸ਼ਟਰਪਤੀ ਰੌਮਾਨ ਮੈਗਸੇਸ ਦੀ ਯਾਦ 'ਚ ਦਿੱਤਾ ਜਾਂਦਾ ਹੈ।