ਲੋਕੇਸ਼ ਰਿਸ਼ੀ
ਗੁਰਦਾਸਪੁਰ, 10 ਜੁਲਾਈ 2019 - ਗੁਰਦਾਸਪੁਰ ਵਿਖੇ ਇੱਕ ਪਿਆਰ, ਨਸ਼ਾ, ਇਮਾਨਦਾਰੀ ਅਤੇ ਦ੍ਰਿੜ੍ਹ ਨਿਸ਼ਚੇ ਨਾਲ ਜੁੜੀ ਹੋਈ ਪ੍ਰੇਮ ਕਹਾਣੀ ਸਾਹਮਣੇ ਆਈ ਹੈ। ਜਿੱਥੇ ਇੱਕ ਵਿਦੇਸ਼ੀ ਮੁਟਿਆਰ ਨੂੰ ਨਸ਼ੇ ਦੀ ਲੱਤ ਵਿੱਚ ਬੁਰੀ ਤਰਾਂ ਉਲਝੇ ਪੰਜਾਬੀ ਗੱਭਰੂ ਨਾਲ ਪਿਆਰ ਹੋ ਗਿਆ। ਬਾਅਦ 'ਚ ਜਦੋਂ ਲੜਕੀ ਨੂੰ ਉਸ ਦੇ ਪ੍ਰੇਮੀ ਦੀ ਲਤ ਬਾਰੇ ਪਤਾ ਲੱਗਾ ਤਾਂ ਉਸ ਵਿਦੇਸ਼ੀ ਕੁੜੀ ਨੇ ਪ੍ਰੇਮੀ ਨੂੰ ਛੱਡਣ ਦੀ ਬਜਾਏ ਆਪਣੇ ਉਸ ਨੂੰ ਨਸ਼ੇ ਤੋਂ ਦੂਰ ਕਰਨ ਦਾ ਨਿਸ਼ਚਾ ਕਰ ਲਿਆ। ਨਤੀਜੇ ਵਜੋਂ ਅੱਜ ਉਹ ਵਿਦੇਸ਼ੀ ਲੜਕੀ ਅਤੇ ਪੰਜਾਬੀ ਲੜਕੇ ਨੇ ਆਪਸ ਵਿੱਚ ਵਿਆਹ ਕਰਵਾ ਲਿਆ ਹੈ ਅਤੇ ਲੜਕੇ ਨੇ ਵੀ ਆਪਣੀ ਲੱਕੇ ਪ੍ਰੇਮਿਕਾ ਦੀਆਂ ਭਾਵਨਾਵਾਂ ਸਮਝਦਿਆਂ ਨਸ਼ੇ ਤੋਂ ਤੌਬਾ ਕਰ ਲਈ ਹੈ।
ਪੂਰਾ ਮਾਮਲਾ ਗੁਰਦਾਸਪੁਰ ਦੇ ਪਿੰਡ ਸੰਦਲ ਦਾ ਹੈ ਜਿੱਥੋਂ ਦੇ ਨੌਜਵਾਨ ਮਲਕੀਅਤ ਸਿੰਘ ਦਾ ਸੰਪਰਕ ਸੋਸ਼ਲ ਮੀਡੀਆ ਰਾਹੀਂ ਡੈਨਮਾਰਕ ਦੀ ਰਹਿਣ ਵਾਲੀ ਨੈਟਲੀ ਉਰਫ਼ ਨਤਾਸ਼ਾ ਨਾਲ ਹੋਇਆ। ਮਲਕੀਅਤ ਸਿੰਘ ਹਾਰਡ ਕੋਰ ਨਸ਼ੇ ਦਾ ਆਦੀ ਸੀ। ਹੌਲੀ-ਹੌਲੀ ਦੋਹਾਂ ਦੀ ਇਹ ਆਪਸੀ ਜਾਣ-ਪਛਾਣ ਪਿਆਰ ਵਿੱਚ ਬਦਲ ਗਈ ਅਤੇ ਦੋਵੇਂ ਅਕਸਰ ਆਪਸ ਵਿੱਚ ਚੈਟਿੰਗ ਕਰਨ ਲੱਗ ਪਏ। ਇਸ ਤੋਂ ਪਹਿਲਾਂ ਕਿ ਦੋਹਾਂ ਦਾ ਪਿਆਰ ਹੋਰ ਅੱਗੇ ਜਾਂਦਾ, ਨੈਟਲੀ ਨੂੰ ਮਲਕੀਅਤ ਦੇ ਨਸ਼ੇ ਦੀ ਲੱਤ ਬਾਰੇ ਪਤਾ ਲੱਗ ਗਿਆ। ਨੈਟਲੀ ਨੇ ਆਪਣੇ ਨਸ਼ੇੜੀ ਪ੍ਰੇਮੀ ਨੂੰ ਛੱਡਣ ਦੀ ਬਜਾਏ ਉਸ ਨੂੰ ਨਸ਼ੇ ਤੋਂ ਦੂਰ ਕਰਨ ਦਾ ਫ਼ੈਸਲਾ ਕੀਤਾ ਅਤੇ ਉਹ ਮਲਕੀਅਤ ਕੋਲ ਭਾਰਤ ਆ ਗਈ। ਫ਼ਿਲਹਾਲ ਦੋਹਾਂ ਨੇ ਪਿਛਲੇ ਸਮੇਂ ਦੌਰਾਨ ਆਪਸ ਵਿੱਚ ਵਿਆਹ ਕਰਵਾ ਲਿਆ ਹੈ ਮਲਕੀਅਤ ਹੁਣ ਨਸ਼ਾ ਛੱਡ ਚੁੱਕਾ ਹੈ।
ਜਾਣਕਾਰੀ ਦਿੰਦਿਆਂ ਡੈਨਮਾਰਕ ਤੋਂ ਆਈ ਨੈਟਲੀ ਉਰਫ਼ ਨਤਾਸ਼ਾ ਨੇ ਦੱਸਿਆ ਕਿ ਪੰਜਾਬ ਦੇ ਇਨਸਾਨ ਨੇਕ ਦਿਲ ਤੇ ਇਮਾਨਦਾਰ ਹੁੰਦੇ ਹਨ ਅਤੇ ਇੰਟਰਨੈੱਟ ਜ਼ਰੀਏ ਉਹਦੀ ਦੋਸਤੀ ਗੁਰਦਾਸਪੁਰ ਦੇ ਪਿੰਡ ਸੰਦਲ ਦੇ ਨੌਜਵਾਨ ਮਲਕੀਤ ਸਿੰਘ ਨਾਲ ਹੋ ਗਈ ਇਸ ਤੋਂ ਪਹਿਲਾ ਕਿ ਦੋਸਤੀ ਅੱਗੇ ਵਧਦੀ ਮਲਕੀਤ ਨੇ ਆਪਣੀ ਇਮਾਨਦਾਰੀ ਦਾ ਸਬੂਤ ਦਿੱਤਾ। ਉਸ ਨੇ ਚੈਟਿੰਗ ਦੌਰਾਨ ਸਾਫ਼ ਕਰ ਦਿੱਤਾ ਕਿ ਉਸ ਨੂੰ ਨਸ਼ੇ ਦੀ ਲਤ ਲੱਗੀ ਹੋਈ ਹੈ ਨਤਾਸ਼ਾ ਉਸ ਦੀ ਇਮਾਨਦਾਰੀ ਤੋਂ ਬਹੁਤ ਪ੍ਰਭਾਵਿਤ ਹੋਈ ਕਿ ਉਸ ਨੇ ਉਸ ਨੂੰ ਝੂਠ ਬੋਲਣ ਦੀ ਥਾਂ ਉਸ ਨੂੰ ਬਿਲਕੁਲ ਸੱਚ ਦੱਸਿਆ ਹੈ ਅਤੇ ਨਤਾਸ਼ਾ ਨੇ ਫ਼ੈਸਲਾ ਕੀਤਾ ਕਿ ਉਹ ਉਹਨੂੰ ਨਸ਼ੇ ਦੀ ਦਲ ਦਲ ਤੋ ਬਾਹਰ ਕੱਢਣ ਲਈ ਪੰਜਾਬ ਜਾਏਗੀ ਅਤੇ ਉਸ ਨੇ ਪੰਜਾਬ ਆਕੇ ਮਲਕੀਤ ਨੂੰ ਇਲਾਜ ਲਈ ਸਾਈਬੇਰੀਆ ਲੈ ਗਈ। ਪਰ ਕੁੱਝ ਸਾਈ ਬੇਰੀ ਨਾਂ ਪੈਣ ਕਾਰਨ ਉਹ ਫਿਰ ਪੰਜਾਬ ਦੇ ਸ਼ਹਿਰ ਗੁਰਦਾਸਪੁਰ ਆ ਗਏ ਅਤੇ ਇੱਥੇ ਆ ਕੇ ਉਸ ਨੇ ਮਲਕੀਤ ਸਿੰਘ ਨਾਲ ਵਿਆਹ ਕਰਵਾ ਲਿਆ ਅਤੇ ਉਹਨੂੰ ਇਲਾਜ ਲਈ ਗੁਰਦਾਸਪੁਰ ਦੇ ਇਕ ਛੁਡਾਊ ਕੇਂਦਰ ਵਿੱਚ ਭਰਤੀ ਕਰਵਾ ਦਿੱਤਾ ਜਿੱਥੇ ਉਹਦਾ ਇਲਾਜ ਚੱਲ ਰਿਹਾ ਹੈ ਅਤੇ ਉਹ ਦੋਵੇਂ ਕਾਫ਼ੀ ਖ਼ੁਸ਼ ਹਨ ਅਤੇ ਨੈਟਲੀ ਉਰਫ਼਼ ਨਤਾਸ਼ਾ ਉਹਨੂੰ ਆਪਣੇ ਨਾਲ ਵਿਦੇਸ਼ ਲੈ ਕੇ ਜਾ ਰਹੀ ਹੈ
ਇਸ ਸਬੰਧੀ ਨਸ਼ਾ ਛੁਡਾਊ ਕੇਂਦਰ ਦੇ ਡਾਕਟਰ ਰਮੇਸ਼ ਮਹਾਜਨ ਨੇ ਦੱਸਿਆ ਕਿ ਮਲਕੀਤ ਸਿੰਘ ਰਾਕੇਸ਼ ਦੀਆਂ ਗੋਲੀਆਂ ਅਤੇ ਹੀਰੋਇਨ ਦਾ ਨਸ਼ਾ ਕਰਦਾ ਸੀ ਅਤੇ ਡੈਨਮਾਰਕ ਤੋਂ ਆਈ ਨੈਟਲੀ ਉਰਫ਼਼ ਨਤਾਸ਼ਾ ਨੇ ਬਹੁਤ ਵਧੀਆ ਵਧੀਆ ਕੀਤਾ ਅਤੇ ਇਸ ਨੂੰ ਨਸ਼ੇ ਦੀ ਦਲ ਦਲ ਤੋ ਬਾਹਰ ਕੱਢਣ ਲਈ ਇਸ ਦਾ ਇਲਾਜ ਕਰਵਾ ਰਹੀ ਹੈ ਅਤੇ ਮਲਕੀਤ ਸਿੰਘ ਹੁਣ ਠੀਕ ਹੈ ਅਤੇ ਇਹ ਜਲਦ ਵਾਪਸ ਜਾ ਰਹੇ ਹਨ।
ਵੀਡੀਓ ਦੇਖਣ ਲਈ ਹੇਠ ਲਿੰਕ 'ਤੇ ਕਲਿਕ ਕਰੋ :-
https://www.youtube.com/watch?v=AxojbXrRwhc&feature=youtu.be