ਅਗਾਂਹਵਧੂ ਆਗੂ ਤੇ ਪੰਜਾਬੀ ਲੇਖਕ ਗਿਆਨੀ ਗੁਰਦੇਵ ਸਿੰਘ ਨਿਹਾਲ ਸਿੰਘ ਵਾਲਾ ਸੁਰਗਵਾਸ
ਲੁਧਿਆਣਾ, 25 ਅਕਤੂਬਰ 2022 - ਪੰਜਾਬੀ ਸ਼ਾਇਰ ਪਰਸ਼ੋਤਮ ਪੱਤੋ ਨੇ ਲਿਖ ਕੇ ਦੱਸਿਐ ਕਿ ਪੰਜਾਬੀ ਲੇਖਕ ਸਭਾ ਨਿਹਾਲ ਸਿੰਘ ਵਾਲਾ ਅਤੇ ਸਾਹਿਤਕ ਹਲਕਿਆਂ ਵਿੱਚ ਗਿਆਨੀ ਗੁਰਦੇਵ ਸਿੰਘ ਜੀ ਦੇ ਨਾਮ ਨਾਲ ਜਾਣੇ ਜਾਂਦੇ ਅਗਾਂਹਵਧੂ ਸੋਚ ਵਾਲੇ ਗਿਆਨੀ ਗੁਰਦੇਵ ਸਿੰਘ ਨਿਹਾਲ ਸਿੰਘ ਵਾਲਾ ਸਾਡੇ ਵਿੱਚੋਂ ਰੁਖ਼ਸਤ ਹੋ ਗਏ ਹਨ।
ਉਨ੍ਹਾਂ ਦੇ ਵਿਛੋੜੇ ਦਾ ਪਰਿਵਾਰ ਨੂੰ ਤਾਂ ਘਾਟਾ ਪਿਆ ਹੀ ਹੈ, ਉੱਥੇ ਸਮਾਜਿਕ ਤੌਰ ਵੀ ਲੰਮੇ ਸਮੇਂ ਗਿਆਨੀ ਗੁਰਦੇਵ ਸਿੰਘ ਜੀ ਦੀ ਘਾਟ ਚੁਭਦੀ ਰਹੇਗੀ। ਉਹ ਹਮੇਸ਼ਾਂ ਹੱਕ ਸੱਚ, ਆਮ ਮਨੁੱਖ ਦੇ ਲਈ ਜੂਝਦੇ ਰਹੇ। ਉਨ੍ਹਾਂ ਸਾਹਿਤਕ ਖੇਤਰ ਵਿੱਚ ਵੀ ਚੰਗਾ ਨਾਮਣਾ ਖੱਟਿਆ ਤੇ ਕਿਰਤੀ ਵਰਗ ਵਿੱਚ ਵੀ। ਗਿਆਨੀ ਗੁਰਦੇਵ ਸਿੰਘ ਬਹੁਪੱਖੀ ਸ਼ਖਸ਼ੀਅਤ ਦੇ ਮਾਲਕ, ਮਿਲਾਪੜੇ ਇਨਸਾਨ, ਮਹਾਨ ਇਨਕਲਾਬੀ ਤੇ ਸਹਿਜਤਾ ਦੇ ਪੁੰਜ ਸਨ।
ਉਹ ਪੰਜਾਬੀ ਸਾਹਿੱਤ ਅਕਾਡਮੀ ਲੁਧਿਆਣਾ ਦੇ ਵੀ ਜੀਵਨ ਮੈਂਬਰ ਸਨ।
ਸਾਦਗੀ ਸਰੂਪ ਗਿਆਨੀ ਗੁਰਦੇਵ ਸਿੰਘ ਜੀ ਦੀ ਯਾਦ ਵਿੱਚ ਸਿਰ ਝੁਕਾਉਂਦੇ ਹਾਂ।