ਪ੍ਰਵਾਸੀ ਪੰਜਾਬੀ ਲੇਖਕ ਰਵਿੰਦਰ ਬਰਾੜ ਸਨਮਾਨਿਤ
ਸਾਦਿਕ, 3 ਫਰਵਰੀ 2024 - ਸਾਦਿਕ ਵਿਖੇ ਸ਼ੇਖ ਫਰੀਦ ਸਾਹਿਤ ਮੰਚ ਵੱਲੋ ਪ੍ਰਵਾਸੀ ਪੰਜਾਬੀ ਲੇਖਕ ਰਵਿੰਦਰ ਬਰਾੜ ਦੇ ਸਨਮਾਨ ਵਿਚ ਅਰੋੜਾ ਮੈਡੀਕਲ ਹਾਲ ਵਿਖੇ ਪ੍ਰੋਗਰਾਮ ਅਯੋਜਿਤ ਕੀਤਾ ਗਿਆ। ਪੰਜਾਬ ਦੇ ਫਰੀਦਕੋਟ ਜਿਲੇ ਤੋ ਆਸਟ੍ਰੇਲੀਆਂ ਪਰਥ ਦੀ ਧਰਤੀ ਉਤੇ ਰਹਿਕੇ ਪੰਜਾਬੀ ਮਾਂ ਬੋਲੀ ਤੇ ਸਾਹਿਤ ਨਾਲ ਜੁੜੇ ਰਹਿਣ ਵਾਲੇ ਲੇਖਕ ਰਵਿੰਦਰ ਸਿੰਘ ਬਰਾੜ ਜੋ ਫਰੀਦਕੋਟ ਜਿਲੇ ਨਾਲ ਸਬੰਧਤ ਹਨ, ਉਨਾਂ ਦੀ ਜਾਣ ਪਛਾਣ ਅੰਤਰ ਰਾਸ਼ਟਰੀ ਪ੍ਰਸਿੱਧ ਲੇਖਕ ਨਿੰਦਰ ਘੁਗਿਆਣਵੀ ਵੱਲੋ ਕਰਵਾਈ ਗਈ ਕਿ ਕਿਵੇ ਵਿਦੇਸ਼ ਵਿੱਚ ਵੀ ਉਹ ਆਪਣੀ ਬੋਲੀ ਤੇ ਸਾਹਿਤ ਨੂੰ ਪਰਚਾਰ ਤੇ ਪਰਸਾਰ ਰਹੇ ਹਨ।ਬਰਾੜ ਨੂੰ ਫੁਲਕਾਰੀ ਤੇ ਸਨਮਾਨ ਪੱਤਰ ਦੇ ਕੇ ਸਨਮਾਨਿਤ ਕੀਤਾ ਗਿਆ।
ਇਸ ਮੌਕੇ ਨਿੰਦਰ ਘੁਗਿਆਣਵੀ ਤੋਂ ਇਲਾਵਾ ਡਾ ਅਮਰਜੀਤ ਅਰੋੜਾ,ਸੁਖਬੀਰ ਮਰਾੜ, ਸੁਖਵਿੰਦਰ, ਤਾਜਪ੍ਰੀਤ ਸੋਨੀ, ਸੋਬਤ ਸਿੰਘ ਉਗੋਕੇ, ਫੁਲਵਿੰਦਰ ਸਿੰਘ ਮੱਕੜ, ਪ੍ਰਿਤਪਾਲ ਸਿੰਘ ਢਿਲੋਂ, ਰਾਜ ਕੁਮਾਰ, ਰਿੰਕੂ, ਮਹਿਤਾਬ ਬਰਾੜ,ਸਾਹਿਲ ਤੇਰੀਆ ਬੋਹੜ ਔਲਖ ਆਦਿ ਹਾਜਰ ਸਨ। ਅੰਤ ਉਤੇ ਧੰਨਵਾਦੀ ਸ਼ਬਦ ਕਹਿੰਦਿਆਂ ਰਵਿੰਦਰ ਬਰਾੜ ਦਾ ਕਹਿਣਾ ਸੀ ਕਿ ਉਹ ਲਗਨ ਤੇ ਸ਼ਿੱਦਤ ਨਾਲ ਆਪਣੀ ਮਾਂ ਬੋਲੀ ਦੀ ਸੇਵਾ ਵਿਚ ਜੁਟੇ ਰਹਿਣਗੇ।