ਡਾ.ਰਮਜ਼ਾਨ ਚੌਧਰੀ ਨੂੰ ਸਮਾਜ ਸੇਵਾ ਦੇ ਖੇਤਰ 'ਚ ਸ਼ਾਨਾਮਤੀ ਸੇਵਾਵਾਂ ਬਦਲੇ ਕੀਤਾ ਸਨਮਾਨਿਤ
ਮਲੇਰਕੋਟਲਾ, 28 ਅਪ੍ਰੈਲ 2022 - ਪਸ਼ੂ ਪਾਲਣ ਵਿਭਾਗ ਦੇ ਪਟਿਆਲਾ ਵਿਖੇ ਤਾਇਨਾਤ ਡਿਪਟੀ ਡਾਇਰੈਕਟਰ ਡਾਕਟਰ ਮੁਹੰਮਦ ਰਮਜ਼ਾਨ ਚੌਧਰੀ ਵੱਲੋਂ ਵਿਭਾਗ ਦੇ ਨਾਲ-ਨਾਲ ਸਮਾਜ ਸੇਵਾ ਦੇ ਖੇਤਰ 'ਚ ਵੀ ਨਿਭਾਈਆਂ ਜਾ ਰਹੀਆਂ ਸ਼ਾਨਾਮਤੀ ਸੇਵਾਵਾਂ ਨੂੰ ਮੱਦੇਨਜ਼ਰ ਰੱਖਦੇ ਹੋਏ ਬਜ਼ਮ ਏ ਆਹਲੇ ਸੁਖਨ ਦੇ ਪ੍ਰਧਾਨ ਮੁਕਰਮ ਸੈਫੀ ਵੱਲੋਂ ਉਨ੍ਹਾਂ ਦੇ ਸਨਮਾਨ 'ਚ ਇੱਕ ਸਾਦੇ-ਪ੍ਰਭਾਵਸ਼ਾਲੀ ਸਨਮਾਨ ਸਮਾਗਮ ਦਾ ਆਯੋਜਨ ਕੀਤਾ ਗਿਆ।
ਜਿਸ 'ਚ ਹਾਜ਼ਰ ਸਮੂਹ ਬੁਲਾਰਿਆਂ ਨੇ ਆਪੋ-ਆਪਣੇ ਸੰਬੋਧਨ ਦੌਰਾਨ ਡਾ.ਰਮਜ਼ਾਨ ਵੱਲੋਂ ਸਮਾਜ ਸੇਵਾ ਦੇ ਖੇਤਰ 'ਚ ਕੀਤੇ ਜਾ ਰਹੇ ਭਲਾਈ ਕਾਰਜ਼ਾਂ ਦੀ ਭਰਵੀਂ ਸ਼ਲਾਘਾ ਕੀਤੀ।ਸੰਸਥਾ ਦੇ ਪ੍ਰਧਾਨ ਮੁਕਰਮ ਸੈਫੀ ਸਮੇਤ ਹਾਜ਼ਰ ਪਤਵੰਤਿਆਂ ਨੇ ਡਾ.ਰਮਜ਼ਾਨ ਚੌਧਰੀ ਨੂੰ ਯਾਦਗਾਰੀ ਚਿੰਨ੍ਹ ਅਤੇ ਸ਼ਾਲ ਪਾ ਕੇ ਸਨਮਾਨਿਤ ਕੀਤ।ਬਾਅਦ 'ਚ ਸਮੂਹ ਹਾਜ਼ਰੀਨ ਦੀ ਰੋਜ਼ਾ ਅਫਤਾਰੀ ਕਰਵਾਈ ਗਈ।
ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਜਨਾਬ ਜ਼ੁਲਫ਼ਕਾਰ ਅਲੀ ਖਾਨ, ਅਬਦੁਲ ਗੱਫਾਰ ਸਹਾਰਾ ਮੁਸਲਿਮ ਵੈਲਫੇਅਰ ਸੋਸਾਇਟੀ, ਜ਼ਹੂਰ ਅਹਿਮਦ ਚੋਹਾਨ ਸੂਬਾ ਪ੍ਰਧਾਨ ਨੈਸ਼ਨਲ ਮੀਡੀਆ ਕੰਨਫੈਡਰੇਸ਼ਨ (ਐਨ.ਐੱਮ.ਸੀ), ਅਬਦੁਲ ਰਸ਼ੀਦ ਖਿਲਜੀ(ਸਾਬਕਾ ਚੇਅਰਮੈਨ ਸਟੇਟ ਹੱਜ ਕਮੇਟੀ), ਮੁਬੀਨ ਫਾਰੂਕੀ ਪ੍ਰਧਾਨ ਮੁਸਲਿਮ ਫੈਡਰੇਸ਼ਨ ਆਫ ਪੰਜਾਬ, ਡਾ. ਅਬਦੁਲ ਗੱਫ਼ਾਰ(ਮੈਂਬਰ ਈਦਗਾਹ ਕਮੇਟੀ), ਸੁਲਤਾਨ ਡਾਇਮੰਡ, ਡਾ:ਜੂਨੇਦ ਅਲੀ ਖਾਨ, ਸਾਬੀਰ ਅਲੀ ਜੋਸ਼ੀ, ਯਾਸੀਨ ਗੁਲਜ਼ਾਰ, ਰਸ਼ੀਦ ਮਲਿਕ, ਅਨਵਰ ਮਹਿਬੂਬ, ਸਾਜਿਦ ਇਸਹਾਕ, ਇਫਤਿਖਾਰ ਸੈਫੀ, ਮੁਹੰਮਦ ਅਸਲਮ, ਅਬਦੁਲ ਮੰਨਾਨ ਸੈਫੀ (ਗੋਸ਼ੀ) ਅਤੇ ਜਨਾਬ ਸ਼ਬੀਰ ਸੱਤਾਰ ਆਦਿ ਵੀ ਹਾਜ਼ਰ ਸਨ।