ਬਾਬੂਸ਼ਾਹੀ ਦੇ ਮਲੇਰਕੋਟਲਾ ਪੱਤਰਕਾਰ ਹਰਮਿੰਦਰ ਭੱਟ ਦਾ ਦੇਹਾਂਤ, ਅੰਤਿਮ ਸਸਕਾਰ ਕੱਲ੍ਹ
- ਵੱਡੀ ਗਿਣਤੀ ਵਿੱਚ ਕੀਤਾ ਪੱਤਰਕਾਰ ਭਾਈਚਾਰੇ ਨੇ ਅਫਸੋਸ ਦਾ ਪ੍ਰਗਟਾਵਾ
ਮੁਹੰਮਦ ਇਸਮਾਈਲ ਏਸ਼ੀਆ
ਮਲੇਰਕੋਟਲਾ 11 ਦਸੰਬਰ 2022 - ਬਾਬੂਸ਼ਾਹੀ ਦੇ ਪੱਤਰਕਾਰ ਅਤੇ ਸੂਫ਼ੀ ਕਵੀ ਹਰਮਿੰਦਰ ਸਿੰਘ ਭੱਟ ਦਾ ਅੱਜ ਸ਼ਾਮ ਅਚਾਨਕ ਦਿਲ ਦਾ ਦੌਰਾ ਪੈਣ ਕਾਰਨ ਭਰ ਜਵਾਨੀ ਵਿੱਚ ਦਿਹਾਂਤ ਹੋ ਗਿਆ ਹੈ। ਓਹ ਕਾਫੀ ਦੇਰ ਤੋਂ ਬਿਮਾਰ ਸਨ . ਭੱਟ ਪੱਤਰਕਾਰੀ ਦੇ ਖੇਤਰ ਦੇ ਨਾਲ ਹੀ ਸੂਫੀਆਨਾ ਗਾਇਕੀ ਦਾ ਸ਼ੌਂਕ ਵੀ ਰੱਖਦੇ ਸਨ। ਪਰ ਅੱਜ ਅਚਾਨਕ ਉਨ੍ਹਾਂ ਦੀ ਬੇਵਕਤੀ ਮੌਤ ਨਾਲ ਇਲਾਕੇ ਵਿੱਚ ਸ਼ੋਕ ਦੀ ਲਹਿਰ ਫੈਲ ਗਈ ਹੈ।
ਉਨ੍ਹਾਂ ਦੀ ਮੌਤ ਤੇ ਪੱਤਰਕਾਰ ਸੁੱਖਾ ਖੇੜੀ ਵਾਲਾ ਪੱਤਰਕਾਰ ਸ਼ਹਾਬੂਦੀਨ, ਜਹੂਰ ਅਹਿਮਦ ਚੌਹਾਨ, ਡਾ ਭੁਪਿੰਦਰ ਗਿੱਲ, ਇਸਮਾਈਲ ਏਸ਼ੀਆ,ਮੁਕੰਦ ਸਿੰਘ ਚੀਮਾਂ, ਅਜੈ ਕੁਮਾਰ ਸੂਦ, ਰਿੰਕੂ ਬਾਂਸਲ, ਡਾ ਕੇਵਲ ਸਿੰਘ ਸਹੋਤਾ, ਗੁਰਪ੍ਰੀਤ ਸਿੰਘ ਚੀਮਾਂ, ਜਸਵੀਰ ਸਿੰਘ ਫਰਵਾਲੀ, ਜਗਪਾਲ ਸੰਧੂ ਸਮੇਤ ਸਮੁੱਚੇ ਪੱਤਰਕਾਰ ਭਾਈਚਾਰੇ ਸਮੇਤ ਵੱਖ ਵੱਖ ਰਾਜਨੀਤਕ ਅਤੇ ਸਮਾਜਿਕ ਜੱਥੇਬੰਦੀਆਂ ਦੇ ਆਗੂਆਂ ਵੱਲੋਂ ਉਨ੍ਹਾਂ ਦੇ ਸਪੁੱਤਰ ਸਾਹਿਬ ਸਿੰਘ ਅਤੇ ਪਰਿਵਾਰ ਨਾਲ ਡੂੰਘੇ ਦੁੱਖ ਦਾ ਪ੍ਰਗਟਾਵਾ ਕੀਤਾ ਗਿਆ ਹੈ। ਹਰਮਿੰਦਰ ਭੱਟ ਦਾ ਅੰਤਿਮ ਸਸਕਾਰ ਕੱਲ ਉਨ੍ਹਾਂ ਦੇ ਜੱਦੀ ਪਿੰਡ ਬਿਸ਼ਨਗੜੵ ਨੇੜੇ ਸੰਦੌੜ ਵਿਖੇ ਸਵੇਰੇ 10 ਵਜੇ ਕੀਤਾ ਜਾਵੇਗਾ।
ਬਾਬੂਸ਼ਾਹੀ ਨੈਟਵਰਕ ਦੇ ਸੰਪਾਦਕ ਅਤੇ ਸਮੁੱਚੀ ਬਾਬੂਸ਼ਾਹੀ ਟੀਮ ਵੱਲੋਂ ਭੱਟ ਦੇ ਅਕਾਲ ਚਲਾਣੇ ਤੇ ਡੂੰਘਾ ਦੁਖ ਜ਼ਾਹਰ ਕੀਤਾ ਗਿਆ ਅਤੇ ਦੁਖੀ ਪਰਿਵਾਰ ਨਾਲ ਹਮਦਰਦੀ ਜ਼ਾਹਿਰ ਕੀਤੀ ਗਈ .