ਜ਼ਿਲ੍ਹਾ ਪੁਲੀਸ ਮੁਖੀ ਰਾਜਪਾਲ ਸਿੰਘ ਨੂੰ ਮਿਲੇਗਾ ਸਵ: ਰੌਸ਼ਨ ਲਾਲ ਯਾਦਗਾਰੀ ਪੁਰਸਕਾਰ
ਸਾਦਿਕ, 5 ਅਕਤੂਬਰ 2022 - ਫਰੀਦਕੋਟ ਦੇ ਮੌਜੂਦਾ ਐਸ ਐਸ ਪੀ ਸ੍ਰ ਰਾਜਪਾਲ ਸਿੰਘ ਸੰਧੂ ਆਈ ਪੀ ਐਸ ਨੂੰ ਉਨਾਂ ਦੀਆਂ ਸ਼ਾਨਦਾਰ ਸੇਵਾਵਾਂ ਬਦਲੇ ਉਘੇ ਲੇਖਕ ਤੇ ਪੰਜਾਬ ਸਰਕਾਰ ਦੀ ਆਰਟਸ ਕੌਂਸਲ ਚੰਡੀਗੜ੍ਹ ਦੇ ਮੀਡੀਆ ਅਫਸਰ ਸ਼੍ਰੀ ਨਿੰਦਰ ਘੁਗਿਆਣਵੀ ਵੱਲੋ ਆਪਣੇ ਮਰਹੂਮ ਪਿਤਾ ਸ਼੍ਰੀ ਰੌਸ਼ਨ ਲਾਲ ਜੀ ਜੀ ਯਾਦ ਵਿਚ ਸਥਾਪਿਤ ਸਾਲਾਨਾ ਪੁਰਸਕਾਰ ਇਸ ਵਾਰ ਫਰੀਦਕੋਟ ਜਿਲੇ ਦੇ ਐਸ ਐਸ ਪੀ ਰਾਜਪਾਲ ਸਿੰਘ ਸੰਧੂ ਆਈ ਪੀ ਐਸ ਨੂੰ ਭੇਟ ਕੀਤਾ ਜਾਵੇਗਾ।
ਇਸ ਬਾਰੇ ਜਾਣਕਾਰੀ ਦਿੰਦਿਆਂ ਸ਼੍ਰੀ ਘੁਗਿਆਣਵੀ ਨੇ ਦੱਸਿਆ ਕਿ ਉਹ ਹਰ ਸਾਲ ਪ੍ਰਸ਼ਾਸਨਿਕ ਖੇਤਰ ਦੀ ਸ਼ਖਸੀਅਤ ਨੂੰ ਆਪਣੇ ਖੇਤਰ ਵਿਚ ਚੰਗੇ ਯੋਗਦਾਨ ਵਾਸਤੇ ਇਸ ਪੁਰਸਕਾਰ ਲਈ ਚੁਣਦੇ ਹਨ। ਇਸ ਤੋਂ ਪਹਿਲਾਂ ਇਹ ਪੁਰਸਕਾਰ ਸ਼੍ਰੀ ਰਵੀ ਭਗਤ ਆਈ ਏ ਐਸ ਨੂੰ ਪ੍ਰਦਾਨ ਕੀਤਾ ਗਿਆ ਹੈ। ਇਸ ਸਬੰਧੀ ਵਿਸ਼ੇਸ਼ ਸਮਾਗਮ ਪਿੰਡ ਘੁਗਿਆਣਾ ਵਿਖੇ ਹੀ ਅਕਤੂਬਰ ਮਹੀਨੇ ਦੇ ਅੰਤ ਤੱਕ ਹੋਵੇਗਾ।