ਸ਼੍ਰੋਮਣੀ ਅਕਾਲੀ ਦਲ (ਸੰਯੁਕਤ) ਦੇ ਮੀਤ ਪ੍ਰਧਾਨ ਤੇ ਸਾਬਕਾ ਚੇਅਰਮੈਨ ਹਾਜੀ ਮੁਹੰਮਦ ਤੂਫੈਲ ਮਲਿਕ ਦੀ ਪਤਨੀ ਬੀਬੀ ਸੁਖਬੀਰਾਂ ਬੇਗਮ ਦਾ ਦਿਹਾਂਤ
- ਦਿਹਾਂਤ ਨੂੰ ਲੈ ਕੇ ਇਲਾਕੇ ਅੰਦਰ ਚੱਲੀ ਸੋਗ ਦੀ ਲਹਿਰ ਵੱਡੀ ਗਿਣਤੀ ਵਿਚ ਲੋਕਾਂ ਵੱਲੋਂ ਮਲਿਕ ਪਰਿਵਾਰ ਨਾਲ ਪ੍ਰਗਟਾਈ ਜਾ ਰਹੀ ਹਮਦਰਦੀ
- ਬੀਬੀ ਸੁਖਵੀਰਾਂ ਬੇਗਮ ਦੇ ਜਾਣ ਦਾ ਕੇਵਲ ਮਲਿਕ ਪਰਿਵਾਰ ਨੂੰ ਹੀ ਨਹੀਂ ਬਲਕਿ ਢੀਂਡਸਾ ਪਰਿਵਾਰ ਅਤੇ ਸਾਡੀ ਪਾਰਟੀ ਨੂੰ ਵੀ ਬਹੁਤ ਵੱਡਾ ਘਾਟਾ ਪਿਆ --ਪਰਮਿੰਦਰ ਸਿੰਘ ਢੀਂਡਸਾ
- ਪਿੰਡ ਹੈਦਰ ਨਗਰ (ਹਥੋਈ) ਵਿਖੇ ਨਮਾਜ਼ ਏ ਜਨਾਜ਼ਾ ਅਦਾ ਕਰਨ ਤੋਂ ਬਾਅਦ ਕੀਤਾ ਸਪੁਰਦ ਏ ਖਾਕ
ਮੁਹੰਮਦ ਇਸਮਾਈਲ ਏਸ਼ੀਆ
ਮਲੇਰਕੋਟਲਾ 2 ਮਈ ,2023 - ਸ਼ਹਿਰ ਅੰਦਰ ਉਸ ਸਮੇਂ ਸ਼ੋਗ ਦੀ ਲਹਿਰ ਚੱਲ ਪਈ ਜਦੋਂ ਸਾਬਕਾ ਮੈਂਬਰ ਪਾਰਲੀਮੈਂਟ ਅਤੇ ਸ਼੍ਰੋਮਣੀ ਅਕਾਲੀ ਦਲ (ਸੰਯੁਕਤ ) ਦੇ ਮੁੱਖੀ ਸ੍ਰੀ ਸੁਖਦੇਵ ਸਿੰਘ ਢੀਂਡਸਾ ਦੇ ਕਰੀਬੀ ਸਾਥੀ ਤੇ ਸ਼੍ਰੋਮਣੀ ਅਕਾਲੀ ਦਲ (ਸੰਯੁਕਤ) ਦੇ ਮੀਤ ਪ੍ਰਧਾਨ ਤੇ ਸਾਬਕਾ ਚੇਅਰਮੈਨ ਹਾਜੀ ਮੁਹੰਮਦ ਤੂਫੈਲ ਮਲਿਕ ਦੀ ਪਤਨੀ ਮਿਲਣਸਾਰ ਸੁਭਾਅ ਦੀ ਮਾਲਿਕ ਪਰਿਵਾਰ ਨੂੰ ਜੋੜ ਕੇ ਰੱਖਣ ਵਾਲੀ ਬੀਬੀ ਸੁਖਬੀਰਾਂ ਬੇਗਮ ਦਾ ਸੰਖੇਪ ਬੀਮਾਰੀ ਉਪਰੰਤ ਸੀ.ਐਮ.ਸੀ.ਹਸਪਤਾਲ ਲੁਧਿਆਣਾ ਵਿਖੇ ਦਿਹਾਂਤ ਹੋ ਗਿਆ ਸੀ | ਮਰਹੂਮਾ ਬੀਬੀ ਸੁਖਬੀਰਾਂ ਬੇਗਮ ਦੀ ਨਮਾਜ਼ ਏ ਜਨਾਜ਼ਾ ਅੱਜ ਉਨ੍ਹਾਂ ਦੇ ਪਿੰਡ ਹੈਦਰ ਨਗਰ (ਹਥੋਈ) ਮਲੇਰਕੋਟਲਾ ਵਿਖੇ ਅਦਾ ਕੀਤੀ ਗਈ |
ਇਸ ਮੌਕੇ ਸ. ਪਰਮਿੰਦਰ ਸਿੰਘ ਢੀਂਡਸਾ ਸਾਬਕਾ ਖ਼ਜ਼ਾਨਾ ਮੰਤਰੀ ਪੰਜਾਬ ਨੇ ਉਚੇਚੇ ਤੌਰ ਤੇ ਪਹੁੰਚ ਕੇ ਮਲਿਕ ਪਰਿਵਾਰ ਨਾਲ ਇਸ ਦੁੱਖ ਦੀ ਘੜੀ ਵਿਚ ਦੁੱਖ ਸਾਂਝਾ ਕੀਤਾ ਅਤੇ ਕਬਰਸਤਾਨ ਪਿੰਡ ਹੈਦਰ ਨਗਰ ਵਿਖੇ ਨਮਾਜ਼ ਏ ਜਨਾਜ਼ਾ ਵਿਚ ਵੀ ਸ਼ਮੂਲੀਅਤ ਕੀਤੀ | ਉਨ੍ਹਾਂ ਇਸ ਮੌਕੇ ਗੱਲਬਾਤ ਕਰਦਿਆਂ ਕਿਹਾ ਕਿ ਤੁਫ਼ੈਲ ਮਲਿਕ ਦਾ ਪਰਿਵਾਰ ਸਾਡਾ ਆਪਣਾ ਪਰਿਵਾਰ ਹੈ | ਉਨ੍ਹਾਂ ਕਿਹਾ ਕਿ ਬੀਬੀ ਸੁਖਵੀਰਾਂ ਬੇਗਮ ਦੇ ਜਾਣ ਦਾ ਕੇਵਲ ਮਲਿਕ ਪਰਿਵਾਰ ਨੂੰ ਹੀ ਨਹੀਂ ਬਲਕਿ ਢੀਂਡਸਾ ਪਰਿਵਾਰ ਅਤੇ ਸਾਡੀ ਪਾਰਟੀ ਨੂੰ ਵੀ ਬਹੁਤ ਵੱਡਾ ਘਾਟਾ ਪਿਆ ਹੈ |
ਉਨ੍ਹਾਂ ਕਿਹਾ ਕਿ ਇਹ ਕਦੀ ਸੋਚਿਆ ਵੀ ਨਹੀਂ ਸੀ ਕਿ ਬੀਬੀ ਸੁਖਵੀਰਾਂ ਬੇਗਮ ਸਾਨੂੰ ਐਨੀ ਜਲਦੀ ਸਦੀਵੀ ਵਿਛੋੜਾ ਦੇ ਜਾਣਗੇ | ਉਨ੍ਹਾਂ ਪ੍ਰਮਾਤਮਾ ਅੱਗੇ ਅਰਦਾਸ ਕਰਦਿਆਂ ਕਿਹਾ ਕਿ ਪ੍ਰਮਾਤਮਾ ਉਨ੍ਹਾਂ ਆਪਣੇ ਚਰਨਾਂ ਵਿਚ ਨਿਵਾਸ ਬਖ਼ਸ਼ੇ ਅਤੇ ਪਰਿਵਾਰ ਨੂੰ ਭਾਣਾ ਮੰਨਣ ਦਾ ਬਲ ਬਖ਼ਸ਼ੇ ਅਤੇ ਉਨ੍ਹਾਂ ਦੀ ਆਤਮਾ ਨੂੰ ਸ਼ਾਂਤੀ ਬਖ਼ਸ਼ੇ ਅਤੇ ਇਸ ਪਰਿਵਾਰ ਤੇ ਹਮੇਸ਼ਾ ਮਿਹਰ ਭਰਿਆ ਹੱਥ ਰੱਖਣ ਤਾਂ ਜੋ ਇਹ ਪਰਿਵਾਰ ਆਪਣੀ ਕੌਮ ਅਤੇ ਭਾਈਚਾਰੇ ਦੀ ਸੇਵਾ ਕਰਦਾ ਰਹੇ |
- ਇਸ ਮੌਕੇ ਪਰਮਿੰਦਰ ਸਿੰਘ ਢੀਂਡਸਾ ਸਾਬਕਾ ਖ਼ਜ਼ਾਨਾ ਮੰਤਰੀ ਪੰਜਾਬ,ਸਾਬਕਾ ਮੰਤਰੀ ਬਲਵੀਰ ਸਿੰਘ ਘੁੰਨਸ, ਸੁਖਵੰਤ ਸਿੰਘ ਸਰਾਓ,ਲਤੀਫ ਅਹਿਮਦ ਥਿੰਦ ਸੀ.ਈ.ਓ ਪੰਜਾਬ ਵਕਫ਼ ਬੋਰਡ, ਸਾਬਕਾ ਸੂਚਨਾ ਕਮਿਸ਼ਨਰ ਅਜੀਤ ਸਿੰਘ ਚੰਦੂਰਾਈਆਂ, ਜ਼ਿਲ੍ਹਾ ਮਲੇਰਕੋਟਲਾ ਦੇ ਪ੍ਰਧਾਨ ਜਥੇਦਾਰ ਗੁਰਜੀਵਨ ਸਿੰਘ ਸਰੌਦ, ਹਰਦੀਪ ਸਿੰਘ ਘੁੰਨਸ ਜ਼ਿਲ੍ਹਾ ਪ੍ਰਧਾਨ ਬਰਨਾਲਾ, ਸੁਰਿੰਦਰ ਸਿੰਘ ਆਹਲੂਵਾਲੀਆ ਸਾਬਕਾ ਚੇਅਰਮੈਨ,ਗਿਆਨੀ ਅਮਰ ਸਿੰਘ,ਇੰਦਰਜੀਤ ਸਿੰਘ ਮੁੰਡੇ,ਭਰਪੂਰ ਸਿੰਘ ਧਨੌਲਾ,ਅਮਜਦ ਅਲੀ ਸੋਹਰਾਬ, ਡਾ. ਮੁਹੰਮਦ ਰਮਜ਼ਾਨ,ਜਥੇਦਾਰ ਹਰਦੇਵ ਸਿੰਘ ਸੇਹਕੇ,ਜਥੇਦਾਰ ਮੇਘ ਸਿੰਘ ਗੁਆਰਾ,ਦਰਬਾਰਾ ਸਿੰਘ ਚਹਿਲ,ਅਮਰਿੰਦਰ ਸਿੰਘ ਮੰਡੀਆਂ,ਐਡਵੋਕੇਟ ਹਰਦੀਪ ਸਿੰਘ ਖੱਟੜਾ,ਸਾਕਿਬ ਅਲੀ ਰਾਜਾ ਪ੍ਰਧਾਨ,ਹਾਜੀ ਨਸੀਮ ਅਨਵਾਰ ਖਾਂ, ਐਡਵੋਕੇਟ ਮਾਨਵ ਸਨੇਹ ਪਾਲ, ਨਸੀਰ ਭੱਟੀ ਤੋਂ ਇਲਾਵਾ ਵੱਡੀ ਗਿਣਤੀ ਵਿਚ ਰਿਸ਼ਤੇਦਾਰ ਅਤੇ ਸਕੇ ਸਬੰਧੀਆਂ ਨੇ ਮਰਹੂਮਾਂ ਸੁਖਵੀਰਾਂ ਬੇਗਮ ਨੂੰ ਸਪੁਰਦ ਏ ਖ਼ਾਕ ਕਰਕੇ ਉਨ੍ਹਾਂ ਦੀ ਬਖ਼ਸ਼ਿਸ਼ ਲਈ ਦੂਆ ਕੀਤੀ |