ਸਵਰਗੀ ਲੋਕ ਗਾਇਕ ਦੀਦਾਰ ਸੰਧੂ ਦੀ ਜੀਵਨ ਸਾਥਣ ਅਮਰਜੀਤ ਕੌਰ ਸੁਰਗਵਾਸ
ਲੁਧਿਆਣਾ: 13 ਮਈ 2021 - ਪ੍ਰਸਿੱਧ ਲੋਕ ਗਾਇਕ ਸਵਰਗੀ ਦੀਦਾਰ ਸੰਧੂ ਦੀ ਜੀਵਨ ਸਾਥਣ ਬੀਬੀ ਅਮਰਜੀਤ ਕੌਰ ਸੰਧੂ ਦਾ ਪਿੰਡ ਭਰੋਵਾਲ ਖ਼ੁਰਦ(ਲੁਧਿਆਣਾ) ਵਿਖੇ ਦੇਹਾਂਤ ਹੋ ਗਿਆ ਹੈ। ਉਹ 75 ਵਰ੍ਹਿਆਂ ਦੇ ਸਨ।
ਇਹ ਜਾਣਕਾਰੀ ਉਨ੍ਹਾਂ ਦੇ ਬੇਟੇ ਤੇ ਲੋਕ ਗਾਇਕ ਜਗਮੋਹਨ ਸਿੰਘ ਸੰਧੂ ਤੇ ਕੈਨੇਡਾ ਦੇ ਸ਼ਹਿਰ ਕੈਲਗਰੀ ਵੱਸਦੀ ਬੇਟੀ ਦੀਪਾਂ ਨੇ ਦਿੰਦਿਆਂ ਦੱਸਿਆ ਕਿ ਉਹ ਕੁਝ ਸਮੇਂ ਤੋਂ ਗੁਰਦਾ ਰੋਗਾਂ ਕਾਰਨ ਇਲਾਜ ਅਧੀਨ ਸਨ। ਉਨ੍ਹਾਂ ਦਾ ਅੰਤਿਮ ਸੰਸਕਾਰ ਕਰ ਦਿੱਤਾ ਗਿਆ ਹੈ।
ਪੰਜਾਬੀ ਲੋਕ ਵਿਰਾਸਤ ਅਕਾਡਮੀ ਦੇ ਚੇਅਰਮੈਨ ਪ੍ਰੋ: ਗੁਰਭਜਨ ਸਿੰਘ ਗਿੱਲ,ਉੱਘੇ ਲੇਖਕ ਸ਼ਮਸ਼ੇਰ ਸਿੰਘ ਸੰਧੂ ਤੇ ਅਨੇਕ ਪਰਿਵਾਰਕ ਸਨੇਹੀਆਂ ਨੇ ਬੀਬੀ ਅਮਰਜੀਤ ਕੌਰ ਦੇ ਦੇਹਾਂਤ ਤੇ ਡੂੰਘੇ ਅਫ਼ਸੋਸ ਦਾ ਪ੍ਰਗਟਾਵਾ ਕੀਤਾ ਹੈ।
ਪਰਿਵਾਰ ਵੱਲੋਂ ਸਭ ਸਨੇਹੀਆਂ ਨੂੰ ਅਪੀਲ ਹੈ ਕਿ ਉਹ ਆਪੋ ਆਪਣੇ ਘਰੀਂ ਬੈਠ ਕੇ ਮਾਤਾ ਜੀ ਦੀ ਰੂਹ ਲਈ ਅਰਦਾਸ ਕਰਨ ਅਤੇ ਪਰਿਵਾਰ ਕੋਲ ਚੱਲ ਕੇ ਆਉਣ ਦੀ ਖੇਚਲ ਨਾ ਕਰਨ ਕਿਉਂਕਿ ਕੋਵਿਡ ਕਾਰਨ ਸਾਨੂੰ ਸਭ ਦਾ ਫ਼ਿਕਰ ਹੈ। ਉਮੀਦ ਹੈ ਬੁਰਾ ਨਹੀਂ ਮਨਾਉਗੇ।