ਨੌਜਵਾਨ ਕਾਂਗਰਸੀ ਆਗੂ ਬਲਕਰਨ ਨੰਗਲ ਦਾ ਦੇਹਾਂਤ
ਪਰਵਿੰਦਰ ਸਿੰਘ ਕੰਧਾਰੀ
ਫਰੀਦਕੋਟ 27 ਅਪ੍ਰੈਲ 2022 - ਪਿਛਲੇ ਕੁਝ ਸਮੇਂ ਤੋ ਬਿਮਾਰ ਚੱਲ ਰਹੇ ਯੂਥ ਕਾਂਗਰਸ ਦੇ ਆਗੂ ਅਤੇ ਫਰੀਦਕੋਟ ਤੋ ਸਾਬਕਾ ਵਿਧਾਇਕ ਕੁਸ਼ਲਦੀਪ ਸਿੰਘ ਢਿੱਲੋਂ ਦੇ ਪੀਏ ਬਲਕਰਨ ਸਿੰਘ ਨੰਗਲ ਦਾ ਅੱਜ ਦੇਹਾਂਤ ਹੋ ਗਿਆ। ਬਲਕਰਨ ਨੰਗਲ ਨੇ ਕਾਂਗਰਸ ਦੀ ਸਰਕਾਰ ਦੌਰਾਨ ਵਿਧਾਇਕ ਕੁਸ਼ਲਦੀਪ ਸਿੰਘ ਕਿੱਕੀ ਢਿੱਲੋਂ ਨਾਲ ਬਹੁਤ ਹੀ ਇਮਾਨਦਾਰੀ ਨਾਲ ਲੋਕਾਂ ਦੀ ਸੇਵਾ ਕੀਤੀ ਤੇ ਬਹੁਤ ਹੀ ਧੜਲੇਦਾਰ ਨੌਜਵਾਨ ਸਨ। ਪਰ ਜਿੰਦਗੀ ਦੀ ਲੜਾਈ ਨੂੰ ਬਲਕਰਨ ਸਿੰਘ ਨੰਗਲ ਇੰਨੀ ਜਲਦੀ ਹਾਰ ਜਾਏਗਾ, ਇਹ ਸੁਣ ਕੇ ਕਿਸੇ ਨੂੰ ਯਕੀਨ ਨਹੀ ਹੋ ਰਿਹਾ।
ਬਲਕਰਨ ਸਿੰਘ ਨੰਗਲ ਪੱਤਰਕਾਰੀ ਦੇ ਖੇਤਰ ਵਿੱਚ ਵੀ ਸੇਵਾ ਕਰ ਚੁੱਕੇ ਹਨ। ਨੌਜਵਾਨ ਕਾਂਗਰਸੀ ਆਗੂ ਬਲਕਰਨ ਨੰਗਲ ਦੇ ਦੇਹਾਂਤ ਤੇ ਪੱਤਰਕਾਰ ਨਰੇਸ਼ ਸੇਠੀ, ਦੇਵਾਨੰਦ ਸ਼ਰਮਾ, ਗੁਰਜੀਤ ਸਿੰਘ ਰੋਮਾਣਾ, ਜਗਤਾਰ ਦੁਸਾਂਝ, ਸੂਰਜ ਪ੍ਰਕਾਸ਼, ਅਮਨਦੀਪ ਸਿੰਘ ਲੱਕੀ, ਸੁਖਜਿੰਦਰ ਸਿੰਘ ਸਹੋਤਾ, ਜਗਦੀਸ਼ ਬਾਂਬਾ, ਸਤੀਸ਼ ਬਾਂਬਾ, ਰਾਕੇਸ਼ ਸ਼ਰਮਾ, ਪਰਵਿੰਦਰ ਸਿੰਘ ਕੰਧਾਰੀ, ਮਨਪ੍ਰੀਤ ਸਿੰਘ ਸੰਧੂ ਵੱਲੋਂ ਡੂੰਘੇ ਦੁੱਖ ਦਾ ਪ੍ਰਗਟਾਵਾ ਕੀਤਾ ਗਿਆ ਹੈ।