ਨਿਰਪੱਖ ਅਤੇ ਬਹਾਦਰ ਸੀਨੀਅਰ ਪੱਤਰਕਾਰ ਸਰਦਾਰੀ ਲਾਲ ਕਪੂਰ ਦਾ ਦੇਹਾਂਤ: ਅੰਤਿਮ ਸਸਕਾਰ 10 ਫਰਵਰੀ ਨੂੰ
- ਅੰਤਿਮ ਸਸਕਾਰ ਸ਼ਨੀਵਾਰ ਨੂੰ ਦੁਪਹਿਰ 1:00 ਵਜੇ
ਕੋਟਕਪੂਰਾ, 9 ਫਰਵਰੀ 2024 - ਸ਼ਹੀਦ ਊਧਮ ਸਿੰਘ ਪ੍ਰੈਸ ਕਲੱਬ ਦੇ ਚੈਅਰਮੈਨ ਸੁਨੀਲ ਸਿੰਘ ਕਪੂਰ ਦੇ ਸਤਿਕਾਰਿਤ ਪਿਤਾਜੀ ਸਰਦਾਰੀ ਲਾਲ ਕਪੂਰ ਮੁੱਖ ਸੰਪਾਦਕ ਕਪੂਰ ਪਤਿ੍ੱਕਾ ਇਸ ਫਾਨੀ ਸੰਸਾਰ ਨੂੰ ਅਲਵਿਦਾ ਕਹਿ ਗਏ, ਉਨ੍ਹਾਂ ਦੀ ਅੰਤਿਮ ਯਾਤਰਾ ਉਨ੍ਹਾਂ ਦੇ ਨਿਵਾਸ ਸਥਾਨ, ਨੇੜੇ ਕੂੜੀਆਂ ਵਾਲਾ ਸਕੂਲ, ਵਾਰਡ ਨੰਬਰ 13 ਤੋਂ ਕੱਲ੍ਹ ਮਿਤੀ 10 ਫਰਵਰੀ, ਸ਼ਨੀਵਾਰ ਨੂੰ ਦੁਪਹਿਰ 1 ਵਜੇ ਰਾਮਬਾਗ ਨੇੜੇ ਹਰੀ ਨੌ ਫਾਟਕ ਕੋਟਕਪੂਰਾ ਵਿਖੇ ਪਹੁੰਚੇਗੀ।
ਸ਼ਹੀਦ ਊਧਮ ਸਿੰਘ ਪ੍ਰੈਸ ਕਲੱਬ ਦੇ ਪ੍ਰਧਾਨ ਸੁਨੀਲ ਜਿੰਦਲ ਅਤੇ ਉਨ੍ਹਾਂ ਦੀ ਬਾਕੀ ਟੀਮ ਨੇ ਸਰਦਾਰੀ ਲਾਲ ਕਪੂਰ ਦੇ ਦੇਹਾਂਤ ’ਤੇ ਦੁੱਖ ਦਾ ਪ੍ਰਗਟਾਵਾ ਕਰਦਿਆਂ ਇਸ ਨੂੰ ਪੱਤਰਕਾਰੀ ਲਈ ਨਾ ਪੂਰਾ ਹੋਣ ਵਾਲਾ ਘਾਟਾ ਦੱਸਿਆ। ਸਾਰੇ ਟੀਮ ਮੈਂਬਰਾਂ ਨੇ ਦੁੱਖ ਦਾ ਪ੍ਰਗਟਾਵਾ ਕਰਦਿਆਂ ਵਿਛੜੀ ਰੂਹ ਨੂੰ ਆਪਣੇ ਚਰਨਾਂ ਵਿਚ ਨਿਵਾਸ ਦੇਣ ਅਤੇ ਦੁਖੀ ਪਰਿਵਾਰ ਨੂੰ ਇਹ ਦੁੱਖ ਸਹਿਣ ਦਾ ਬਲ ਬਖਸ਼ਣ ਦੀ ਅਰਦਾਸ ਕੀਤੀ।