ਪੀ ਏ ਯੂ ਦੇ ਸਾਬਕਾ ਡੀਨ ਡਾ. ਦਲੀਪ ਸਿੰਘ ਸਿੱਧੂ ਲੁਧਿਆਣਾ 'ਚ ਸੁਰਗਵਾਸ
- ਅੰਤਿਮ ਸਸਕਾਰ 22 ਜਨਵਰੀ ਨੂੰ
ਲੁਧਿਆਣਾਃ 21 ਜਨਵਰੀ 2023 - ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਦੇ ਸਾਬਕਾ ਡੀਨ ਤੇ ਅੰਤਰ ਰਾਸ਼ਟਰੀ ਪ੍ਰਸਿੱਧੀ ਪ੍ਰਾਪਤ ਅਰਥ ਸ਼ਾਸਤਰੀ ਡਾਃ ਦਲੀਪ ਸਿੰਘ ਸਿੱਧੂ ਅੱਜ ਸ਼ਾਮੀਂ ਨੌਂ ਵਜੇ ਲੁਧਿਆਣਾ ਵਿਖੇ ਸੁਰਗਵਾਸ ਹੋ ਗਏ ਹਨ।
ਡਾਃ ਦਲੀਪ ਸਿੰਘ ਸਿੱਧੂ ਵਿਸ਼ਵ ਬੈਂਕ ਸਲਾਹਕਾਰ ਵਜੋਂ ਵੀ ਲੰਮਾ ਸਮਾਂ ਨਿਯੁਕਤ ਰਹੇ। ਅਰਥ ਸ਼ਾਸਤਰ ਤੇ ਸਮਾਜ ਸ਼ਾਸਤਰ ਵਿਭਾਗ ਦੇ ਮੁਖੀ ਬਣਨ ਉਪਰੰਤ ਉਹ ਡੀਨ ਪੋਸਟਗਰੈਜੂਏਟ ਸਟਡੀਜ਼, ਬੋਰਡ ਆਫ਼ ਮੈਨੇਜਮੈਂਟ ਪੀ ਏ ਯੂ ਦੇ ਮੈਂਬਰ ਤੇ ਕਈ ਹੋਰ ਸਰਕਾਰੀ ਗੈਰਸਕਾਰੀ ਅਦਾਰਿਆਂ ਦੇ ਸਲਾਹਕਾਰ ਰਹੇ।
ਡਾਃ ਦਲੀਪ ਸਿੰਘ ਸਿੱਧੂ ਜੀ ਆਪਣੇ ਪਿੱਛੇ ਪੁੱਤਰ ਹਰਪ੍ਰੀਤ ਸਿੰਘ ਸਿੱਧੂ(ਸਾਬਕਾ ਜਨਰਲ ਮੈਨੇਜਰ, ਮੰਡੀਕਰਨ ਬੋਰਡ) ਦਾ ਵੱਡਾ ਪਰਿਵਾਰ ਛੱਡ ਗਏ ਹਨ।
ਪਰਿਵਾਰਕ ਸਨੇਹੀ ਸਃ ਗੁਰਪ੍ਰੀਤ ਸਿੰਘ ਤੂਰ ਨੇ ਦੱਸਿਆ ਕਿ ਡਾਃ ਦਲੀਪ ਸਿੰਘ ਸਿੱਧੂ ਜੀ ਦਾ ਅੰਤਿਮ ਸੰਸਕਾਰ ਪਿੰਡ ਬਾੜੇਵਾਲ ਅਵਾਣਾ(ਨੇੜੇ ਸਿੱਧਵਾਂ ਨਹਿਰ) ਲੁਧਿਆਣਾ ਵਿਖੇ ਦੁਪਹਿਰ 12 ਵਜੇ ਹੋਵੇਗਾ।