ਪਲਸ ਮੰਚ ਦੇ ਸਾਬਕਾ ਸਕੱਤਰ ਮਾਸਟਰ ਤਰਲੋਚਨ ਸਮਰਾਲਾ ਦਾ ਸੜਕ ਹਾਦਸੇ 'ਚ ਸਦੀਵੀ ਵਿਛੋੜਾ
ਸਮਰਾਲਾ, 10 ਅਗਸਤ 2023 - ਪੰਜਾਬ ਲੋਕ ਸੱਭਿਆਚਾਰਕ ਮੰਚ ਦੇ ਪ੍ਰਧਾਨ ਅਮੋਲਕ ਸਿੰਘ ਅਤੇ ਜਨਰਲ ਸਕੱਤਰ ਕੰਵਲਜੀਤ ਖੰਨਾ ਨੇ ਪ੍ਰੈਸ ਨਾਲ਼ ਜਾਣਕਾਰੀ ਸਾਂਝੀ ਕਰਦਿਆਂ ਦੱਸਿਆ ਕਿ ਪੰਜਾਬ ਲੋਕ ਸੱਭਿਆਚਾਰਕ ਮੰਚ (ਪਲਸ ਮੰਚ) ਦੇ ਸਾਬਕਾ ਜਨਰਲ ਸਕੱਤਰ ਅਤੇ ਆਰਟ ਸੈਂਟਰ ਸਮਰਾਲਾ ਦੇ ਨਿਰਦੇਸ਼ਕ ਮਾਸਟਰ ਤਰਲੋਚਨ ਸਮਰਾਲਾ ਸੜਕ ਦੁਰਘਟਨਾ ਵਿਚ ਰੰਗ ਮੰਚ, ਸਾਹਿਤ , ਕਲਾ ਜਗਤ, ਤਰਕਸ਼ੀਲ ਅਤੇ ਜਮਹੂਰੀ ਕਾਫ਼ਲੇ ਨੂੰ ਸਦੀਵੀ ਵਿਛੋੜਾ ਦੇ ਗਏ।
ਉਹ ਆਪਣੀ ਸਕੂਟਰੀ ਤੇ ਆਪਣੇ ਸ਼ਹਿਰ ਸਮਰਾਲਾ ਵਿਖੇ ਥਾਰ ਗੱਡੀ ਦੀ ਲਪੇਟ ਵਿੱਚ ਆਉਣ ਕਾਰਨ ਮੌਕੇ ਤੇ ਹੀ ਦਮ ਤੋੜ ਗਏ। ਉਹਨਾਂ ਦੀ ਮ੍ਰਿਤਕ ਦੇਹ ਸਿਵਲ ਹਸਪਤਾਲ ਸਮਰਾਲਾ ਰੱਖੀ ਗਈ ਹੈ।
ਉਹਨਾਂ ਕਿਹਾ ਕਿ ਪਲਸ ਮੰਚ ਦੀ ਸੂਬਾ ਕਮੇਟੀ ਪਲਸ ਮੰਚ ਦਾ ਪਰਚਮ ਉਹਨਾਂ ਦੇ ਅਦਬ ਵਿੱਚ ਅਤੇ ਉਹਨਾਂ ਦੀ ਦੇਣ ਨੂੰ ਸਲਾਮ ਕਰਦਿਆਂ ਨੀਵਾਂ ਕਰਦੀ ਹੈ।
ਸੂਬਾ ਕਮੇਟੀ ਮਾਸਟਰ ਤਰਲੋਚਨ ਦੇ ਪਰਿਵਾਰ,ਸਾਕ-ਸਬੰਧੀਆਂ ਅਤੇ ਸੰਗੀ-ਸਾਥੀਆਂ ਨਾਲ਼ ਗਹਿਰੇ ਦੁੱਖ਼ 'ਚ ਸ਼ਰੀਕ ਹੈ।
ਉਹਨਾਂ ਦੀ ਅੰਤਿਮ ਵਿਦਾਇਗੀ ਦੀ ਤਾਰੀਖ਼ ਅਤੇ ਸਮਾਂ ਵਿਚਾਰਕੇ ਨਿਸ਼ਚਿਤ ਕਰਨ ਤੇ ਸੂਚਿਤ ਕੀਤਾ ਜਾਏਗਾ।