ਅਸ਼ੋਕ ਵਰਮਾ
ਬਠਿੰਡਾ, 23 ਦਸੰਬਰ 2020 - ਐਸਸੀ,ਬੀਸੀ ਟੀਚਰ ਯੂਨੀਅਨ ਬਠਿੰਡਾ ਨੇ ਮਾਸਟਰ ਬੋਹੜ ਸਿੰਘ ਦੀ ਅਚਾਨਕ ਮੌਤ ਤੇ ਦੁੱਖ ਦਾ ਪ੍ਰਗਟਾਵਾ ਕੀਤਾ ਹੈ। ਸਰਕਾਰੀ ਹਾਈ ਸਕੂਲ ਝੁੱਟੀਕਾ ਮੁੱਹਲਾ ਬਠਿੰਡਾ ਵਿਖੇ ਸੇਵਾਵਾਂ ਨਿਭਾ ਰਹੇ ਬੋਹੜ ਸਿੰਘ ਗੁਰਦਿਆਂ ਦੀ ਬਿਮਾਰੀ ਉਪਰੰਤ ਅਕਾਲ ਚਲਾਣਾ ਕਰ ਗਏ ਸਨ।ਯੂਨੀਅਨ ਦੇ ਜਿਲਾ ਪ੍ਰਧਾਨ ਸੀਨੀਅਰ ਮੀਤ ਪ੍ਰਧਾਨ ਵਿਨੋਦ ਕੁਮਾਰ ਬਠਿੰਡਾ , ਦਰਸ਼ਨ ਸਿੰਘ ,ਮਾਨ ਸਿੰਘ ਖਾਲਸਾ, ਰੁਪਿੰਦਰਜੀਤ ਸਿੰਘ ਪੀਟੀਈ , ਗੋਬਿੰਦ ਲਾਲ ਪੰਜਾਬੀ ਮਾਸਟਰ, ਰਮੇਸ਼ ਸਿੰਘ, ਬਲਵੀਰ ਸਿੰਘ ਸਿੱਧੂ ਜੰਗੀਰਾਣਾ ਪ੍ਰੈਸ ਸਕੱਤਰ, ਹਰਭਜਨ ਸਿੰਘ ਅਤੇ ਸਵਰਨਜੀਤ ਸਿੰਘ ਸਲਾਹਕਾਰ ਪੰਜਾਬ ਆਦਿ ਨੇ ਪ੍ਰੀਵਾਰ ਨਾਲ ਹਮਦਰਦੀ ਜਤਾਈ। ਉਹਨਾਂ ਆਖਿਆ ਕਿ ਮਾਸਟਰ ਬੋਹੜ ਸਿੰਘ ਦੀ ਮੌਤ ਨਾਲ ਸਿੱਖਿਆ ਨੂੰ ਨਾਂ ਪੂਰਾ ਹੋਣ ਵਾਲਾ ਘਾਟਾ ਪਿਆ ਹੈ। ਉਹਨਾਂ ਦੀ ਅੰਤਮ ਅਰਦਾਸ ਅਤੇ ਸ਼ਰਧਾਂਜਲੀ ਸਮਾਗਮ ਗੁਰਦੁਆਰਾ ਸਾਹਿਬ ਜੀਵਨ ਪ੍ਰਕਾਸ਼ ਮਾਡਲ ਟਾਊਨ ਫੇਸ 1 ਵਿਖੇ ਮਿਤੀ 24 ਦਸੰਬਰ 2020 ਦਿਨ ਵੀਰਵਾਰ ਨੂੰ 12:30 ਵਜੇ ਕਰਵਾਇਆ ਜਾਏਗਾ।