ਸੁਲਤਾਨਪੁਰ ਲੋਧੀ, 28 ਅਗਸਤ 2019 - ਪਿਛਲੇ ਦਿਨੀਂ ਭਾਖੜਾ ਡੈਮ ਦੇ ਖੋਲ੍ਹੇ ਗੇਟਾਂ ਕਾਰਨ ਸਬ ਡਵੀਜ਼ਨ ਸੁਲਤਾਨਪੁਰ ਲੋਧੀ 'ਚ ਦਰਿਆਵਾਂ ਨਾਲ ਲੱਗਦੇ ਕਾਫੀ ਪਿੰਡਾਂ 'ਚ ਹੜ੍ਹ ਆ ਗਿਆ।
ਜਿਸ ਦੇ ਮੱਦੇਨਜ਼ਰ ਬੁੱਧਵਾਰ ਤੇ ਵੀਰਵਾਰ ਮਿਤੀ 28 ਅਤੇ 29 ਅਗਸਤ ਦੇ ਦਿਨ ਸਬ ਡਵੀਜ਼ਨ ਸੁਲਤਾਨਪੁਰ ਲੋਧੀ 'ਚ ਪੈਂਦੇ ਪਿੰਡਾਂ - ਰਾਮੇ, ਤਕੀਆ, ਚੱਨਣਵਿੰਡੀ, ਕਿੱਲੀ ਸੁਚੇਤਗੜ੍ਹ, ਮੰਡ ਇੰਦਰਪੁਰ, ਸ਼ੇਖਮਾਂਗਾ, ਸਰੂਪਵਾਲ, ਭਰੋਆਣਾ, ਸ਼ੇਰਪੁਰ ਸੱਧਾ, ਤੇ ਵਾਂਟਾਵਾਲੀ 'ਚ ਪੈਂਦੇ ਸਾਰੇ ਸਰਕਾਰੀ, ਅਰਧ ਸਰਕਾਰੀ ਤੇ ਪ੍ਰਾਈਵੇਟ ਸਕੂਲ ਕਾਲਜ ਬੰਦ ਰੱਖਣ ਦੇ ਹੁਕਮ ਹੋਏ ਹਨ। ਇੰਨ੍ਹਾਂ ਤੋਂ ਇਲਾਵਾ ਸੁਲਤਾਨਪੁਰ ਲੋਧੀ ਸਬ ਡਵੀਜ਼ਨ ਦੇ ਬਾਕੀ ਸਕੂਲ ਪਹਿਲਾਂ ਦੀ ਤਰ੍ਹਾਂ ਖੁੱਲ੍ਹੇ ਰਹਿਣਗੇ।