ਨਗਰ ਕੌਂਸਲ ਬੰਗਾ ਦੀ ਚੋਣ ਤਿੰਨ ਕੌਂਸਲਰਾਂ ਦੀ ਕੋਰੋਨਾ ਪਾਜ਼ੀਟਿਵ ਆਉਣ ਨਾਲ ਮੁੜ ਤੋਂ ਹੋਈ ਮੁਲਤਵੀ
ਨਵਾਂਸ਼ਹਿਰ, 30 ਅਪ੍ਰੈਲ 2021 - ਨਗਰ ਕੌਂਸਲ ਬੰਗਾ ਦੇ ਪ੍ਰਧਾਨ ਅਤੇ ਉਪ ਪ੍ਰਧਾਨ ਦੇ ਅਹੁਦੇ ਲਈ 30 ਅਪ੍ਰੈਲ ਨੂੰ ਹੋਣ ਜਾ ਰਹੀ ਚੋਣ ਕੋਰੋਨਾ ਦੇ ਤਿੰਨੋਂ ਕੌਂਸਲਰਾਂ ਦੀ ਰਿਪੋਰਟ ਪਾਜ਼ੀਟਿਵ ਆਉਣ ਕਾਰਣ ਮੁੜ ਮੁਲਤਵੀ ਕਰ ਦਿੱਤੀ ਗਈ ਹੈ। ਮੀਟਿੰਗ ਨੂੰ ਐਸਡੀਐਮ ਵਿਰਾਜ ਤਿੜਕੇ ਵੱਲੋਂ ਅਗਲੇ ਹੁਕਮਾਂ ਤੱਕ ਚੋਣਾਂ ਮੁਲਤਵੀ ਕਰਨ ਬਾਰੇ ਦੱਸਿਆ ਗਿਆ।
ਚੋਣ ਪ੍ਰਕਿਰਿਆ ਵਿਚ ਹਿੱਸਾ ਲੈਣ ਲਈ ਐਸਡੀਐਮ ਵਿਰਾਜ ਤਿੜਕੇ ਦੁਆਰਾ ਸਮੂਹ ਕੌਂਸਲਰਾਂ ਅਤੇ ਕਰਮਚਾਰੀਆਂ ਦਾ ਕੋਰੋਨਾ ਟੈਸਟ ਲਾਜ਼ਮੀ ਕਰਵਾਉਣ ਸੀ। ਇਸ ਆਈ ਰਿਪੋਰਟ ਵਿਚ ਕੁਲ 15 ਕੌਸਲਰ ਵਿਚੋਂ 3 ਕੌਸਲਰ ਪਾਜ਼ੀਟਿਵ ਆਏ ਹਨ ਟੇਸਟਿੰਗ ਰਿਪੋਰਟ ਵਿੱਚ ਵਾਰਡ -7 ਤੋਂ ਕਾਂਗਰਸ ਦੀ ਕੌਂਸਲਰ ਰਛਪਾਲ ਕੌਰ, ਵਾਰਡ 9 ਤੋਂ ਕਾਂਗਰਸ ਦੀ ਕੌਂਸਲਰ ਤਲਵਿੰਦਰ ਕੌਰ ਅਤੇ ਵਾਰਡ 15 ਤੋਂ ਆਮ ਆਦਮੀ ਪਾਰਟੀ ਦੇ ਕੌਂਸਲਰ ਸੁਰਿੰਦਰ ਘਈ ਕੋਰੋਨਾ ਪਾਜ਼ੀਟਿਵ ਪਾਏ ਗਏ ਹਨ।