ਪਰਵਿੰਦਰ ਸਿੰਘ ਕੰਧਾਰੀ
ਫਰੀਦਕੋਟ 26 ਅਪ੍ਰੈਲ 2021 - ਕਰੋਨਾ ਵਾਇਰਸ ਤੋ ਬਚਣ ਲਈ 45 ਸਾਲ ਤੋ ਵੱਧ ਲੋਕਾਂ ਨੂੰ ਕਰੋਨਾ ਵੈਕਸੀਨ ਜਲਦ ਲਵਾਉਣੀ ਚਾਹੀਦੀ ਹੈ। ਇਨ੍ਹਾਂ ਵਿਚਾਰਾਂ ਦਾ ਪ੍ਰਗਟਾਵਾ ਗਿੱਦੜਬਾਹਾ ਤੋ ਵਿਧਾਇਕ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਨੇ ਕੀਤਾ। ਉਨ੍ਹਾਂ ਨੇ ਫੇਸਬੁੱਕ ਤੇ ਪੋਸਟ ਪਾ ਕੇ ਇੱਕ ਸੁਝਾਅ ਦਿੱਤਾ ਉਨ੍ਹਾਂ ਕਿਹਾ ਸਾਰੇ ਐਮ ਸੀ ਅਤੇ ਸਰਪੰਚ ਵੋਟਰ ਸੂਚੀਆਂ ਚੱਕ ਲੈੰਣ ਤੇ ਘਰ ਘਰ ਜਾ ਕੇ ਕਰੋਨਾ ਵੈਕਸੀਨ ਲਗਵਾਉਣ ਲਈ ਪ੍ਰੇਰਿਤ ਕਰਨ।
ਉਨ੍ਹਾਂ ਕਿਹਾ ਇਸ ਤਰ੍ਹਾਂ ਲੋਕਾਂ ਨੂੰ ਇਸ ਬਿਮਾਰੀ ਤੋ ਬਚਾ ਸਕਦੇ ਹਾਂ। ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਨੇ ਅੱਗੇ ਕਿਹਾ ਲਿਸਟਾਂ ਚੁੱਕਣ ਲਈ ਤਾਂ ਕਹਿ ਰਿਹਾ ਕਿਉਂਕਿ 1 ਮਈ ਤੋ 18 ਸਾਲ ਤੋ ਵੱਧ ਵਿਅਕਤੀਆਂ ਨੂੰ ਕਰੋਨਾ ਵੈਕਸੀਨ ਲੱਗਣੀ ਹੈ ਤੇ ਕਰੋਨਾ ਤੋਂ ਬਚਾਉਣ ਲਈ ਵੈਕਸੀਨ ਲਵਾਉਣ ਲਈ ਪ੍ਰੇਰਿਤ ਕਰਨਾ ਜਰੂਰੀ ਹੈ। ਉਨ੍ਹਾਂ ਨੇ ਗਿੱਦੜਬਾਹਾ ਦੇ ਲੋਕਾਂ ਦੀ ਤੁੰਦਰਸਤੀ ਦੀ ਕਾਮਨਾ ਕਰਦਿਆਂ ਕਿਹਾ ਜੋ ਵੀ ਕਰੋਨਾ ਪੀੜ੍ਹਤ ਹਨ ਉਹ ਜਲਦੀ ਠੀਕ ਹੋਣ।