ਨੌਜਵਾਨ ਦੀ ਕਾਰ ਦਾ ਅਚਾਨਕ ਸੰਤੁਲਨ ਵਿਗੜਨ ਕਾਰਨ ਕਾਰ ਪਲਟੀ , ਹੋਈ ਮੌਤ
ਤਿੰਨ ਭੈਣਾਂ ਗੰਭੀਰ ਜ਼ਖਮੀ,ਇੱਕ ਭੈਣ ਦੀ ਹਾਲਤ ਗੰਭੀਰ
ਰੋਹਿਤ ਗੁਪਤਾ
ਗੁਰਦਾਸਪੁਰ , 24 ਮਾਰਚ 2025 :
ਦੀਨਾ ਨਗਰ ਦੇ ਪਿੰਡ ਡੀਂਡਾ ਨੇੜੇ ਆਪਣੀ ਭੂਆ ਦੀ ਲੜਕੀ ਦੇ ਵਿਆਹ ਸਮਾਗਮ ਤੋਂ ਵਾਪਸ ਆ ਰਹੇ ਇੱਕ ਪਰਿਵਾਰ ਦੀ ਅੱਜ ਅਚਾਨਕ ਕਾਰ ਦਾ ਸੰਤੁਲਨ ਵਿਗਨ ਕਾਰਨ ਕਾਰ ਰੋਡ ਤੋਂ ਹੇਠਾਂ ਜਾ ਕੇ ਪਲਟ ਗਈ ਜਿਸ ਕਾਰਨ ਕਾਰ ਚਾਲਕ ਨੌਜਵਾਨ ਦੀ ਮੌਕੇ ਤੇ ਮੌਤ ਹੋ ਗਈ ਅਤੇ ਕਾਰ ਵਿੱਚ ਸਵਾਰ ਉਸ ਦੀਆਂ ਤਿੰਨ ਭੈਣਾਂ ਵੀ ਗੰਭੀਰ ਰੂਪ ਵਿੱਚ ਜਖਮੀ ਹੋ ਗਈਆ ਹਨ।
ਇਸ ਸਬੰਧੀ ਇਕੱਤਰ ਕੀਤੀ ਜਾਣਕਾਰੀ ਅਨੁਸਾਰ ਪਿੰਡ ਦੋਆਬਾ ਤੋਂ ਇੱਕ ਲੜਕੀ ਦਾ ਵਿਆਹ ਘਰੋਟਾ ਮੋੜ ਤੇ ਪੈਂਦੇ ਆਨੰਦ ਪੈਲੇਸ ਵਿਚ ਹੋਇਆ ਸੀ ਜਦੋਂ ਹੀ ਵਿਆਹ ਖਤਮ ਹੋਇਆ ਤਾਂ ਲੜਕੀ ਨੂੰ ਵਿਦਾ ਕਰਨ ਤੋਂ ਬਾਅਦ ਲੜਕੀ ਦੇ ਮਾਮੇ ਦਾ ਬੇਟਾ ਜਤਿੰਦਰ ਕੁਮਾਰ ਉਰਫ ਮਿੰਟੂ ਵਾਸੀ ਅਵਾਂਖਾ ਜੋ ਕਿ ਆਪਣੀਆਂ 3 ਭੈਣਾਂ ਸਮੇਤ ਕਾਰ ਚ ਸਵਾਰ ਹੋ ਕੇ ਪਿੰਡ ਦੋਆਬਾ ਵਾਪਸ ਪਰਤ ਰਿਹਾ ਸੀ ਅਚਾਨਕ ਕਾਰ ਪਿੰਡ ਡੀਡਾ ਨੇੜੇ ਬੇਕਾਬੂ ਹੋ ਗਈ ਅਤੇ ਪਲਟੀਆਂ ਖਾ ਕੇ ਸੜਕ ਕਿਨਾਰੇ ਟੋਏ ਵਿੱਚ ਜਾ ਡਿੱਗੀ , ਜਿਸ ਕਾਰਨ ਕਾਰ ਸਵਾਰ ਲੜਕੇ ਮੌਤ ਹੋ ਗਈ ਜਦ ਕਿ ਇੱਕ ਲੜਕੀ ਦੀ ਹਾਲਤ ਗੰਭੀਰ ਦੱਸੀ ਜਾ ਰਹੀ ਹੈ ਜਦ ਕਿ 2 ਗੁਰਦਾਸਪੁਰ ਦੇ ਇਕ ਹਸਪਤਾਲ ਚ ਜੇਰੇ ਇਲਾਜ ਹਨ। ਕੁਝ ਹੀ ਮਿੰਟਾਂ ਵਿੱਚ ਇਕਦਮ ਖੁਸ਼ੀ ਵਾਲਾ ਮਾਹੌਲ ਗਮਾਂ ਵਿੱਚ ਬਦਲਣ ਕਾਰਨ ਇਹ ਘਟਨਾ ਨਾਲ ਪੂਰੇ ਇਲਾਕੇ ਅੰਦਰ ਸੋਗ ਵਾਲੀ ਲਹਿਰ ਪਾਈ ਜਾ ਰਹੀ ਹੈ।