ਜਰਖੜ ਖੇਡ ਸਟੇਡੀਅਮ ਵਿੱਚ ਪੰਜਾਬ ਦੀਆਂ ਧੀਆਂ ਦੇ ਹਾਕੀ ਮੇਲੇ ਦੀ ਹੋਈ ਧੂਮ ਧੜੱਕੇ ਨਾਲ ਸ਼ੁਰੂਆਤ
ਸੁਖਮਿੰਦਰ ਭੰਗੂ
ਲੁਧਿਆਣਾ 22 ਮਾਰਚ 2025
ਅੱਜ ਜਰਖੜ ਖੇਡ ਸਟੇਡੀਅਮ ਵਿਖੇ ਪੰਜਾਬ ਦੀਆਂ ਧੀਆਂ ਦਾ ਹਾਕੀ ਮੇਲਾ ਧੂਮ ਧੜੱਕੇ ਨਾਲ ਸ਼ੁਰੂ ਹੋਇਆ । ਇਸ ਵਕਾਰੀ ਟੂਰਨਾਮੈਂਟ ਦਾ ਉਦਘਾਟਨ 1982 ਏਸ਼ੀਅਨ ਗੇਮਜ਼ ਹਾਕੀ ਦੇ ਗੋਲਡ ਮੈਡਲਿਸਟ, ਓਲੰਪੀਅਨ ਸ਼ਰਨਜੀਤ ਕੌਰ ਅਤੇ ਸ੍ਰੀਮਤੀ ਡਾਕਟਰ ਸੁਖਚੈਨ ਗੋਗੀ ਧਰਮ ਪਤਨੀ ਸਵਰਗੀ ਵਿਧਾਇਕ ਗੁਰਪ੍ਰੀਤ ਸਿੰਘ ਗੋਗੀ ਨੇ ਕੀਤਾ।
ਇਸ ਮੌਕੇ ਆਏ ਮਹਿਮਾਨਾਂ ਨੇ ਜਿੱਥੇ ਮਾਸਟਰਜ਼ ਹਾਕੀ ਖਿਡਾਰਨਾ ਵੱਲੋਂ ਪੰਜਾਬ ਦੀਆਂ ਧੀਆਂ ਦੇ ਹਾਕੀ ਮੇਲੇ ਦੇ ਉਪਰਾਲੇ ਦੀ ਸਲਾਘਾ ਕੀਤੀ ਉਥੇ ਉਹਨਾਂ ਦੱਸਿਆ ਕਿ ਇਹ ਉਪਰਾਲਾ ਬੱਚਿਆਂ ਲਈ ਇੱਕ ਪ੍ਰੇਰਨਾ ਸਰੋਤ ਹੈ। ਇਸ ਮੌਕੇ ਟੂਰਨਾਮੈਂਟ ਦਾ ਉਦਘਾਟਨ ਗਵਾਰੇ ਉੱਡਾਕੇ ਕੀਤਾ ਗਿਆ ਅਤੇ ਟੂਰਨਾਮੈਂਟ ਦੀਆਂ ਉਦਘਾਟਨ ਟੀਮਾਂ ਨਾਲ ਆਏ ਮਹਿਮਾਨਾਂ ਨੇ ਜਾਣ ਪਹਿਚਾਣ ਕੀਤੀ। ਇਸ ਮੌਕੇ ਜਰਖੜ ਹਾਕੀ ਅਕੈਡਮੀ ਦੇ ਪ੍ਰਬੰਧਕਾਂ ਤੋਂ ਇਲਾਵਾ ਅੰਤਰਰਾਸ਼ਟਰੀ ਵੇਟ ਲਿਫਟਰ ਹਰਦੀਪ ਸਿੰਘ ਸੈਣੀ, ਪਰਨੀਤ ਕੌਰ ਯੂਐਸਏ, ਪਰਮਜੀਤ ਕੌਰ ਸਰਾਂ, ਅਵਨੀਤ ਕੌਰ ਪੰਧੇਰ,ਗੁਰਦੀਪ ਸਿੰਘ ਗਰੇਵਾਲ ਜਿਲਾ ਖੇਡ ਅਫਸਰ ਮਲੇਰਕੋਟਲਾ ,ਸਰਪੰਚ ਸੰਦੀਪ ਸਿੰਘ ਜਰਖੜ, ਖੇਡਾਂ ਦੇ ਮੁੱਖ ਪ੍ਰਬੰਧਕ ਜਗਰੂਪ ਸਿੰਘ ਜਰਖੜ, ਸਰਪੰਚ ਸੰਦੀਪ ਸਿੰਘ, ਤੇਜਿੰਦਰ ਸਿੰਘ ਜਰਖੜ ,ਪ੍ਰਬੰਧਕ ਗੁਰਸਤਿੰਦਰ ਸਿੰਘ ਪ੍ਰਗਟ ,ਪਰਮਜੀਤ ਸਿੰਘ ਪੰਮਾ ਗਰੇਵਾਲ , ਅਰਵਿੰਦਰ ਕੌਰ ਰੋਜੀ ਸ੍ਰੀਮਤੀ ਸੋਨੀਆ, ਬਲਜੀਤ ਕੌਰ ਅਮਨਦੀਪ ਕੌਰ ਸਿੱਧੂ ਫਰੀਦਕੋਟ, ਅਤੇ ਹੋਰ ਪ੍ਰਬੰਧਕ ਅਤੇ ਖਿਡਾਰਨਾਂ ਵੱਡੀ ਗਿਣਤੀ ਵਿੱਚ ਹਾਜ਼ਰ ਸਨ ਟੂਨਾਮੈਂਟ ਦੇ ਉਦਘਾਟਨੀ ਮੈਚ ਵਿੱਚ ਕੰਗ ਇਲਵੈਨ ਨੇ ਹਿਮਾਚਲ ਪ੍ਰਦੇਸ਼ ਨੂੰ 5-2 ਨਾਲ ਹਰਾਇਆ। ਜਦ ਕਿ ਦੂਸਰੇ ਮੈਚ ਵਿੱਚ ਰੰਧਾਵਾ ਇਲੈਵਨ ਮੁਕਤਸਰ ਨੇ ਥਿੰਦ ਸੰਗਰੂਰ ਨੂੰ 11 ਹਰਾਇਆ। ਇਹ ਟੂਰਨਾਮੈਂਟ ਲੀਗ ਕਮ ਨਾਕ ਅਉਟ ਦੇ ਆਧਾਰ ਤੇ ਖੇਡਿਆ ਜਾਵੇਗਾ । ਭਲਕੇ 23 ਮਾਰਚ ਨੂੰ ਸੈਮੀ ਫਾਈਨਲ ਅਤੇ ਫਾਈਨਲੀ ਮੁਕਾਬਲੇ ਖੇਡੇ ਜਾਣਗੇ।