IAS ਜਸਕਰਨ ਸਿੰਘ ਦੀ ਕਾਮਯਾਬੀ: ਚੌਥੀ ਕੋਸ਼ਿਸ਼ 'ਚ ਪੂਰਾ ਹੋਇਆ ਸੁਪਨਾ, ਪਿੰਡ ਭੁਮੱਦੀ 'ਚ ਖੁਸ਼ੀ ਦੀ ਲਹਿਰ
ਰਵਿੰਦਰ ਸਿੰਘ
ਖੰਨਾ (ਪੰਜਾਬ) – UPSC 2024 ਦੇ ਨਤੀਜਿਆਂ ਨੇ ਪੰਜਾਬ ਦੇ ਲੁਧਿਆਣਾ ਜ਼ਿਲ੍ਹੇ ਦੇ ਇੱਕ ਛੋਟੇ ਪਿੰਡ ਭੁਮੱਦੀ ਨੂੰ ਮਾਣ ਦਿਵਾਇਆ ਹੈ। ਇੱਥੋਂ ਦੇ ਨੌਜਵਾਨ ਜਸਕਰਨ ਸਿੰਘ ਨੇ 240ਵਾਂ ਰੈਂਕ ਹਾਸਲ ਕਰਕੇ ਆਈਏਐਸ ਅਫਸਰ ਬਣਨ ਦਾ ਸੁਪਨਾ ਸਾਕਾਰ ਕੀਤਾ ਹੈ।
ਉਹ ਪੰਜਾਬ ਪੁਲਿਸ ਦੇ ਏਐਸਆਈ ਜਗਮੋਹਨ ਸਿੰਘ ਦੇ ਪੁੱਤਰ ਹਨ। ਜਸਕਰਨ ਇਸ ਤੋਂ ਪਹਿਲਾਂ ਵੀ UPSC ਪ੍ਰੀਖਿਆ 'ਚ ਕਾਮਯਾਬ ਹੋ ਚੁੱਕੇ ਸਨ ਤੇ ਆਈਆਰਐਸ (ਕਸਟਮਜ਼) ਵਜੋਂ ਆਂਧਰਾ ਪ੍ਰਦੇਸ਼ ਵਿੱਚ ਟਰੇਨਿੰਗ ਲੈ ਰਹੇ ਸਨ।
❖ ਚੌਥੀ ਕੋਸ਼ਿਸ਼ ’ਚ ਮਿਲੀ ਕਾਮਯਾਬੀ
ਜਸਕਰਨ ਨੇ ਮੀਡੀਆ ਨਾਲ ਗੱਲ ਕਰਦਿਆਂ ਦੱਸਿਆ:
“ਇਹ ਮੇਰੀ ਚੌਥੀ ਕੋਸ਼ਿਸ਼ ਸੀ। ਪਹਿਲੀ ਵਾਰ ਨਾਕਾਮੀ ਮਿਲੀ। ਦੂਜੀ ਵਾਰ IRS ਚੁਣਿਆ ਗਿਆ, ਪਰ IAAS ਦਾ ਸੁਪਨਾ ਸੀ। ਤੀਜੀ ਵਾਰ 3 ਅੰਕਾਂ ਨਾਲ ਪਿਛੇ ਰਹਿ ਗਿਆ। ਆਖ਼ਰ ਚੌਥੀ ਕੋਸ਼ਿਸ਼ ‘ਚ ਕਾਮਯਾਬੀ ਮਿਲੀ।”
ਉਹ ਕਹਿੰਦੇ ਹਨ ਕਿ ਇਸ ਰਾਹ ਵਿਚ ਪਰਿਵਾਰ, ਦੋਸਤਾਂ ਅਤੇ ਅਧਿਆਪਕਾਂ ਦਾ ਹਮੇਸ਼ਾ ਭਰੋਸਾ ਅਤੇ ਸਮਰਥਨ ਰਿਹਾ।
❖ ਘਰ ਵਾਪਸੀ ‘ਤੇ ਜਸ਼ਨ ਦਾ ਮਾਹੌਲ
ਜਦੋਂ ਨਤੀਜਾ ਐਲਾਨਿਆ ਗਿਆ, ਜਸਕਰਨ ਆਂਧਰਾ ਪ੍ਰਦੇਸ਼ ਵਿੱਚ ਸਨ। ਸ਼ੁੱਕਰਵਾਰ ਸ਼ਾਮ ਨੂੰ ਜਦ ਉਹ ਖੰਨਾ ਵਾਪਸ ਆਏ, ਪਿੰਡ ਭੁਮੱਦੀ 'ਚ ਜਸ਼ਨ ਦਾ ਮਾਹੌਲ ਬਣ ਗਿਆ।
ਉਹਨਾਂ ਦੇ ਦੋਸਤਾਂ ਨੇ ਕਿਹਾ:
“ਸਾਨੂੰ ਪੂਰਾ ਯਕੀਨ ਸੀ ਕਿ ਇੱਕ ਦਿਨ ਜਸਕਰਨ ਆਈਏਐਸ ਬਣੇਗਾ।”
❖ ਜਸਕਰਨ ਸਿੰਘ – ਇੱਕ ਪ੍ਰੇਰਨਾ
ਜਸਕਰਨ ਦੀ ਕਹਾਣੀ ਮਿਹਨਤ, ਦ੍ਰਿੜਤਾ ਅਤੇ ਸੰਘਰਸ਼ ਦੀ ਮਿਸਾਲ ਹੈ। UPSC ਵਰਗੀ ਚੁਣੌਤੀਪੂਰਨ ਪ੍ਰੀਖਿਆ 'ਚ ਕਈ ਵਾਰ ਨਾਕਾਮ ਹੋਣ ਦੇ ਬਾਵਜੂਦ, ਉਨ੍ਹਾਂ ਹੌਸਲਾ ਨਹੀਂ ਹਾਰਿਆ।