ਮੁੰਬਈ : ਅੱਜ ਦੇ ਸਮੇਂ 'ਚ ਜਿੱਥੇ ਟੀਵੀ ਅਦਾਕਾਰਾਂ ਆਪਣੇ ਖ਼ੂਬਸੂਰਤ ਸ਼ਰੀਰ ਦਾ ਪ੍ਰਦਰਸ਼ਨ ਕਰਨ ਅਤੇ ਬਿਕਨੀ ਪਾਉਣ 'ਚ ਬਿਲਕੁੱਲ ਵੀ ਨਹੀਂ ਘਬਰਾਉਂਦੀਆਂ, ਉੱਥੇ ਹੀ ਅਦਾਕਾਰਾ ਨੇਹਾਲਕਸ਼ਮੀ ਅਇੱਯਰ ਇਸ ਦਿੱਖ ਦੇ ਬਿਲਕੁੱਲ ਉਲਟ ਖੜੀ ਹਨ। ਉਨ੍ਹਾਂ ਨੂੰ ਸਟਾਰ ਪਲੱਸ ਦੇ ਨਵੇਕਲੇ ਸ਼ੋਅ ਇਸ਼ਕਬਾਜ਼ ਵਿੱਚ ਮੁੱਖ ਭੂਮਿਕਾ ਦੀ ਪੇਸ਼ਕਸ਼ ਦਿੱਤੀ ਗਈ ਸੀ ਪਰ ਇੱਕ ਪਾਸੇ ਇੰਡਸਟਰੀ 'ਚ ਪਰਫ਼ੈਕਟ ਸਰੀਰ ਅਤੇ ਜਾਅਲਾਈਨ ਵਾਲੀ ਲੜਕੀਆਂ ਦੀ ਮੰਗ ਹੈ, ਉੱਥੇ ਹੀ ਨੇਹਲਕਸ਼ਮੀ ਦਾ ਮੰਨਣਾ ਹੈ ਕਿ ਉਨ੍ਹਾਂ ਦੇ ਇਸ ਵੱਖਰੇ ਕਿਸਮ ਦੇ ਸਰੀਰ ਕਾਰਨ ਹੀ ਉਨ੍ਹਾਂ ਨੂੰ ਸਟਾਰ ਪਲੱਸ ਦੇ ਸ਼ੌਅ 'ਚ ਸੋਮਿਆ ਦਾ ਕਿਰਦਾਰ ਨਿਭਾਉਣ ਦਾ ਮੌਕਾ ਮਿਲਿਆ ਜਿੱਥੇ ਉਨ੍ਹਾਂ ਨੇ ਬ੍ਰੇਕ 'ਚ ਘਟਾਇਆ ਗਿਆ ਸਾਰਾ ਵਜ਼ਨ ਮੁੜ ਤੋਂ ਵਧਾ ਲੈਣ ਦੀ ਛੋਟ ਮਿਲੀ।
ਬਾਬੂਸ਼ਾਹੀ ਮੀਡੀਆ ਨਾਲ ਖਾਸ ਗੱਲਬਾਤ ਕਰਦਿਆਂ ਨੇਹਾਲਕਸ਼ਮੀ ਨੇ ਕਿਹਾ, 'ਇਹ ਇੱਕ ਵਹਿਮ ਹੈ ਕਿ ਤੁਹਾਡਾ ਸ਼ਰੀਰ ਲਚਕਦਾਰ ਨਹੀਂ ਹੈ ਤਾਂ ਤੁਸੀਂ ਇੰਡਸਟਰੀ 'ਚ ਜਗ੍ਹਾ ਨਹੀਂ ਬਣਾ ਸਕਦੀ। ਮੈਂ ਅਜਿਹਾ ਹੀ ਮੰਨਦੀ ਹਾਂ। ਹਰ ਦੂਜੇ ਦਿਨ ਢੇਰ ਸਾਰੀਆਂ ਨਵੀਂ ਲੜਕੀਆਂ ਟੀਵੀ 'ਚ ਜਗ੍ਹਾ ਬਣਾਉਣ ਆਉਂਦੀਆਂ ਹਨ ਜੋ ਪਤਲੀ ਹੋਣ ਲਈ ਖੁਦ ਨੂੰ ਭੁੱਖ ਨਾਲ ਮਾਰ ਰਹੀ ਹੁੰਦੀਆਂ ਹਨ, ਜਦਕਿ ਮੇਰਾ ਮੰਨਣਾ ਹੈ ਕਿ ਇਸਦੀ ਲੋੜ ਨਹੀਂ ਹੈ। ਆਪਣੀ ਗੱਲ ਕਰਾਂ ਤਾਂ ਮੈਂ ਖ਼ੁਸ਼ਕਿਸਮਤ ਰਹੀ ਕਿ ਮੈਨੂੰ ਚੰਗਾ ਕੰਮ ਮਿਲਿਆ, ਖਾਸਕਰ ਇਸ਼ਕਬਾਜ਼ ਜਿਸ ਵਿੱਚ ਮੇਰੇ ਨਿਰਮਾਤਾਵਾਂ ਨੇ ਮੈਨੂੰ ਉਸੇ ਹੀ ਰੂਪ 'ਚ ਪਸੰਦ ਕੀਤਾ ਜਿਵੇਂ ਮੈਂ ਹਾਂ ਅਤੇ ਮੈਨੂੰ ਵਜ਼ਨ ਘਟਾਉਣ ਜਾਂ ਵਧਾਉਣ ਦੀ ਛੋਟ ਸੀ।'
ਨੇਹਾ ਨਾਲ ਗੱਲ ਕਰਨ 'ਤੇ ਪਤਾ ਚੱਲਿਆ ਕਿ ਨੇਹਾ ਟੀਵੀ ਕਾਮੇਡੀ ਸਟਾਰ ਭਾਰਤੀ ਸਿੰਘ ਤੋਂ ਕਾਫੀ ਪ੍ਰਭਾਵਿਤ ਹਨ। ਉਨ੍ਹਾਂ ਕਿਹਾ, 'ਦੇਖੋ! ਭਾਰਤੀ ਨੇ ਇੰਨੇ ਸਾਲਾਂ 'ਚ ਕੀ-ਕੀ ਹਾਸਲ ਕਰ ਲਿਆ ਹੈ। ਆਪਣੇ ਅਜਿਹੇ ਸਰੀਰ ਦੇ ਬਾਵਜੂਦ ਦਰਸ਼ਕ ਉਨ੍ਹਾਂ ਨੂੰ ਦੇਖਣਾ ਪਸੰਦ ਕਰਦੇ ਹਨ ਅਤੇ ਉਹ ਘਰ-ਘਰ ਦਾ ਜਾਨੀਜਾਨ ਨਾਮ ਹੈ। ਮੈਂਨੂੰ ਵਾਕਿਈ ਲੱਗਦਾ ਹੈ ਕਿ ਟੀਵੀ 'ਚ ਸ਼ਰੀਰ ਤੋਂ ਫਰਕ ਨਹੀਂ ਪੈਂਦਾ।'
ਦੱਸਣਯੋਗ ਹੈ ਕਿ ਆਉਣ ਵਾਲੇ ਇਸ ਸੀਰੀਅਲ 'ਇਸ਼ਕਬਾਜ਼' ਦਾ ਪ੍ਰਸਾਰਣ ਹਰੇਕ ਸੋਮਵਾਰ ਤੋਂ ਐਤਵਾਰ ਰਾਤ 10 ਵਜੇ ਸਟਾਰ ਪਲੱਸ 'ਤੇ ਕੀਤਾ ਜਾਵੇਗਾ। ਇਸ ਸੀਰੀਅਲ 'ਚ ਨੇਹਾਲਕਸ਼ਮੀ ਅਇੱਯਰ ਇੱਕ ਸੋਮਿਆ ਨਾਮ ਦੀ ਲੜਕੀ ਦਾ ਕਿਰਦਾਰ ਨਿਭਾ ਰਹੀ ਹੈ ਅਤੇ ਨੇਹਾ ਦੀ ਲੀਨੇਸ਼ ਮੱਟੂ ਨਾਲ ਜੋੜੀ ਹੈ।
-
ਬਾਬੂਸ਼ਾਹੀ ਬਿਊਰੋ,
info.babushahi@gmail.com
9915177722
Disclaimer : The opinions expressed within this article are the personal opinions of the writer/author. The facts and opinions appearing in the article do not reflect the views of Babushahi.com or Tirchhi Nazar Media. Babushahi.com or Tirchhi Nazar Media does not assume any responsibility or liability for the same.