ਹੁਣ ਗੋਪਾਲ ਚਾਵਲਾ ਬੀਬੀ ਬਾਦਲ ਦੀ ਗਰੁੱਪ ਫੋਟੋ 'ਚ ਵੀ ਦਿਖੇ
ਚੰਡੀਗੜ੍ਹ, 29 ਨਵੰਬਰ 2018 - ਪਾਕਿਸਤਾਨ 'ਚ ਕਰਤਾਰਪੁਰ ਕਾਰੀਡੋਰ ਦੇ ਨੀਂਹ ਪੱਥਰ ਸਮਾਗਮ ਦੌਰਾਨ ਖਾਲਿਸਤਾਨੀ ਸਮਰਥਕ ਗੋਪਾਲ ਚਾਵਲਾ ਦੀ ਨਵਜੋਤ ਸਿੱਧੂ ਨਾਲ ਖਿਚਵਾਈ ਤਸਵੀਰ ਨੇ ਪੰਜਾਬ ਦੀ ਸਿਆਸਤ 'ਚ ਚਰਚਾ ਛੇੜ ਦਿੱਤੀ। ਪਰ ਉਸ ਤਸਵੀਰ ਦੇ ਨਾਲ ਹੀ ਇੱਕ ਹੋਰ ਤਸਵੀਰ ਵਾਇਰਲ ਹੋਈ ਜਿਸ 'ਚ ਸ਼੍ਰੋਮਣੀ ਕਮੇਟੀ ਦੇ ਪ੍ਰਧਾਨ ਲੌਂਗੋਵਾਲ ਨਾਲ ਵੀ ਚਾਵਲਾ ਨਜ਼ਰ ਆਏ।
ਸੁਖਬੀਰ ਬਾਦਲ ਵੱਲੋਂ ਸਿੱਧੂ ਦੀ ਚਾਵਲਾ ਨਾਲ ਤਸਵੀਰ 'ਤੇ ਸਵਾਲ ਖੜ੍ਹੇ ਕੀਤੇ ਗਏ। ਪਰ ਹੁਣ ਇੱਕ ਹੋਰ ਤਸਵੀਰ ਸਾਹਮਣੇ ਆਈ ਜਿਸ 'ਚ ਕਰਤਾਰਪੁਰ ਸਾਹਿਬ ਦੇ ਸਮਾਗਮ ਦੌਰਾਨ ਹੀ ਇੱਕ ਗਰੁੱਪ ਫੋਟੋ 'ਚ gopal ਚਾਵਲਾ ਨਾਲ ਸਿੱਧੂ, ਲੌਂਗੋਵਾਲ ਸਮੇਤ ਬੀਬੀ ਹਰਸਿਮਰਤ ਬਾਦਲ ਵੀ 'ਚ ਨਜ਼ਰ ਆ ਰਹੇ ਹਨ। ਗੋਬਿੰਦ ਲੌਂਗੋਵਾਲ ਦੀ ਪਹਿਲਾਂ ਆਈ ਤਸਵੀਰ ਬਾਰੇ ਕਾਲੀ ਨੇਤਾਵਾਂ ਵਲੋਂ ਕਿਹਾ ਗਿਆ ਸੀ ਕਿ ਉਹ ਤਾਂ ਪਕਿਸਤਾਨ ਨੇ ਸੀਟਿੰਗ ਪ੍ਰਬੰਧ ਸਮੇਂ ਉਨ੍ਹਾਂ ਨਾਲ ਸਾਜਿਸ਼ ਕੀਤੀ ਸੀ . ਪਰ ਹੁਣ ਸਾਹਮਣੇ ਆਈ ਫੋਟੋ ਵਿਚ ਲੌਂਗੋਵਾਲ ਵੀ ਗਰੁੱਪ ਫੋਟੋ ਬਾਕਾਇਦਾ ਚਾਵਲਾ ਨਾਲ ਖੜ੍ਹੇ ਹਨ . ਇਸ ਤਸਵੀਰ ਨਾਲ ਹੁਣ ਸੋਸ਼ਲ ਮੀਡੀਆ 'ਤੇ ਬਾਦਲ ਪਰਿਵਾਰ 'ਤੇ ਸਵਾਲ ਕੀਤੇ ਜਾ ਰਹੇ ਹਨ ਕਿ ਜੋ ਸਿੱਧੂ 'ਤੇ ਉਂਗਲਾਂ ਚੁੱਕ ਰਹੇ ਸਨ, ਉਹਨਾਂ ਦਾ ਹੁਣ ਇਸ ਤਸਵੀਰ ਬਾਰੇ ਕੀ ਕਹਿਣਾ ਹੈ।