1 ਅਪ੍ਰੈਲ ਤੋਂ ਸ਼ੰਭੂ ਬਾਰਡਰ ਟੋਲ ਪਲਾਜ਼ਾ ਦੇ ਵਧਣਗੇ ਰੇਟ, ਜਾਣੋ ਨਵੀਆਂ ਦਰਾਂ
ਸ਼ੰਭੂ ਬਾਰਡਰ, 29 ਮਾਰਚ 2025 - ਪਹਿਲੀ ਅਪ੍ਰੈਲ ਤੋਂ ਟੋਲ ਦਰਾਂ ਵਧਣ ਜਾ ਰਹੀਆਂ ਹਨ। ਕਿਸਾਨ ਅੰਦੋਲਨ ਕਾਰਨ ਸ਼ੰਭੂ ਸਰਹੱਦ ਪਿਛਲੇ 13 ਮਹੀਨਿਆਂ ਤੋਂ ਬੰਦ ਸੀ। ਪਰ ਹੋਣ ਬਾਰਡਰ ਖੁੱਲ੍ਹਣ ਤੋਂ ਬਾਅਦ ਪਹਿਲੀ ਅਪ੍ਰੈਲ ਤੋਂ ਵਾਹਨ ਚਾਲਕਾਂ ਨੂੰ ਵੱਡਾ ਝਟਕਾ ਲੱਗਣ ਵਾਲਾ ਹੈ।
ਸੂਤਰਾਂ ਤੋਂ ਮਿਲੀ ਅਨੁਸਾਰ ਟੋਲ ਪਲਾਜ਼ਾ ਦੀਆਂ ਕੀਮਤਾਂ 'ਚ 1 ਅਪ੍ਰੈਲ ਤੋਂ 5 ਤੋਂ 20 ਰੁਪਏ ਦਾ ਵਾਧਾ ਹੋਣ ਦੀ ਉਮੀਦ ਹੈ। ਸ਼ੰਭੂ ਸਰਹੱਦ ਬੰਦ ਹੋਣ ਕਾਰਨ ਪਿਛਲੇ 13 ਮਹੀਨਿਆਂ ਤੋਂ ਉਨ੍ਹਾਂ ਨੂੰ ਜੋ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਟੋਲ ਟੈਕਸ ਵਿੱਚ ਥੋੜ੍ਹਾ ਜਿਹਾ ਵਾਧਾ ਉਨ੍ਹਾਂ ਲਈ ਕੁਝ ਵੀ ਨਹੀਂ ਹੈ। ਡਰਾਈਵਰਾਂ ਦਾ ਕਹਿਣਾ ਹੈ ਕਿ ਟ੍ਰੈਫਿਕ ਵਿੱਚ ਫਸਣ ਅਤੇ ਲੰਬੀ ਦੂਰੀ ਦੀ ਯਾਤਰਾ ਕਰਨ ਨਾਲੋਂ ਥੋੜ੍ਹਾ ਜ਼ਿਆਦਾ ਟੋਲ ਦੇਣਾ ਬਿਹਤਰ ਹੈ। ਤੇਲ ਦਾ ਖਰਚਾ ਇਸ ਤੋਂ ਵੱਧ ਹੋ ਜਾਂਦਾ ਸੀ।
ਦਿੱਲੀ ਤੋਂ ਚੰਡੀਗੜ੍ਹ ਦਾ ਸਫ਼ਰ ਵੀ ਮਹਿੰਗਾ ਹੋਣ ਵਾਲਾ ਹੈ। ਜੇਕਰ ਤੁਸੀਂ ਆਪਣੀ ਗੱਡੀ ਰਾਹੀਂ ਦਿੱਲੀ ਜਾਂ ਚੰਡੀਗੜ੍ਹ ਜਾਂਦੇ ਹੋ, ਤਾਂ ਤੁਹਾਨੂੰ ਕਰਨਾਲ ਟੋਲ ਦੀਆਂ ਕੀਮਤਾਂ ਵਧੀਆਂ ਹੋਈਆਂ ਮਿਲਣਗੀਆਂ। NHAI ਨੇ ਵਾਹਨ ਦੇ ਆਧਾਰ ‘ਤੇ 5 ਰੁਪਏ ਤੋਂ 25 ਰੁਪਏ ਤੱਕ ਦੀ ਤਬਦੀਲੀ ਕੀਤੀ ਹੈ। ਸਭ ਕੁਝ ਇਸ ਗੱਲ ‘ਤੇ ਨਿਰਭਰ ਕਰੇਗਾ ਕਿ ਤੁਸੀਂ ਕਿਸ ਕਿਸਮ ਦਾ ਵਾਹਨ ਲੈ ਰਹੇ ਹੋ।
- ਪਹਿਲਾਂ, ਟੋਲ ਪਲਾਜ਼ਾ ਰੇਟ ਸੂਚੀ ਵਿੱਚ, ਕਾਰ ਜਾਂ ਜੀਪ ਲਈ ਇੱਕ ਪਾਸੇ ਦਾ ਕਿਰਾਇਆ 185 ਰੁਪਏ ਅਤੇ ਦੋਵਾਂ ਪਾਸਿਆਂ ਲਈ 280 ਰੁਪਏ ਸੀ। ਹੁਣ ਇੱਕ ਪਾਸੇ ਦਾ ਟੋਲ 195 ਰੁਪਏ ਹੋ ਗਿਆ ਹੈ ਅਤੇ ਦੋਵਾਂ ਰਸਤਿਆਂ ਲਈ 290 ਰੁਪਏ ਦੇਣੇ ਪੈਣਗੇ।
- ਐਲਸੀਵੀ ਦਾ ਕਿਰਾਇਆ ਇੱਕ ਪਾਸੇ ਲਈ 300 ਰੁਪਏ ਅਤੇ ਰਾਊਂਡ ਟ੍ਰਿਪ ਲਈ 450 ਰੁਪਏ ਸੀ, ਇਸਨੂੰ ਵਧਾ ਕੇ ਇੱਕ ਪਾਸੇ ਲਈ 310 ਰੁਪਏ ਅਤੇ ਰਾਊਂਡ ਟ੍ਰਿਪ ਲਈ 465 ਰੁਪਏ ਕੀਤਾ ਜਾਵੇਗਾ।
- ਬੱਸ-ਟਰੱਕ ਦਾ ਕਿਰਾਇਆ ਇੱਕ ਪਾਸੇ ਲਈ 630 ਰੁਪਏ ਅਤੇ ਰਾਊਂਡ ਟ੍ਰਿਪ ਲਈ 945 ਰੁਪਏ ਹੁੰਦਾ ਸੀ। ਹੁਣ, ਇਸਨੂੰ ਇੱਕ ਪਾਸੇ ਲਈ 650 ਰੁਪਏ ਅਤੇ ਰਾਊਂਡ ਟ੍ਰਿਪ ਲਈ 980 ਰੁਪਏ ਕਰ ਦਿੱਤਾ ਗਿਆ ਹੈ।
ਦਰਅਸਲ, ਐਚਐਸਆਈਡੀਸੀ ਦੁਆਰਾ ਹਰ ਸਾਲ 1 ਅਪ੍ਰੈਲ ਤੋਂ ਇੱਕ ਨਵਾਂ ਟੋਲ ਟੈਂਡਰ ਜਾਰੀ ਕੀਤਾ ਜਾਂਦਾ ਹੈ। ਇਸ ਵਿੱਚ ਰਕਮ ਵੀ ਵਧਾਈ ਜਾਂਦੀ ਹੈ। ਟੋਲ ਦਰਾਂ ਵੀ ਵਧਾਈਆਂ ਜਾਂਦੀਆਂ ਹਨ, ਪਰ ਪਿਛਲੇ ਕੁਝ ਮਹੀਨਿਆਂ ਤੋਂ, ਟੋਲ ਵਸੂਲੀ ਸਿਰਫ਼ ਲੇਬਰ ਦਰਾਂ ‘ਤੇ ਹੀ ਕੀਤੀ ਜਾ ਰਹੀ ਹੈ। ਹੁਣ ਟੋਲ ਦਰਾਂ ਵਧਾ ਦਿੱਤੀਆਂ ਗਈਆਂ ਹਨ।