ਸ਼ਰਮਸ਼ਾਰ: ਪਿਤਾ ਨੇ ਧੀ ਨੂੰ ਕੱਪੜੇ ਉਤਾਰ ਕੇ ਸ਼ੀਸ਼ੇ ਅੱਗੇ ਖੜ੍ਹਾਇਆ
- ਕੁਝ ਦਿਨ ਪਹਿਲਾਂ ਪ੍ਰਾਈਵੇਟ ਪਾਰਟ 'ਚ ਪਾ ਦਿੱਤੀਆਂ ਸੀ ਮਿਰਚਾਂ, ਪਰਚਾ ਦਰਜ
ਸੁਖਮਿੰਦਰ ਭੰਗੂ
ਲੁਧਿਆਣਾ, 21 ਮਾਰਚ 2025 - ਲੁਧਿਆਣਾ 'ਚ ਪਿਤਾ ਦੀ ਗੰਦੀ ਹਰਕਤ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਉਹ ਆਪਣੀ ਧੀ ਨੂੰ ਸ਼ੀਸ਼ੇ ਦੇ ਸਾਹਮਣੇ ਨੰਗੀ ਖੜ੍ਹੀ ਕਰ ਦਿੰਦਾ ਹੈ। ਫਿਰ ਉਸ ਨਾਲ ਦੁਰਵਿਵਹਾਰ ਕਰਦਾ ਹੈ। ਇੰਨਾ ਹੀ ਨਹੀਂ ਕੁਝ ਦਿਨ ਪਹਿਲਾਂ ਦਰਿੰਦੇ ਨੇ ਬੇਟੀ ਦੇ ਪ੍ਰਾਈਵੇਟ ਪਾਰਟ 'ਚ ਮਿਰਚ ਪਾਊਡਰ ਵੀ ਪਾ ਦਿੱਤਾ ਸੀ। ਪਤੀ ਦੀਆਂ ਹਰਕਤਾਂ ਤੋਂ ਤੰਗ ਆ ਕੇ ਮਾਂ ਨੇ ਹੈਬੋਵਾਲ ਥਾਣੇ ਵਿੱਚ ਸ਼ਿਕਾਇਤ ਦਰਜ ਕਰਵਾਈ ਹੈ। ਥਾਣਾ ਹੈਬੋਵਾਲ ਦੀ ਪੁਲਸ ਨੂੰ ਜਾਣਕਾਰੀ ਦਿੰਦੇ ਹੋਏ ਪੀੜਤਾ ਦੀ ਮਾਂ ਨੇ ਦੱਸਿਆ ਕਿ ਬੀਤੀ 20 ਮਾਰਚ ਨੂੰ ਉਸ ਦੀ ਲੜਕੀ ਨੇ ਉਸ ਨੂੰ ਦੱਸਿਆ ਕਿ ਬੀਤੀ ਰਾਤ ਜਦੋਂ ਉਹ ਘਰ ਦੇ ਬੈੱਡਰੂਮ 'ਚ ਸੀ ਤਾਂ ਉਸ ਦੇ ਪਿਤਾ ਨੇ ਅੰਦਰ ਆ ਕੇ ਉਸ ਦੇ ਸਾਰੇ ਕੱਪੜੇ ਲਾਹ ਕੇ ਸ਼ੀਸ਼ੇ ਦੇ ਸਾਹਮਣੇ ਖੜ੍ਹਾ ਕਰ ਦਿੱਤਾ।
ਇਸ ਤੋਂ ਬਾਅਦ ਪਿਤਾ ਨੇ ਸਮੁੱਚੀ ਔਰਤ ਜਾਤੀ ਲਈ ਅਪਸ਼ਬਦ ਬੋਲੇ । ਮਾਮਲੇ ਦੀ ਬਾਰੀਕੀ ਨਾਲ ਜਾਂਚ ਕਰਨ ਤੋਂ ਬਾਅਦ ਹੈਬੋਵਾਲ ਥਾਣੇ ਦੀ ਐੱਸਐੱਚਓ ਮਧੂ ਬਾਲਾ ਨੇ ਤੁਰੰਤ ਦਰਿੰਦੇ ਪਿਤਾ ਖਿਲਾਫ ਧਾਰਾ 74, ਧਾਰਾ 115 ਦੀ ਸਬ ਸੈਕਸ਼ਨ 2 , ਧਾਰਾ 126 ਦੀ ਸਬ ਸੈਕਸ਼ਨ 2 ਤੇ ਧਾਰਾ 351 ਦੀ ਸਬ ਸੈਕਸ਼ਨ 2 ਤੇ 8 ਪੋਕਸੋ ਅਧੀਨ ਮਾਮਲਾ ਦਰਜ ਕਰ ਲਿਆ । ਪੁਲਸ ਦੋਸ਼ੀ ਦੀ ਗ੍ਰਿਫਤਾਰੀ ਲਈ ਭਾਲ ਕਰ ਰਹੀ ਹੈ।