ਕੇਂਦਰ ਸਰਕਾਰ ਦੇ ਮੰਤਰੀਆਂ ਨਾਲ ਕਿਸਾਨਾਂ ਨੇ ਕੀ ਕਿਹਾ, ਪੜ੍ਹੋ ਵੇਰਵਾ
ਚੰਡੀਗੜ੍ਹ, 22 ਫਰਵਰੀ 2025- ਕਿਸਾਨਾਂ ਅਤੇ ਕੇਂਦਰ ਸਰਕਾਰ ਵਿਚਕਾਰ ਇੱਕ ਮਹੱਤਵਪੂਰਨ ਮੀਟਿੰਗ ਅੱਜ ਚੰਡੀਗੜ੍ਹ ਵਿੱਚ ਹੋਈ। ਪਰ ਇਹ ਮੀਟਿੰਗ ਵੀ ਪਿਛਲੀਆਂ ਮੀਟਿੰਗਾਂ ਵਿੱਚ ਕਿਸੇ ਠੋਸ ਨਤੀਜੇ ਤੇ ਨਹੀਂ ਪਹੁੰਚ ਸਕੀ। ਹਾਲਾਂਕਿ ਅਗਲੀ ਮੀਟਿੰਗ ਕੇਂਦਰ ਤੇ ਕਿਸਾਨਾਂ ਵਿਚਾਲੇ 19 ਮਾਰਚ ਨੂੰ ਹੋਵੇਗੀ। ਅੱਜ ਇਸ ਮੀਟਿੰਗ ਦੌਰਾਨ ਐਮਐਸਪੀ ਨੂੰ ਲੈ ਕੇ ਵਿਸ਼ੇਸ਼ ਚਰਚਾ ਹੋਈ।
ਮੀਟਿੰਗ ਤੋਂ ਬਾਅਦ ਕਿਸਾਨਾਂ ਨੇ ਕਿਹਾ ਕਿ ਸਰਕਾਰ ਨੂੰ ਕੁਝ ਡਾਟਾ ਸੌਂਪਿਆ ਹੈ ਅਤੇ ਕੁਝ ਹੋਰ ਡਾਟਾ ਅਗਲੇ ਦਿਨਾਂ ਵਿੱਚ ਸੌਂਪਣਗੇ। ਸਰਕਾਰ ਨੇ ਉਨ੍ਹਾਂ ਕੋਲੋਂ ਡਾਟੇ ਦਾ ਸੋਰਸ ਮੰਗਿਆ ਹੈ ਅਤੇ ਇਹ ਵੀ ਜਾਣਨ ਦੀ ਕੋਸ਼ਿਸ਼ ਕੀਤੀ ਹੈ ਕਿ ਕਿਹੜੀ ਫਸਲ ਦੀ ਕਿੰਨੀ ਖਰੀਦ ਹੁੰਦੀ ਹੈ ਅਤੇ ਕਿਵੇਂ ਹੁੰਦੀ ਹੈ ? ਇਸ ਦੇ ਨਾਲ ਹੀ ਸਰਕਾਰ ਨੇ ਇਸ ਡਾਟੇ ਦੀ ਪੜਚੋਲ ਲਈ ਸਮਾਂ ਮੰਗਿਆ ਹੈ ਇਸ ਕਰਕੇ ਅਗਲੀ ਮੀਟਿੰਗ ਕਰੀਬ ਇੱਕ ਮਹੀਨੇ ਬਾਅਦ 19 ਮਾਰਚ ਨੂੰ ਰੱਖੀ ਗਈ ਹੈ।