ਹੁਣ ਘਰ ਦੇ ਬਾਹਰ ਲੱਗੇ ਦੋਪਹੀਆ ਵਾਹਨ ਵੀ ਨਹੀਂ ਸੁਰੱਖਿਅਤ, ਦਿਨ ਦਿਹਾੜੇ ਘਰ ਦੇ ਬਾਹਰ ਲੱਗੀ ਸਕੂਟੀ ਚੋਰੀ
ਸੀਸੀਟੀਵੀ ਵੀ ਆਈ ਸਾਹਮਣੇ
ਰੋਹਿਤ ਗੁਪਤਾ
ਗੁਰਦਾਸਪੁਰ, 20 ਜਨਵਰੀ 2025-
ਮੋਟਰਸਾਈਕਲ ਅਤੇ ਸਕੂਟਰ ਚੋਰੀ ਦੀਆਂ ਘਟਨਾਵਾਂ ਲਗਾਤਾਰ ਵੱਧ ਰਹੀਆਂ ਹਨ। ਪਰ ਹੁਣ ਘਰਾਂ ਦੇ ਬਾਹਰ ਲੱਗੇ ਮੋਟਾ ਸਾਈਕਲ, ਸਕੂਟਰ ਵੀ ਸੁਰੱਖਿਅਤ ਨਹੀਂ ਹਨ। ਬਟਾਲਾ ਦੇ ਪੁਰੀਆਂ ਮੁਹੱਲੇ ਵਿੱਚ ਚਿੱਟੇ ਦਿਨ ਦੁਪਹਿਰ ਵੇਲੇ ਘਰ ਦੇ ਬਾਹਰ ਲੱਗੀ ਸਕੂਟੀ ਚੋਰ ਚੋਰੀ ਕਰਕੇ ਲੈ ਗਿਆ ਹਾਲਾਂਕਿ ਚੋਰੀ ਨਾਲ ਸੰਬੰਧਿਤ ਇੱਕ ਸੀਸੀਟੀਵੀ ਫੁਟੇਜ ਵੀ ਸਾਹਮਣੇ ਆਈ ਹੈ ਜਿਸ ਵਿੱਚ ਚੋਰ ਸਕੂਟੀ ਚੋਰੀ ਕਰਕੇ ਲੈ ਜਾਂਦਾ ਦਿਖ ਰਿਹਾ ਹੈ।
ਉੱਥੇ ਹੀ ਸਕੂਟੀ ਦੇ ਮਾਲਕ ਵਿਨੋਦ ਮਹਾਜਨ ਵਾਸੀ ਪੂਰੀਆਂ ਮੁਹੱਲਾ ਬਟਾਲਾ ਨੇ ਦੱਸਿਆ ਕਿ ਉਹ ਸਬਜ਼ੀ ਅਤੇ ਦੁੱਧ ਵਗੈਰਾ ਲੈ ਕੇ ਆਪਣੇ ਸਕੂਟੀ ਤੇ ਘਰ ਆਇਆ ਸੀ ਅਤੇ ਸਕੂਟੀ ਉਸਨੇ ਘਰ ਦੇ ਬਾਹਰ ਲਗਾ ਦਿੱਤੀ ਸੀ ਪਰ 15 ਮਿਨਟ ਬਾਅਦ ਜਦੋਂ ਉਹ ਫਿਰ ਬਾਹਰ ਆਇਆ ਤਾਂ ਉਸ ਦੀ ਸਕੂਟੀ ਉੱਥੇ ਨਹੀਂ ਸੀ । ਜਦੋਂ ਸੀਸੀਟੀਵੀ ਕੈਮਰੇ ਵਿੱਚ ਵੇਖਿਆ ਗਿਆ ਤਾਂ ਇੱਕ ਚੋਰ ਸਕੂਟੀ ਲੈ ਕੇ ਜਾਂਦਾ ਉਸ ਵਿੱਚ ਕੈਦ ਹੋਇਆ ਹੈ। ਉਸਨੇ ਦੱਸਿਆ ਕਿ ਘਟਨਾ ਢਾਈ ਵਜੇ ਦੇ ਕਰੀਬ ਦੁਪਹਿਰ ਬਾਅਦ ਦੀ ਹੈ ਜਿਸ ਦੀ ਸ਼ਿਕਾਇਤ ਥਾਣਾ ਸਿਟੀ ਬਟਾਲਾ ਨੂੰ ਦਰਜ ਕਰਵਾ ਦਿੱਤੀ ਗਈ ਹੈ।