ਸਿੱਖ ਇਤਿਹਾਸ ਬਣਾਉਣ 'ਚ ਬੀਬੀਆਂ ਦਾ ਵੱਡਾ ਯੋਗਦਾਨ/ਅਸੀਂ ਬੀਬੀਆ ਨੂੰ ਬਣਦਾ ਮਾਣ ਸਤਿਕਾਰ ਨਹੀਂ ਦੇ ਸਕੇ - ਸਿਮਰਨਜੀਤ ਸਿੰਘ ਮਾਨ (ਵੀਡੀਓ ਵੀ ਦੇਖੋ)
ਨਿਰਮਲ ਦੋਸਤ
ਰਾਏਕੋਟ/ਲੁਧਿਆਣਾ 09 ਮਾਰਚ 2025 - ਸ਼੍ਰੋਮਣੀ ਅਕਾਲੀ ਦਲ ਅੰਮ੍ਰਿਤਸਰ ਦੇ ਇਸਤਰੀ ਵਿੰਗ ਵੱਲੋਂ ਅੰਤਰ-ਰਾਸ਼ਟਰੀ ਵੂਮੈਨ ਡੇਅ 'ਤੇ ਸ਼੍ਰੀ ਗੁਰੂ ਨਾਨਕ ਦੇਵ ਭਵਨ ਲੁਧਿਆਣਾ ਵਿੱਚ " ਜਿਤ ਜੰਮਹਿ ਰਾਜਾਨ " ਵਿਸ਼ੇ ਤੇ ਸੈਮੀਨਾਰ ਕਰਵਾਇਆ ਗਿਆ।
ਇਸ ਮੌਕੇ ਆਪਣੇ ਕੁੰਜੀਵਤ ਭਾਸ਼ਣ ਵਿੱਚ ਡਾਕਟਰ ਹਰਸ਼ਿੰਦਰ ਕੌਰ ਨੇ ਸਿੱਖ ਇਤਿਹਾਸ ਵਿੱਚ ਸਿੱਖ ਬੀਬੀਆ ਤੋੰ ਇਲਾਵਾ ਹੋਰਨਾਂ ਧਰਮਾਂ ਵਿੱਚੋੰ ਬੀਬੀਆ ਨੇ ਮਨੁੱਖੀ ਅਧਿਕਾਰਾਂ ਦੀ ਰਾਖੀ ਕਰਦਿਆਂ, ਪ੍ਰਾਪਤ ਕੀਤੀਆ ਸ਼ਹਾਦਤਾਂ ਸਮੁੱਚੀ ਮਨੁੱਖਤਾ ਲਈ ਖਾਸ ਕਰਕੇ ਇਸਤਰੀਆ ਲਈ ਚਾਨਣ ਮੁਨਾਰਾ ਹਨ, ਪਰ ਸਾਨੂੰ ਬੀਬੀ ਭਾਗੋ, ਬੀਬੀ ਹਰਸ਼ਰਨ ਕੌਰ, ਬੀਬੀ ਭਾਨੀ, ਮਾਤਾ ਗੁਜਰ ਕੌਰ, ਬੀਬੀ ਖੀਵੀ ਅਤੇ ਮਾਤਾ ਸੁੰਦਰੀ ਦੇ ਬਹਾਦਰੀ ਭਰੇ ਇਤਿਹਾਸ ਦੀਆ ਬਾਤਾਂ ਪਾਕੇ ਸਟੇਜਾਂ ਤੋੰ ਉੱਠਕੇ ਘਰਾਂ ਨੂੰ ਚਲੇ ਜਾਣ ਦੀ ਰਵਾਇਤ ਨੂੰ ਤੋਣਨਾ ਪਵੇਗਾ।ਇਹ ਵੀ ਸੋਚਣਾ ਪਵੇਗਾ ਕਿ ਉਸ ਬਾਅਦ ਕੀ ਉਸ ਤੋੰ ਬਾਅਦ ਕੁੱਝ ਵਾਪਰਿਆ ਨਹੀਂ ? ਅੱਜ ਬੀਬੀਆਂ ਨਾਲ ਸੰਸਾਰ ਭਰ ਵਿੱਚ ਜੋਂ ਕੁੱਝ ਵਾਪਰ ਰਿਹਾ ਹੈ ਉਹ ਸਭ ਕੁੱਝ ਸਾਨੂੰ ਨਜ਼ਰ ਨਹੀਂ ਆਉਂਦਾ, ਸਾਇਦ ਸਾਡਾ ਖੂਨ ਠੰਡਾ ਹੋ ਗਿਆ ਹੈ ਅਸੀ ਜਮੀਰਾਂ ਮਾਰ ਲਈਆ ਹਨ।
ਵੀਡੀਓ ਦੇਖਣ ਲਈ ਹੇਠਾਂ ਦਿੱਤੇ ਲਿੰਕ ‘ਤੇ ਕਲਿੱਕ ਕਰੋ……..
https://www.facebook.com/BabushahiDotCom/videos/664773509303660
ਇਸ ਦੀ ਉਦਾਹਰਨ ਦਿੰਦਿਆਂ ਡਾ. ਹਰਸ਼ਿੰਦਰ ਕੌਰ ਨੇ ਅੱਗੇ ਕਿਹਾ ਕਿ ਲੁਧਿਆਣਾ ਸ਼ਹਿਰ ਵਿੱਚ ਪ੍ਰਵਾਸੀਆਂ ਵਲੋੰ ਸਾਡੀਆਂ ਬੱਚੀਆਂ ਨੂੰ ਸਮੂਹਿਕ ਜਬਰ ਜਿਨਾਹ ਕਰਨ ਤੋਂ ਬਾਅਦ ਮੌਤ ਦੇ ਘਾਟ ਉਤਾਰਨ ਦੀਆ ਅਨੇਕਾਂ ਘਟਨਾਵਾਂ ਵਾਪਰੀਆਂ, ਪਰ ਅਫ਼ਸੋਸ ਕਿ ਅਸੀਂ ਸੜਕਾਂ 'ਤੇ ਨਹੀਂ ਆਏ।ਕਿਸੇ ਸਿਆਸੀ ਜਾਂ ਧਾਰਮਿਕ ਪਾਰਟੀ ਨੇ ਮੂੰਹ ਨਹੀਂ ਖੋਲ੍ਹਿਆ।ਇਸ ਤੋਂ ਸਪੱਸ਼ਟ ਹੈ ਕਿ ਗੂਰੂ ਇਤਿਹਾਸ ਅਤੇ ਸਿੱਖ ਬੀਬੀਆ ਦੇ ਦਲੇਰੀ ਭਰੇ ਕਾਰਨਾਮਿਆਂ ਤੋਂ ਕੁੱਝ ਸਿੱਖਿਆ ਨਹੀਂ। ਅੱਜ ਲੋੜ ਹੈ ਔਰਤਾਂ ਨੂੰ ਆਪਣੇ ਬਰਬਰੀ ਦੇ ਅਧਿਕਾਰਾਂ,ਹੱਕਾਂ ਅਤੇ ਫਰਜ਼ਾਂ ਪ੍ਰਤੀ ਘਰਾਂ ਦੀਆ ਵਲਗਣਾਂ ਵਿੱਚੋ ਬਾਹਰ ਆਕੇ ਨਵੇਂ ਸਮਾਜ ਦੀ ਸਿਰਜਣਾ ਕਰਨ ਦੀ। ਸਿੱਖ ਧਰਮ ਦੇ ਬਾਨੀ ਗੂਰੂ ਨਾਨਕ ਸਾਹਿਬ ਦੇ ਔਰਤਾਂ ਦੀ ਬਰਾਬਰੀ ਦੇ ਸੰਕਲਪ ਲਈ " ਜਿਤ ਜੰਮਹਿ ਰਾਜਾਨ " ਜਿਸ ਬੈਨਰ ਹੇਠ ਇਹ ਸੈਮੀਨਾਰ ਕਰਵਾਇਆ ਜਾਂ ਰਿਹਾ ਹੈ, ਇਸ ਲਈ ਪ੍ਰਬੰਧਕਾਂ ਦੀ ਰਿਣੀ ਹਾਂ, ਸੋ ਸਿੱਖ ਧਰਮ ਵਿੱਚ ਆਏ ਵਿਗਾੜਾ, ਔਰਤਾਂ ਨੂੰ ਰੂੜੀਵਾਦੀ ਸੋਚ ਦਾ ਤਿਆਗ ਕਰਨਾ, ਅਤਿਆਚਾਰਾਂ ਅਤੇ ਸਮਾਜਿਕ ਕੁਰੀਤੀਆਂ ਨੂੰ ਖਤਮ ਲਈ ਚੰਗਾ ਪੜਨਾਂ, ਲਿਖਣਾ ਪਵੇਗਾ ,ਜਿਸ ਨਾਲ ਚੰਗੇ ਸਮਾਜ ਦੀ ਸਥਾਪਨਾ ਹੋ ਸਕੇ।
ਇਸ ਮੌਕੇ ਬੀਬੀ ਸੰਦੀਪ ਕੌਰ ਨੇ ਆਪਣੇ ਵਿਚਾਰ ਪ੍ਰਗਟ ਕਰਦਿਆ ਕਿਹਾ ਕਿ ਮੌਜੂਦਾ ਸੰਘਰਸ਼ ਵਿੱਚ ਹਕੂਮਤੀ ਜਬਰ ਸਮੇਂ ਸਿੱਖ ਬੀਬੀਆਂ ਨੇ ਜੋਂ ਆਪਣੇ ਤਨ ਤੇ ਹੰਢਾਇਆ ਉਸ ਨੂੰ ਸ਼ਬਦਾਂ ਵਿੱਚ ਬਿਆਨ ਕਰਨਾ ਬਹੁਤ ਔਖਾ ਹੈ ਮੈਂ ਇਸ ਸਾਰੇ ਸੰਤਾਪ ਨੂੰ ਬੜਾ ਨੇੜੇ ਤੋੰ ਤੱਕਿਆ ਤੇ ਇਸ ਵਿਚ ਗੁਰੂ ਦੀ ਰਹਿਮਤ ਸਦਕਾ ਬਣਦਾ ਯੋਗਦਾਨ ਵੀ ਪਾਇਆ, ਜੋ ਸਮੇਂ ਦੀਆ ਹਕੂਮਤਾਂ ਨੇ ਕੀਤਾ ਤੇ ਕਰ ਰਹੀਆ ਹਨ ਇਹ ਸਾਡੇ ਲਈ ਅਚੰਭੇ ਵਾਲੀ ਗੱਲ ਨਹੀਂ ਕਿਉਕਿ ਮੀਰਮੰਨੂੰ , ਜਕਰੀਆਂ ਖਾਨ, ਔਰੰਗਜੇਬ ਆਦਿ ਨੇ ਸਾਡੇ ਨਾਲ ਕੀਤਾ ਹੈ ਉਹੀ ਰੂਪ ਵਿੱਚ ਕੇ.ਪੀ ਐਸ.ਗਿੱਲ, ਬੇਅੰਤ ਸਿੰਘ ਸਵ. ਮੁੱਖ ਮੰਤਰੀ , ਸੁਮੇਧ ਸੈਣੀ, ਸਵਰਨ ਘੋਟਣਾ ,ਗੋਬਿੰਦ ਰਾਮ, ਸੰਤ ਕੁਮਾਰ ਆਦਿ ਨੇ ਜੋ ਸਿੱਖ ਕੌਮ ਨਾਲ ਕੀਤਾ ਉਹ ਸਿੱਖ ਇਤਿਹਾਸ ਬੜਾ ਗੌਰਵਮਈ ਅਤੇ ਬਹਾਦਰੀਆਂ ਦੀ ਦਾਸਤਾਨ ਹੈ ।ਇਸ ਵਿੱਚ ਸਿੱਖ ਬੀਬੀਆਂ ਦਾ ਵੱਡਾ ਯੋਗਦਾਨ ਰਿਹਾ ਹੈ।
ਸ਼੍ਰੋਮਣੀ ਅਕਾਲੀ ਦਲ ਅਮ੍ਰਿਤਸਰ ਦੇ ਪ੍ਰਧਾਨ ਅਤੇ ਸਾਬਕਾ ਐਮ.ਪੀ ਸ. ਸਿਮਰਨਜੀਤ ਸਿੰਘ ਮਾਨ ਨੇ ਕਿਹਾ ਕਿ ਗੁਰੂ ਕਾਲ ਤੋਂ ਲੈ ਕੇ ਕੌਮੀ ਮੁਫਾਦਾਂ, ਇੱਜਤ, ਅਣਖ, ਗੈਰਤ ਅਤੇ ਆਪਣੀ ਹੋਂਦ ਲਈ ਜਿਥੇ ਮਰਦਾਂ ਨੇ ਹਿੱਕਾਂ ਡਾਹਕੇ ਜਬਰ ਦਾ ਮੁਕਾਬਲਾ ਸਥਰ ਨਾਲ ਕੀਤਾ, ਉੱਥੇ ਸਾਡੀਆਂ ਬੀਬੀਆ ਨੇ ਵੀ ਹਰ ਤਰਾਂ ਦਾ ਸਹਿਯੋਗ ਕੀਤਾ, ਗੁਰੂ ਕੇ ਬਾਗ ਦਾ ਮੋਰਚਾ, ਜੈਤੋਂ ਦਾ ਮੋਰਚਾ, ਧਰਮ-ਮੋਰਚਾ ਆਦਿ ਜਦੋੰ ਪੰਥ ਜਾਂ ਕੌਮ ਨੂੰ ਲੋੜ ਪਈ ਤਾਂ ਬੀਬੀਆ ਨੇ ਵੱਡੀਆਂ ਕੁਰਬਾਨੀਆਂ ਕਰਕੇ ਇਤਿਹਾਸ ਰਚਿਆ, ਪਰ ਦੁੱਖ ਤੇ ਅਫਸੋਸ ਹੈ ਕਿ ਅਸੀਂ ਬੀਬੀਆ ਨੂੰ ਬਣਦਾ ਮਾਣ ਸਤਿਕਾਰ ਨਹੀਂ ਦੇ ਸਕੇ। ਸ. ਮਾਨ ਨੇ ਅੱਗੇ ਆਖਿਆ ਕਿ 1947 ਸੰਤਾਲੀ ਦੀ ਵੰਡ ਮੌਕੇ ਜੋ ਸੰਤਾਪ ਸਾਡੀਆਂ ਬੀਬੀਆ ਨੇ ਭੋਗਿਆ ਉਸ ਨੂੰ ਸ਼ਬਦਾਂ ਵਿੱਚ ਬਿਆਨ ਕਰ ਨਹੀਂ ਸਕਦੇ। ਆਪਣੀਆ ਇੱਜਤਾਂ ਬਚਾਉਣ ਲਈ ਬਹੁਗਿਣਤੀ ਬੀਬੀਆਂ ਜ਼ਾਬਰਾਂ ਨਾਲ ਜੁੂਝਕੇ ਸ਼ਹੀਦੀਆਂ ਦੇ ਗਈਆਂ। ਬੇਵੱਸ ਬੀਬੀਆਂ ਨੇ ਆਪਣੀ ਆਬਰੂ ਬਚਾਉਣ ਲਈ ਖੂਹਾਂ ਵਿੱਚ ਛਾਲਾਂ ਮਾਰੀਆਂ ਕਈਆਂ ਮਾਵਾਂ ਭੈਣਾਂ ਨੇ ਆਪਣੇ ਸਿਰ ਸੁਹਾਗ ਜਾਂ ਢਿੱਡੋਂ ਜਾਏ ਆਪਣੀਆਂ ਅੱਖਾਂ ਸਾਹਮਣੇ ਮਰਦੇ ਦੇਖੇ ਅਤੇ ਹਜਾਰਾਂ ਦੀ ਤਦਾਦ ਵਿੱਚ ਜਬਰ ਜਿਨਾਹ ਦਾ ਸ਼ਿਕਾਰ ਹੋਕੇ ਦਿਨ ਕਟੀ ਕਰਨ ਲਈ ਮਜਬੂਰ ਹੋਈਆ। 1984 ਵਿੱਚ ਜੋ ਹਿੰਦ ਹਕੂਮਤ ਨੇ ਬਰਤਾਨੀਆ, ਇਜ਼ਰਾਈਲ ਅਤੇ ਸੋਵੀਅਤ ਯੂਨੀਅਨ ਵਰਗੀਆਂ ਤਾਕਤਾਂ ਨੇ ਸਟੇਟ ਲੈਂਸ ਸਿੱਖ ਕੌਮ ਤੇ ਫ਼ੌਜੀ ਹਮਲਾਂ ਕਰਕੇ ਕੌਮ ਦੇ ਮੁਕੱਦਸ ਧਰਮ ਅਸਥਾਨ ਸ਼੍ਰੀ ਦਰਬਾਰ ਸਾਹਿਬ ਅੰਮ੍ਰਿਤਸਰ ਅਤੇ ਸ਼੍ਰੀ ਅਕਾਲ ਤਖਤ ਸਾਹਿਬ ਨੂੰ ਢਹਿ ਢੇਰੀ ਕਰਕੇ ਸਿੱਖ ਕੌਮ ਨੂੰ ਗੁਲਾਮ ਹੋਣ ਦਾ ਅਹਿਸਾਸ ਕਰਵਾਇਆ, ਹਜ਼ਾਰਾਂ ਦੀ ਗਿਣਤੀ ਸ਼ਰਧਾਲੂ ਸਿੰਘ ਬੀਬੀਆ, ਬਜੁਰਗਾ, ਬੱਚਿਆ ਅਤੇ ਸਿੱਖ ਨੌਜਵਾਨਾਂ ਨੂੰ ਸ਼ਹੀਦ ਕਰ ਦਿੱਤਾ, ਜੋ ਜਬਰ ਜੁਲਮ ਸਾਡੇ ਉਤੇ ਹੋਇਆ, ਤਸੀਹੇ ਕੇਂਦਰਾਂ ਵਿੱਚ ਅਲਫ ਨੰਗੇ ਕਰਕੇ ਬੀਬੀਆ ਤੇ ਹੋਏ ਜੁਲਮ ਬਾਰੇ ਬੋਲਣਾ ਬਹੁਤ ਔਖਾ ਹੈ। ਝੂਠੇ ਪੁਲਿਸ ਮੁਕਾਬਲਿਆਂ ਰਾਹੀ ਸ਼ਹੀਦ ਕੀਤੇ ਪੁੱਤਰਾਂ ਦੀਆ ਲਾਸਾਂ ਨਾਲ ਹੋਈ ਖਜਲ ਖੁਆਰੀ ਅਤੇ ਵੱਡੀ ਗਿਣਤੀ ਵਿੱਚ ਆਪਣੇ ਮੋਏ ਪੁੱਤਰਾਂ ਦੇ ਮੁੱੜ ਆਉਣ ਦੀ ਉਡੀਕ ਵਿਚ ਇਸ ਦੁਨੀਆ ਤੋਂ ਰੁਖ਼ਸਤ ਹੋ ਗਈਆਂ ਅਤੇ ਕੁੱਝ ਪੁੱਤਰਾਂ ਦੇ ਵਿਰਲਾਪ ਵਿੱਚ ਅੱਖਾਂ ਦੀ ਜੋਤਿ ਗਵਾਕੇ ਨਰਕਾਂ ਭਰੀ ਜ਼ਿੰਦਗੀ ਜਿਉਣ ਲਈ ਮਜਬੂਰ ਹਨ। ਅੱਜ ਵੀ ਬੀਬੀਆਂ ਉੱਤੇ ਜ਼ਬਰ ਜ਼ਿਨਾਹ ਜਾਂ ਹੋਰ ਜ਼ੁਲਮ ਰੁਕੇ ਨਹੀਂ ਪ੍ਰੰਤੂ ਸਰਕਾਰਾਂ ਇਸ ਦਿਨ ਤੇ ਫੋਕੇ ਐਲਾਨ ਕਰਕੇ ਲੋਕਾਂ ਦੇ ਅੱਖੀਂ ਘੱਟਾ ਪਾਉਂਦੀਆਂ ਹਨ ਇਸ ਲਈ ਮੇਰੀ ਸਿੱਖ ਬੀਬੀਆਂ ਅਤੇ ਸੰਸਾਰ ਭਰ ਦੀਆਂ ਬੀਬੀਆਂ ਨੂੰ ਅਪੀਲ ਹੈ ਕਿ ਸਿੱਖ ਰਾਜ ਦਾ ਇਤਿਹਾਸ ਪੜ੍ਹੋ ਜਿਸ ਵਿੱਚ ਬੀਬੀਆਂ ਨੂੰ ਸਤਿਕਾਰ ਅਤੇ ਸੁਰੱਖਿਆ ਲਾਮਿਸਾਲ ਮਿਲੀ ਸੀ ਇਸ ਕਰਕੇ ਹੀ ਮੈਂ ਅਤੇ ਮੇਰੀ ਪਾਰਟੀ ਲਗਾਤਾਰ ਸਿੱਖ ਰਾਜ ਨੂੰ ਮੁੜ ਸਥਾਪਤ ਕਰਨ ਲਈ ਯਤਨ ਕਰ ਰਹੇ ਹਾਂ ਤਾਂ ਕਿ ਜਿੱਥੇ ਹੋਰ ਮਸਲਿਆਂ ਦਾ ਹੱਲ ਹੋਵੇਗਾ ਉੱਥੇ ਬੀਬੀਆਂ ਦੀ ਸੁਰੱਖਿਆ ਅਤੇ ਆਜ਼ਾਦੀ ਦੀ ਗਰੰਟੀ ਵੀ ਹੋਵੇਗੀ।
ਸਾਬਕਾ ਮੈਂਬਰ ਪਾਰਲੀਮੈਂਟ ਸ੍ਰ.ਸਿਮਰਨਜੀਤ ਸਿੰਘ ਮਾਨ ਨੇ ਕਿਹਾ ਕਿ ਬੀਤੇ ਸਮੇਂ ਵਿੱਚ ਸਿੱਖ ਆਜ਼ਾਦੀ ਲਈ ਬੀਬੀਆਂ ਨੇ ਆਪਣੇ ਪੁੱਤਰਾਂ ਦੀਆਂ ਸ਼ਹਾਦਤਾਂ ਦਿੱਤੀਆਂ ਹਨ ਅਤੇ ਹੁਣ ਵੀ ਇਹਨਾਂ ਬੀਬੀਆਂ ਨੂੰ ਆਪਣੇ ਢੰਗ ਨਾਲ ਬਣਦਾ ਯੋਗਦਾਨ ਪਾਉਣਾ ਚਾਹੀਦਾ ਹੈ ਸ.ਮਾਨ ਨੇ ਕਿਹਾ ਕਿ ਸਮੁੱਚੇ ਇੰਡੀਆ ਵਿੱਚ ਰੰਘਰੇਟੇ ਸਿੱਖਾਂ, ਮੁਸਲਮਾਨ ਅਤੇ ਇਸਾਈ ਪ੍ਰਚਾਰਕ ਬੀਬੀਆ ਨਾਲ ਲੰਮੇ ਸਮੇੰ ਤੋੰ ਵਾਪਰ ਰਿਹਾ ਹੈ ਉਸ ਜਬਰ ਜੁਲਮ ਦੇ ਖਿਲਾਫ ਇਕੱਠੇ ਹੋਕੇ ਲੜਨਾ ਪੈਣਾ ਹੈ
ਇਸ ਮੌਕੇ ਪਾਰਟੀ ਦੇ ਕਾਰਜਾਕਰੀ ਪ੍ਰਧਾਨ ਸ਼ ਈਮਾਨ ਸਿੰਘ ਮਾਨ ਨੇ ਵੀ ਵਿਚਾਰ ਪ੍ਰਗਟ ਕੀਤੇ। ਹੋਰਨਾਂ ਤੋਂ ਇਲਾਵਾ ਪਾਰਟੀ ਦੇ ਸੀਨੀਅਰ ਆਗੂ, ਜਿਲਾਂ ਪ੍ਰਧਾਨ, ਯੂਥ ਆਗੂ,ਇਸਤਰੀ ਵਿੰਗ ਦੇ ਪ੍ਰਧਾਨ ਬੀਬੀ ਰਾਜਿੰਦਰ ਕੌਰ ਜੈਤੋਂ, ਰੁਪਿੰਦਰ ਕੌਰ ਗਿੱਲ ਅੰਮ੍ਰਿਤਸਰ, ਸਿਮਰਜੀਤ ਕੌਰ ਬਠਿੰਡਾ, ਬੀਬੀ ਬਲਜੀਤ ਕੌਰ ਖਾਲਸਾ ਸੰਗਰੂਰ, ਬੀਬੀ ਹਰਦੀਪ ਕੌਰ ਬਰਨਾਲਾ, ਬੀਬੀ ਹਰਪਾਲ ਕੌਰ, ਬੀਬੀ ਮਨਪ੍ਰੀਤ ਕੌਰ ਮੰਨਤ ਮਾਲੇਰਕੋਟਲਾ, ਬੀਬੀ ਸਿੰਦਰ ਕੌਰ, ਬੀਬੀ ਧਰਿੰਦਰ ਕੌਰ ਪਟਿਆਲਾ, ਬੀਬੀ ਰਾਜਵਿੰਦਰ ਕੌਰ ਕੰਦੋਲਾ ਜਲੰਧਰ,ਪ੍ਰਿਸੀਪਲ ਦਵਿੰਦਰ ਕੌਰ, ਬੀਬੀ ਹਰਮੀਤ ਕੌਰ, ਬੀਬੀ ਸੁਖਜੀਤ ਕੌਰ ਫਗਵਾੜਾ,ਬੀਬੀ ਕਲਵੰਤ ਕੌਰ ਗੁਰਦਾਸਪੁਰ,ਬੀਬੀ ਹਰਪਾਲ ਕੌਰ ਮੁਕਤਸਰ, ਬੀਬੀ ਮਨਜੀਤ ਕੌਰ ਗਗੜਾ,ਬੀਬੀ ਰਾਜਵਿੰਦਰ ਕੌਰ ਹੁਸਿਆਰਪੁਰ, ਬੀਬੀ ਮਨਜੀਤ ਕੌਰ ਗਰੇਵਾਲ, ਬੀਬੀ ਨਰਿੰਦਰ ਕੌਰ, ਗੁਰਮੀਤ ਕੌਰ, ਪਰੀਤ ਧਨੋਆ, ਸੁਖਜੀਤ ਕੌਰ ਦੁੱਗਰੀ, ਐਡਵੋਕੇਟ ਤ੍ਰਿਪਤਾ ਬਰਮੋਤਾ, ਬਲਵਿੰਦਰ ਕੌਰ ਪੰਧੇਰ, ਇਕਬਾਲ ਸਿੰਘ ਪੁੜੈਣ, ਜਸਵੰਤ ਕੌਰ ਗਰੇਵਾਲ, ਸਤਵਿੰਦਰ ਸਿੰਘ ਘੁੱਗ, ਹਰਵਿੰਦਰ ਥਰੀਕੇ, ਸੋਨੀ ਰਾਣੀ ਰਾਏਕੋਟ, ਕੁਲਵਿੰਦਰ ਕੌਰ, ਧਰਮਿੰਦਰ ਸਿੰਘ ਮੁੱਲਾਂਪੁਰ, ਪ੍ਰਵੀਨ ਕੌਰ ਸਿੱਧੂ, ਕੁਲਦੀਪ ਕੌਰ ਸਚਦੇਵਾ, ਕਿਰਨ ਸ਼ਰਮਾ, ਬੀ.ਕੇ ਜੀਤ, ਜਸਬੀਰ ਕੌਰ, ਸੁਰਿੰਦਰ ਕੌਰ ਆਦਿ ਵੱਡੀ ਗਿਣਤੀ ਵਿੱਚ ਹਾਜ਼ਰ ਸਨ। ਸਟੇਜ ਦੀ ਜੁੰਮੇਵਾਰੀ ਬੀਬੀ ਮਨਦੀਪ ਕੌਰ ਸੰਧੂ ਨੇ ਬਾਖੂਬੀ ਨਿਭਾਈ, ਇਸ ਸੈਮੀਨਾਰ ਦਾ ਪ੍ਰਬੰਧ ਪਾਰਟੀ ਦੇ ਜਨਰਲ ਸਕੱਤਰ ਗੁਰਜੰਟ ਸਿੰਘ ਕੱਟੂ, ਨਵਦੀਪ ਕੁਮਾਰ ਗੋਪੀ ਅਤੇ ਜਥੇਦਾਰ ਪ੍ਰੀਤਮ ਸਿੰਘ ਮਾਨਗੜ੍ਹ ਨੇ ਕੀਤਾ।