ਗੁਰਦਾਸਪੁਰ 'ਚ ਵੱਡਾ ਸੜਕ ਹਾਦਸਾ! 3 ਲੋਕਾਂ ਦੀ ਮੌਤ- 6 ਗੰਭੀਰ ਜ਼ਖ਼ਮੀ
ਪਰਾਲੀ ਢੋਣ ਵਾਲੀ ਟਰਾਲੀ 'ਚ ਵੱਜੀਆਂ ਦੋ ਗੱਡੀਆਂ
ਤਿੰਨ ਵਿਅਕਤੀਆਂ ਦੀ ਮੌਕੇ ਤੇ ਹੋਈ ਮੌਤ, 6 ਗੰਭੀਰ ਜ਼ਖਮੀ ...ਮਰਨ ਵਾਲੇ ਵਿਅਕਤੀਆਂ ਚ ਦੋ ਸਕੇ ਸਾਂਢੂ
ਰੋਹਿਤ ਗੁਪਤਾ
ਗੁਰਦਾਸਪੁਰ , 6 ਮਾਰਚ 2025 - ਬਟਾਲਾ ਦੇ ਨੇੜਲੇ ਪਿੰਡ ਸੇਖਵਾਂ ਨਜਦੀਕ ਦੀਆਂ ਪਰਾਲੀ ਗੱਠਾਂ ਢੋਣ ਵਾਲੀ ਟਰਾਲੀ ਦੇ ਨਾਲ ਦੋ ਕਾਰਾਂ ਵੱਜਣ ਨਾਲ ਪਲਟ ਗਈਆਂ । ਹਾਦਸਾ ਇਨ੍ਹਾਂ ਭਿਆਨਕ ਸੀ ਜਿਸ ਕਰਕੇ ਕਾਰਾਂ ਬੁਰੀ ਤਰਾਂ ਨਾਲ ਨੁਕਸਾਨੀਆਂ ਗਈਆਂ ਹਨ ਇਸ ਹਾਦਸੇ ਚ ਕਾਰ ਸਵਾਰ ਤਿੰਨ ਵਿਅਕਤੀਆਂ ਦੀ ਮੌਕੇ ਤੇ ਹੀ ਮੌਤ ਹੋ ਗਈ ਹੈ ਜਦਕਿ ਇਸ ਹਾਦਸੇ ਦੇ ਵਿੱਚ ਛੇ ਵਿਅਕਤੀ ਗੰਭੀਰ ਰੂਪ ਚ ਜ਼ਖਮੀ ਹੋ ਗਏ ਹਨ। ਮਰਨ ਵਾਲੇ ਵਿਅਕਤੀਆਂ ਵਿੱਚ ਦੋ ਸਕੇ ਸਾਂਡੂ ਹਨ।ਮ੍ਰਿਤਕ ਸੁਰਜੀਤ ਸਿੰਘ ਵਾਸੀ ਪਿਡ ਪੰਜ ਗਰਾਈਆਂ 17 ਸਾਲ ਬਾਅਦ ਆਪਣੇ ਘਰ ਆਇਆ ਸੀ ਅਤੇ ਉਸਨੇ ਅੱਜ ਅਮਰੀਕਾ ਵਾਪਸ ਜਾਣਾ ਸੀ ।