ਰਾਜਨੀਤੀ ਵਿੱਚ ਵਿਰੋਧੀ ਧਿਰ ਦੀ ਭੂਮਿਕਾ ......!

ਰਾਜਨੀਤੀ ਇੱਕ ਐਹੋ ਜਿਹੀ ਪ੍ਰਕਿਰਿਆ ਹੈ, ਜਿਸ ਵਿੱਚ ਸਰਕਾਰ ਬਣਾਉਣ ਅਤੇ ਦੇਸ਼ ਦਾ ਵਿਕਾਸ ਕਰਵਾਉਣ ਲਈ ਵਿਭਿੰਨ ਧਿਰਾਂ ਦਾ ਯੋਗਦਾਨ ਹੁੰਦਾ ਹੈ। ਇਸ ਪੂਰੀ ਪ੍ਰਕਿਰਿਆ ਵਿੱਚ ਵਿਰੋਧੀ ਧਿਰ ਦੀ ਇੱਕ ਬਹੁਤ ਮਹੱਤਵਪੂਰਨ ਅਤੇ ਲਾਜ਼ਮੀ ਭੂਮਿਕਾ ਹੁੰਦੀ ਹੈ। ਜਦੋਂਕਿ ਸਰਕਾਰ ਨੀਤੀ ਰਚਦੀ ਅਤੇ ਕਾਰਜਾਂ ਨੂੰ ਅੰਜ਼ਾਮ ਤੱਕ ਪਹੁੰਚਾਉਂਦੀ ਹੈ, ਤਦੋਂ ਵਿਰੋਧੀ ਧਿਰ ਇਸ ਦੇ ਇੱਕ ਸਧਾਰਨ ਅਤੇ ਲੋਕਤੰਤਰਕ ਖੰਭ ਵਜੋਂ ਕੰਮ ਕਰਦਾ ਹੈ। ਦੇਸ਼ ਦੀ ਤਰੱਕੀ, ਜਨਤਕ ਹਿੱਤ, ਅਤੇ ਸਹੀ ਨਿਰਣਿਆਂ ਦੀ ਪ੍ਰਕਿਰਿਆ ਨੂੰ ਬਰਕਰਾਰ ਰੱਖਣ ਲਈ ਇੱਕ ਕਸਰਤ ਯੋਗ ਵਿਰੋਧੀ ਧਿਰ ਜਰੂਰੀ ਹੈ। ਵਿਰੋਧੀ ਧਿਰ ਕਿਸੇ ਵੀ ਲੋਕਤੰਤਰਕ ਸਿਸਟਮ ਦੀ ਰੀੜ੍ਹ ਦੀ ਹੱਡੀ ਵਾਂਗ ਹੁੰਦਾ ਹੈ, ਕਿਉਂਕਿ ਇਹ ਰਾਜਨੀਤਿਕ ਸੰਤੁਲਨ ਬਣਾਉਣ ਵਿੱਚ ਸਹਾਇਕ ਸਾਬਤ ਹੁੰਦਾ ਹੈ। ਜਦੋਂ ਸਰਕਾਰ ਕਿਸੇ ਵੀ ਨੀਤੀ ਨੂੰ ਅੰਜ਼ਾਮ ਦੇਣ ਲਈ ਫੈਸਲਾ ਕਰਦੀ ਹੈ, ਤਾਂ ਵਿਰੋਧੀ ਧਿਰ ਦਾ ਕੰਮ ਹੁੰਦਾ ਹੈ ਕਿ ਉਹ ਸਰਕਾਰ ਦੇ ਤਾਨਾਸ਼ਾਹ ਫੈਸਲਿਆਂ ਨੂੰ ਸੰਭਾਵਿਤ ਤੌਰ 'ਤੇ ਚੁਨੌਤੀ ਦੇਵੇ ਅਤੇ ਉਸ ਦੇ ਨੁਕਸਾਨ ਦੇ ਹਵਾਲੇ ਪੇਸ਼ ਕਰੇ। ਇਸਦੇ ਨਾਲ ਨਾਲ, ਜਦੋਂ ਸਰਕਾਰ ਨੂੰ ਸਹੀ ਰਸਤਾ ਨਹੀਂ ਪਤਾ ਲੱਗਦਾ, ਵਿਰੋਧੀ ਧਿਰ ਦੀ ਭੂਮਿਕਾ ਹੁੰਦੀ ਹੈ ਕਿ ਉਹ ਸਰਕਾਰ ਨੂੰ ਸਹਿਯੋਗ ਰਾਹੀਂ ਸਹੀ ਰਸਤਾ ਵਿਖਾਏ। ਦੇਸ਼ ਦੇ ਮੌਜੂਦਾ ਹਲਾਤਾਂ ਵਿੱਚ ਜਿਵੇਂ ਵਿਰੋਧੀ ਧਿਰ ਹਰ ਗੱਲ 'ਤੇ ਵਿਰੋਧ ਜਾਂ ਵਿਧਰੋਹ ਕਰ ਰਹੀ ਹੈ, ਉਹਨਾਂ ਗੱਲਾਂ ਨੂੰ ਮੱਦੇਨਜ਼ਰ ਰੱਖਦੇ ਹੋਏ ਵਿਚਾਰ ਲਿਖੇ ਜਰ ਰਹੇ ਹਨ।

ਵਿਰੋਧੀ ਧਿਰ ਦਾ ਸਭ ਤੋਂ ਵੱਡਾ ਕੰਮ ਇਹ ਹੁੰਦਾ ਹੈ ਕਿ ਉਹ ਸਰਕਾਰ ਦੀਆਂ ਨੀਤੀਆਂ ਦੀ ਸਮੀਖਿਆ ਕਰੇ ਅਤੇ ਇਹ ਸੁਨਿਸ਼ਚਿਤ ਕਰੇ ਕਿ ਸਰਕਾਰ ਦੇ ਕਦਮ ਲੋਕਤੰਤਰ ਦੇ ਆਦਰਸ਼ਾਂ ਅਨੁਸਾਰ ਹਨ ਜਾਂ ਨਹੀਂ। ਇਹ ਸਰਕਾਰ ਨੂੰ ਜਵਾਬਦੇਹ ਬਣਾਉਣ ਵਿੱਚ ਸਹਾਇਕ ਹੁੰਦਾ ਹੈ। ਜਦੋਂ ਸਰਕਾਰ ਦੇ ਕੋਲ ਵਿਰੋਧੀ ਧਿਰ ਦੀ ਇੱਕ ਮਜ਼ਬੂਤ ਮੌਜੂਦਗੀ ਹੁੰਦੀ ਹੈ, ਤਾਂ ਉਹ ਆਪਣੇ ਹਰ ਫੈਸਲੇ ਲਈ ਜਵਾਬਦੇਹ ਹੁੰਦੀ ਹੈ ਅਤੇ ਜਨਤਕ ਹਿੱਤ ਨੂੰ ਨਜ਼ਰਅੰਦਾਜ਼ ਨਹੀਂ ਕਰ ਸਕਦੀ। ਇਸ ਤਰ੍ਹਾਂ, ਵਿਰੋਧੀ ਧਿਰ ਇੱਕ ਵਰਚੂਅਲ ਨਿਗਰਾਨੀ ਸਿਸਟਮ ਵਜੋਂ ਕੰਮ ਕਰਦਾ ਹੈ, ਜੋ ਸਾਫ ਸੁਥਰੀ ਰਾਜਨੀਤੀ ਦੀ ਸਥਾਪਨਾ ਵਿੱਚ ਯੋਗਦਾਨ ਪਾਉਂਦਾ ਹੈ। ਵਿਰੋਧੀ ਧਿਰ ਦਾ ਹੋਰ ਇੱਕ ਮਹੱਤਵਪੂਰਨ ਕੰਮ ਇਹ ਵੀ ਹੈ ਕਿ ਉਹ ਨਵੀਆਂ ਨੀਤੀਆਂ ਲਈ ਚਰਚਾ ਦੀਆਂ ਸੰਭਾਵਨਾਵਾਂ ਪੈਦਾ ਕਰੇ। ਸਰਕਾਰ ਦੀਆਂ ਗਲਤ ਨੀਤੀਆਂ ਦੇ ਖਿਲਾਫ ਅਵਾਜ਼ ਉੱਠਾਉਣ ਤੋਂ ਇਲਾਵਾ, ਵਿਰੋਧੀ ਧਿਰ ਦਾ ਮਕਸਦ ਇਹ ਵੀ ਹੁੰਦਾ ਹੈ ਕਿ ਉਹ ਬਿਹਤਰ ਵਿਕਲਪ ਪੇਸ਼ ਕਰੇ। ਇਹ ਸੰਸਦ ਵਿੱਚ ਬਹਿਸ ਦੇ ਮਾਹੌਲ ਨੂੰ ਸੁਧਾਰਨ ਅਤੇ ਨਵੀਨਤਮ ਵਿਕਲਪਾਂ ਦੀ ਪੇਸ਼ਕਾਰੀ ਰਾਹੀਂ ਲੋਕਾਂ ਦੇ ਹਿੱਤ ਵਿੱਚ ਕੰਮ ਕਰਨ ਵਿੱਚ ਸਹਾਇਕ ਹੁੰਦਾ ਹੈ। ਜਦੋਂ ਵਿਰੋਧੀ ਧਿਰ ਸਰਕਾਰ ਦੇ ਗਲਤ ਫੈਸਲਿਆਂ ਦੀ ਨਿਖੇਧੀ ਕਰਦਾ ਹੈ, ਤਾਂ ਉਸ ਨਾਲ ਨਵੀਆਂ ਰਣਨੀਤੀਆਂ ਤੇ ਸਮਰਥਨ ਨੂੰ ਲੈ ਕੇ ਚਰਚਾ ਹੁੰਦੀ ਹੈ, ਜਿਸ ਨਾਲ ਸਰਕਾਰ ਨੂੰ ਆਪਣੀਆਂ ਨੀਤੀਆਂ 'ਤੇ ਦੁਬਾਰਾ ਵਿਚਾਰ ਕਰਨ ਲਈ ਮਜਬੂਰ ਹੋਣਾ ਪੈਂਦਾ ਹੈ। ਇਹ ਪ੍ਰਕਿਰਿਆ ਸਿਰਫ ਲੋਕਤੰਤਰ ਨੂੰ ਮਜ਼ਬੂਤ ਨਹੀਂ ਬਲਕਿ ਰਾਸ਼ਟਰ ਦੇ ਕੁਲ ਸੰਸਾਧਨਾਂ ਦੀ ਸਹੀ ਵਰਤੋਂ ਨੂੰ ਯਕੀਨੀ ਬਣਾਉਂਦੀ ਹੈ। ਇਸ ਪ੍ਰਕਿਰਿਆ ਵਿੱਚ ਸਰਕਾਰ ਵੱਲੋਂ ਕੀਤੇ ਗਏ ਸੁਧਾਰ ਲੰਬੇ ਸਮੇਂ ਲਈ ਦੇਸ਼ ਦੇ ਹਿੱਤ ਵਿੱਚ ਹੁੰਦੇ ਹਨ।

ਕਈ ਵਾਰ ਸਰਕਾਰ ਦੀਆਂ ਕੁਝ ਨੀਤੀਆਂ ਜਨਤਾ ਦੇ ਹਿੱਤ 'ਚ ਨਹੀਂ ਹੁੰਦੀਆਂ, ਪਰ ਉਹ ਹਮੇਸ਼ਾ ਆਪਣੇ ਵੋਟਰਾਂ ਨੂੰ ਭਰੋਸਾ ਜਤਾਉਂਦੀ ਹੈ। ਅਜਿਹੀ ਸਥਿਤੀਆਂ ਵਿੱਚ ਵਿਰੋਧੀ ਧਿਰ ਲੋਕਾਂ ਦੀ ਆਵਾਜ਼ ਵਜੋਂ ਸਾਹਮਣੇ ਆਉਂਦਾ ਹੈ। ਉਹ ਜਨਤਾ ਦੇ ਮੱਤ ਅਤੇ ਹਿੱਤਾਂ ਨੂੰ ਪ੍ਰਧਾਨ ਰੱਖਦਾ ਹੈ ਅਤੇ ਜਨਤਕ ਮੱਨਪਸੰਦਾਂ ਦੀ ਪ੍ਰਤੀਨਿਧਿਤਾ ਕਰਦਾ ਹੈ। ਇਸ ਲਈ, ਜਦੋਂ ਵਿਰੋਧੀ ਧਿਰ ਆਪਣੀ ਅਸਲੀ ਭੂਮਿਕਾ ਨਿਭਾਂਦਾ ਹੈ, ਤਾਂ ਇਹ ਲੋਕਾਂ ਦੇ ਹੱਕਾਂ ਦੀ ਰੱਖਿਆ ਵਿੱਚ ਵੱਡਾ ਯੋਗਦਾਨ ਪਾਉਂਦੀ ਹੈ। ਇਸੇ ਲਈ ਰਾਜਨੀਤਕ ਵਿਰੋਧੀ ਧਿਰ ਲੋਕਾਂ ਦੀ ਅਵਾਜ਼ ਬਣ ਕੇ ਸਰਕਾਰ ਦੇ ਗਲਤ ਫੈਸਲਿਆਂ ਦੇ ਖਿਲਾਫ ਖੜ੍ਹੀ ਹੁੰਦੀ ਹੈ। ਜਿਵੇਂ ਕਿ ਰਾਜਨੀਤੀ ਇੱਕ ਲੋਕਤੰਤਰਕ ਪ੍ਰਕਿਰਿਆ ਹੈ, ਉਸੇ ਤਰ੍ਹਾਂ ਸਮਾਜ ਵੀ ਵਿਕਾਸਸ਼ੀਲ ਹੈ। ਸਮਾਜ ਦੇ ਵਿਕਾਸ ਲਈ ਸਿਰਫ ਸਹੀ ਸਰਕਾਰ ਹੀ ਜ਼ਰੂਰੀ ਨਹੀਂ, ਸਿਰਫ ਸਹੀ ਨੀਤੀਆਂ ਅਤੇ ਕੰਮ ਕਰਨ ਦੇ ਢੰਗ ਹੀ ਜ਼ਰੂਰੀ ਨਹੀਂ, ਬਲਕਿ ਇੱਕ ਮਜ਼ਬੂਤ ਵਿਰੋਧੀ ਧਿਰ ਦੀ ਭੂਮਿਕਾ ਵੀ ਜ਼ਰੂਰੀ ਹੈ। ਸਮਾਜ ਦੇ ਵਿਕਾਸ ਵਿੱਚ ਵਿਰੋਧੀ ਧਿਰ ਸਿਰਫ ਆਲੋਚਕ ਨਹੀਂ ਹੁੰਦਾ, ਬਲਕਿ ਇਹ ਇੱਕ ਸਹਿਯੋਗੀ ਨਿਰਮਾਤਾ ਵੀ ਬਣਦਾ ਹੈ। ਇਸ ਵਿੱਚ ਵਿਰੋਧੀ ਧਿਰ ਕਈ ਵਾਰ ਲੋਕਾਂ ਦੀਆਂ ਅਸਲ ਮੁਸ਼ਕਲਾਂ ਅਤੇ ਚੁਨੌਤੀਆਂ ਨੂੰ ਸਾਹਮਣੇ ਲਿਆਉਂਦਾ ਹੈ, ਜਿਹੜੀਆਂ ਕਈ ਵਾਰ ਸਰਕਾਰ ਦੀ ਰਾਡਾਰ 'ਤੇ ਨਹੀਂ ਹੁੰਦੀਆਂ। ਉਹ ਗਰੀਬਾਂ ਦੇ ਹੱਕਾਂ ਲਈ ਖੜ੍ਹਾ ਹੁੰਦਾ ਹੈ, ਨਿਆਇਕ ਪ੍ਰਕਿਰਿਆ ਨੂੰ ਸਫਲ ਬਣਾਉਂਦਾ ਹੈ, ਅਤੇ ਸਮਾਜ ਦੇ ਹਿੱਤਾਂ ਦੀ ਸੁਰੱਖਿਆ ਲਈ ਸਰਕਾਰ ਨਾਲ ਟਕਰ ਲੈਂਦਾ ਹੈ।

ਵਿਰੋਧੀ ਧਿਰ ਇੱਕ ਸਥਿਰ ਰਾਜਨੀਤੀ ਦੇ ਨਿਰਮਾਣ ਵਿੱਚ ਵੀ ਸਹਾਇਕ ਹੁੰਦਾ ਹੈ। ਜਦੋਂ ਰਾਜਨੀਤੀ ਸਥਿਰ ਹੋਵੇਗੀ, ਤਾਂ ਹੀ ਦੇਸ਼ ਵਿੱਚ ਸ਼ਾਂਤੀ ਅਤੇ ਵਿਕਾਸ ਹੋ ਸਕਦਾ ਹੈ। ਸਥਿਰਤਾ ਲਈ ਜ਼ਰੂਰੀ ਹੈ ਕਿ ਵਿਰੋਧੀ ਧਿਰ ਸਮਰੱਥ ਹੋਵੇ ਅਤੇ ਇਹ ਆਪਣੀ ਜਿੰਮੇਵਾਰੀ ਨੂੰ ਪੂਰੀ ਤਰ੍ਹਾਂ ਨਿਭਾਉਣ ਯੋਗ ਹੋਵੇ। ਵਿਰੋਧੀ ਧਿਰ ਆਪਣੀਆਂ ਗਤੀਵਿਧੀਆਂ ਰਾਹੀਂ ਲੋਕਾਂ ਨੂੰ ਵਿਭਿੰਨ ਮੱਦੇ ਉੱਤੇ ਸਚੇਤ ਕਰਦਾ ਹੈ, ਜਿਹੜੀਆਂ ਕਈ ਵਾਰ ਮੂਲ ਧਾਰਾ ਸਿਆਸਤ ਵਿੱਚ ਦਬ ਜਾਂਦੀਆਂ ਹਨ। ਇਸ ਤਰ੍ਹਾਂ ਦੇਸ਼ ਵਿੱਚ ਇੱਕ ਆਰਥਿਕ, ਸਾਂਸਕ੍ਰਿਤਿਕ, ਅਤੇ ਰਾਜਨੀਤਿਕ ਸਥਿਰਤਾ ਬਣਾਉਣ ਵਿੱਚ ਵਿਰੋਧੀ ਧਿਰ ਦੀ ਮਹੱਤਵਪੂਰਨ ਭੂਮਿਕਾ ਹੁੰਦੀ ਹੈ।

ਵਿਰੋਧੀ ਧਿਰ ਦਾ ਇੱਕ ਹੋਰ ਮੁੱਖ ਕੰਮ ਹੈ ਕਿ ਉਹ ਸਰਕਾਰ ਦੀ ਨਿਗਰਾਨੀ ਕਰੇ। ਜਦੋਂਕਿ ਮੀਡੀਆ ਅਤੇ ਆਮ ਲੋਕ ਸਰਕਾਰ ਦੇ ਕੰਮਾਂ 'ਤੇ ਨਜ਼ਰ ਰੱਖ ਸਕਦੇ ਹਨ, ਪਰ ਅਸਲ ਨਿਗਰਾਨੀ ਦੀ ਭੂਮਿਕਾ ਇੱਕ ਮਜ਼ਬੂਤ ਵਿਰੋਧੀ ਧਿਰ ਹੀ ਨਿਭਾ ਸਕਦਾ ਹੈ। ਵਿਰੋਧੀ ਧਿਰ ਸਿਰਫ ਸਰਕਾਰ ਦੇ ਕੰਮਾਂ ਨੂੰ ਨਿਗਰਾਨੀ ਹੇਠ ਹੀ ਨਹੀਂ ਲਿਆਉਂਦਾ ਹੈ, ਬਲਕਿ ਉਹ ਸਰਕਾਰ ਦੇ ਗਲਤ ਫੈਸਲਿਆਂ ਅਤੇ ਭ੍ਰਿਸ਼ਟਾਚਾਰ ਨੂੰ ਸਾਹਮਣੇ ਲਿਆਉਣ ਦਾ ਕੰਮ ਵੀ ਕਰਦਾ ਹੈ। ਜੇਕਰ ਸਰਕਾਰ ਆਪਣੀਆਂ ਨੀਤੀਆਂ ਵਿੱਚ ਗਲਤੀਆਂ ਕਰਦੀ ਹੈ ਜਾਂ ਲੋਕਾਂ ਦੇ ਹਿੱਤਾਂ ਨੂੰ ਨਜ਼ਰਅੰਦਾਜ਼ ਕਰਦੀ ਹੈ, ਤਾਂ ਵਿਰੋਧੀ ਧਿਰ ਇਸ ਨੂੰ ਚੁਨੌਤੀ ਦੇ ਸਕਦਾ ਹੈ। ਇਸ ਨਾਲ ਹੀ ਜਨਤਾ ਨੂੰ ਇਹ ਯਕੀਨ ਹੁੰਦਾ ਹੈ ਕਿ ਕੋਈ ਸੰਸਥਾ ਹੈ ਜੋ ਸਰਕਾਰ ਨੂੰ ਜਵਾਬਦੇਹ ਬਣਾਉਣ ਲਈ ਮੌਜੂਦ ਹੈ। ਵਿਰੋਧੀ ਧਿਰ ਦੀ ਨਿਗਰਾਨੀ ਰਾਹੀਂ ਸਰਕਾਰ ਦੇ ਪ੍ਰਸ਼ਾਸਨਕ ਅਤੇ ਆਰਥਿਕ ਮਾਮਲਿਆਂ ਵਿੱਚ ਪਾਰਦਰਸ਼ੀਤਾ ਆਉਂਦੀ ਹੈ। ਇਹ ਪ੍ਰਕਿਰਿਆ ਲੋਕਤੰਤਰ ਨੂੰ ਮਜ਼ਬੂਤ ਬਣਾਉਂਦੀ ਹੈ ਅਤੇ ਜਨਤਕ ਭਰੋਸੇ ਨੂੰ ਬਣਾਈ ਰੱਖਦੀ ਹੈ। ਜਦੋਂ ਇਕ ਮਜ਼ਬੂਤ ਵਿਰੋਧੀ ਧਿਰ ਨਿਰੰਤਰ ਸਰਕਾਰ ਦੀ ਨਿਗਰਾਨੀ ਕਰਦਾ ਹੈ, ਤਾਂ ਸਰਕਾਰ ਦੇ ਅਧਿਕਾਰੀ ਵੀ ਇਹ ਜ਼ਿੰਮੇਵਾਰੀ ਮਹਿਸੂਸ ਕਰਦੇ ਹਨ ਕਿ ਉਹਨਾਂ ਨੂੰ ਆਪਣੇ ਕੰਮਾਂ ਲਈ ਜਵਾਬਦੇਹ ਹੋਣਾ ਪਵੇਗਾ। ਨਤੀਜੇ ਵਜੋਂ, ਰਾਜਨੀਤੀ ਵਿੱਚ ਪਾਰਦਰਸ਼ੀਤਾ ਅਤੇ ਇਮਾਨਦਾਰੀ ਬਣੀ ਰਹਿੰਦੀ ਹੈ, ਜੋ ਦੇਸ਼ ਦੇ ਵਿਕਾਸ ਅਤੇ ਸਮਾਜ ਦੇ ਸੁਧਾਰ ਲਈ ਬਹੁਤ ਮਹੱਤਵਪੂਰਨ ਹੁੰਦੀ ਹੈ। ਭਾਰਤੀ ਰਾਜਨੀਤੀ ਵਿੱਚ ਵਿਰੋਧੀ ਧਿਰ ਲੋਕਤੰਤਰਕ ਪ੍ਰਕਿਰਿਆ ਦਾ ਇੱਕ ਅਹਿਮ ਹਿੱਸਾ ਹੈ, ਜੋ ਸਰਕਾਰ ਦੀ ਨੀਤੀਆਂ ਤੇ ਜਵਾਬਦੇਹੀ ਬਣਾਈ ਰੱਖਣ ਲਈ ਜ਼ਰੂਰੀ ਹੈ। ਇਹ ਸਰਕਾਰ ਦੇ ਗਲਤ ਫੈਸਲਿਆਂ ਦਾ ਵਿਵੇਚਨ ਕਰਦੇ ਹੋਏ ਲੋਕਾਂ ਦੇ ਹੱਕਾਂ ਦੀ ਰੱਖਿਆ ਕਰਦਾ ਹੈ।

ਪਰ ਇਸਦੀ ਜਿੰਮੇਵਾਰੀ ਸਿਰਫ ਸਰਕਾਰ ਦੀਆਂ ਨੀਤੀਆਂ ਦਾ ਅੰਧਵਿਰੋਧ ਕਰਨਾ ਹੀ ਨਹੀਂ ਹੁੰਦਾ ਹੈ। ਵਿਰੋਧੀ ਧਿਰ ਨੂੰ ਉਸ ਜਨਤਾ ਦੀ ਆਵਾਜ਼ ਬਣਨਾ ਚਾਹੀਦਾ ਹੈ ਜਿਨ੍ਹਾਂ ਨੇ ਆਪਣੇ ਹੱਕਾਂ ਦੀ ਰੱਖਿਆ ਲਈ ਆਪਣੇ ਨੁਮਾਇੰਦਿਆਂ ਨੂੰ ਚੁਣ ਕੇ ਭੇਜਿਆ ਹੈ। ਸਰਕਾਰ ਵੱਲੋਂ ਕੀਤੇ ਗਏ ਫੈਸਲਿਆਂ ਦਾ ਸਦਾ ਹੀ ਵਿਰੋਧ ਕਰਨਾ ਨਾ ਸਿਰਫ ਇਸ ਵਿਰੋਧੀ ਧਿਰ ਦੀ ਨਾਕਾਮੀ ਹੁੰਦੀ ਹੈ, ਸਗੋਂ ਇਹ ਉਸ ਜਨਤਾ ਦੀ ਭਾਵਨਾਵਾਂ ਨਾਲ ਵੀ ਖਿਲਵਾੜ ਹੈ, ਜੋ ਇਸ ਉਮੀਦ ਨਾਲ ਆਪਣਾ ਸਮਰਥਨ ਆਪਣੇ ਨੁਮਾਇੰਦਿਆਂ ਨੂੰ ਦਿੰਦੀ ਹੈ ਕਿ ਉਹ ਸੱਚਾਈ ਅਤੇ ਨਿਰਪੱਖਤਾ ਨਾਲ ਲੋਕਤੰਤਰ ਦੀ ਸੇਵਾ ਕਰਨਗੇ। ਇਥੇ ਇਹ ਵੀ ਸਮਝਣਾ ਜਰੂਰੀ ਹੈ ਕਿ ਸਰਕਾਰ ਵਿੱਚ ਚੁਣੇ ਮੰਤਰੀ ਜਾਂ ਨੁਮਾਇੰਦੇ ਸਿਰਫ ਆਪਣੀ ਪਾਰਟੀ ਜਾਂ ਉਹਨਾਂ ਵੋਟਰਾਂ ਦੇ ਹੀ ਪ੍ਰਤੀਨਿਧ ਨਹੀਂ ਹੁੰਦੇ, ਜੋ ਉਹਨਾਂ ਨੂੰ ਵੋਟ ਪਾਂਦੇ ਹਨ। ਉਹ ਸਾਰੇ ਦੇਸ਼ ਜਾਂ ਰਾਜ ਦੇ ਨਾਗਰਿਕਾਂ ਦੇ ਮੰਤਰੀ ਜਾਂ ਨੁਮਾਇੰਦੇ ਹੁੰਦੇ ਹਨ। ਇਸ ਲਈ, ਜਦੋਂ ਸਰਕਾਰ ਦੇਸ਼ ਦੀ ਤਰੱਕੀ ਅਤੇ ਲੋਕਾਂ ਦੀ ਭਲਾਈ ਲਈ ਕਦੇ ਕੋਈ ਵੱਡੇ ਫੈਸਲੇ ਲੈਂਦੀ ਹੈ, ਤਾਂ ਵਿਰੋਧੀ ਧਿਰ ਨੂੰ ਇਸਨੂੰ ਪਾਰਟੀ ਪੋਲਿਟਿਕਸ ਤੋਂ ਉੱਪਰ ਉਠ ਕੇ ਦੇਖਣਾ ਚਾਹੀਦਾ ਹੈ। ਇਹ ਉਸਦੀ ਜਿੰਮੇਵਾਰੀ ਬਣਦੀ ਹੈ ਕਿ ਉਹ ਲੋਕਤੰਤਰ ਦੇ ਨਿਯਮਾਂ ਦਾ ਪਾਲਣ ਕਰਦਾ ਹੋਇਆ, ਸਹੀ ਫੈਸਲਿਆਂ ਦਾ ਸਮਰਥਨ ਕਰੇ। ਸਦਾ ਹੀ ਵਿਦਰੋਹੀ ਰਵੱਈਆ ਅਖਤਿਆਰ ਕਰਨਾ, ਦੇਸ਼ ਦੀ ਤਰੱਕੀ ਦੇ ਰਾਹ ਵਿੱਚ ਰੁਕਾਵਟ ਪੈਦਾ ਕਰ ਸਕਦਾ ਹੈ। ਵਿਰੋਧੀ ਧਿਰ ਨੂੰ ਚਾਹੀਦਾ ਹੈ ਕਿ ਜੇਕਰ ਸਰਕਾਰ ਦੀ ਨੀਤੀ ਕਿਸੇ ਹੱਦ ਤੱਕ ਗਲਤ ਹੈ ਤਾਂ ਉਸਦਾ ਸਬੂਤਾਂ ਨਾਲ ਵਿਰੋਧ ਕਰੇ, ਪਰ ਜਿੱਥੇ ਫੈਸਲੇ ਲੋਕ ਹਿੱਤ ਵਿੱਚ ਹਨ, ਉਨ੍ਹਾਂ ਨੂੰ ਪੂਰਾ ਸਮਰਥਨ ਦੇਵੇ। ਇੱਕ ਜਿੰਮੇਵਾਰ ਵਿਰੋਧੀ ਧਿਰ ਦੀ ਇਹ ਪਹਿਚਾਣ ਹੁੰਦੀ ਹੈ।

liberalthinker1621@gmail.com

ਸੰਦੀਪ ਕੁਮਾਰ-7009807121

ਐਮ.ਸੀ.ਏ, ਐਮ.ਏ ਮਨੋਵਿਗਆਨ

ਰੂਪਨਗਰ