Punjab Budget 2025-26: ਵੱਡੇ ਐਲਾਨ ਅਤੇ ਮੁੱਖ ਨੁਕਤੇ, ਵਿਕਾਸ 'ਤੇ ਦਿੱਤਾ ਗਿਆ ਜ਼ੋਰ
ਚੰਡੀਗੜ੍ਹ, 26 ਮਾਰਚ 2025- ਪੰਜਾਬ ਸਰਕਾਰ ਨੇ ਵਿੱਤੀ ਸਾਲ 2025-26 ਲਈ ਆਪਣਾ ਬਜਟ ਪੇਸ਼ ਕੀਤਾ, ਜਿਸ ਦਾ ਕੁੱਲ ਅਕਾਰ ₹2,36,080 ਕਰੋੜ ਹੈ। ਇਸ ਬਜਟ ਨਾਲ ਜੀਐਸਡੀਪੀ ਵਿੱਚ 10% ਦਾ ਵਾਧਾ ਹੋਣ ਦੀ ਉਮੀਦ ਹੈ। ਬਜਟ ਵਿੱਚ ਸਿਹਤ, ਸਿੱਖਿਆ, ਖੇਤੀਬਾੜੀ, ਨਸ਼ਿਆਂ ਵਿਰੁੱਧ ਲੜਾਈ ਅਤੇ ਬੁਨਿਆਦੀ ਢਾਂਚੇ 'ਤੇ ਵਿਸ਼ੇਸ਼ ਧਿਆਨ ਦਿੱਤਾ ਗਿਆ ਹੈ। ਇੱਥੇ ਬਜਟ ਦੇ ਮੁੱਖ ਨੁਕਤਿਆਂ 'ਤੇ ਇੱਕ ਨਜ਼ਰ:
ਸਿਹਤ ਅਤੇ ਸਮਾਜਿਕ ਸੁਰੱਖਿਆ
- ਸਿਹਤ ਲਈ ₹5,598 ਕਰੋੜ ਦਾ ਬਜਟ, ਜੋ ਪਿਛਲੇ ਸਾਲ ਨਾਲੋਂ 10% ਵੱਧ ਹੈ।
- 65 ਲੱਖ ਪਰਿਵਾਰਾਂ ਨੂੰ ₹10 ਲੱਖ ਤੱਕ ਦੀ ਸਿਹਤ ਬੀਮਾ ਕਵਰੇਜ ਲਈ ₹778 ਕਰੋੜ।
- 881 ਆਮ ਆਦਮੀ ਕਲੀਨਿਕਾਂ ਲਈ ₹268 ਕਰੋੜ ਦੀ ਵਾਧੂ ਰਾਸ਼ੀ।
- ਐਮਰਜੈਂਸੀ ਵਾਹਨਾਂ ਲਈ ₹125 ਕਰੋੜ ਦਾ ਪ੍ਰਬੰਧ।
ਨਸ਼ਿਆਂ ਵਿਰੁੱਧ ਲੜਾਈ
- ਡਰੱਗ ਸੈਂਸਿਜ਼ ਸ਼ੁਰੂ ਕਰਨ ਲਈ ₹150 ਕਰੋੜ।
- ਸਰਹੱਦੀ ਖੇਤਰਾਂ ਵਿੱਚ ਐਂਟੀ-ਡਰੋਨ ਸਿਸਟਮ ਲਈ ₹110 ਕਰੋੜ।
ਖੇਤੀਬਾੜੀ ਅਤੇ ਪਸ਼ੂ ਪਾਲਣ
- ਕਿਸਾਨਾਂ ਲਈ ₹14,524 ਕਰੋੜ ਦਾ ਬਜਟ।
- ਖੇਤੀਬਾੜੀ ਸਬਸਿਡੀ ਲਈ ₹9,992 ਕਰੋੜ।
- ਪਰਾਲੀ ਸੰਭਾਲ ਲਈ ₹500 ਕਰੋੜ।
- ਪਸ਼ੂ ਪਾਲਣ ਖੇਤਰ ਨੂੰ ਮਜ਼ਬੂਤ ਕਰਨ ਲਈ ₹704 ਕਰੋੜ।
ਸਿੱਖਿਆ
- ਸਿੱਖਿਆ ਲਈ ₹17,975 ਕਰੋੜ ਦਾ ਬਜਟ, ਜੋ ਪਿਛਲੇ ਸਾਲ ਨਾਲੋਂ 12% ਵੱਧ ਹੈ।
- 425 ਸਕੂਲਾਂ ਨੂੰ ‘ਸਕੂਲ ਆਫ ਹੈਪੀਨੈਸ’ ਵਜੋਂ ਵਿਕਸਤ ਕੀਤਾ ਜਾਵੇਗਾ।
- ਮੈਡੀਕਲ ਸਿੱਖਿਆ ਲਈ ₹1,336 ਕਰੋੜ, ਜਿਸ ਵਿੱਚ 27% ਦਾ ਵਾਧਾ।
- ਪਬਲਿਕ ਯੂਨੀਵਰਸਿਟੀਆਂ ਲਈ ₹1,650 ਕਰੋੜ।
ਖੇਡ ਅਤੇ ਯੁਵਕ ਵਿਕਾਸ
- 3000 ਇੰਡੋਰ ਜਿੰਮ ਬਣਾਏ ਜਾਣਗੇ ਅਤੇ ਹਰ ਪਿੰਡ ਵਿੱਚ ਖੇਡ ਮੈਦਾਨ ਦੀ ਸਹੂਲਤ।
- ਖੇਡ ਵਿਭਾਗ ਲਈ ₹979 ਕਰੋੜ ਦਾ ਬਜਟ।
ਸੜਕਾਂ ਅਤੇ ਬੁਨਿਆਦੀ ਢਾਂਚਾ
- 50 ਕਿਲੋਮੀਟਰ ਵਿਸ਼ਵ ਪੱਧਰੀ ਸੜਕਾਂ ਲਈ ₹140 ਕਰੋੜ।
- ਲਿੰਕ ਸੜਕਾਂ ਦੇ ਨਿਰਮਾਣ ਲਈ ₹2,873 ਕਰੋੜ।
- ‘ਰੰਗਲਾ ਪੰਜਾਬ’ ਸਕੀਮ ਤਹਿਤ ₹585 ਕਰੋੜ।
ਅਨੁਸੂਚਿਤ ਜਾਤੀ ਭਲਾਈ
- ਅਨੁਸੂਚਿਤ ਜਾਤੀਆਂ ਦੀ ਭਲਾਈ ਲਈ ₹13,987 ਕਰੋੜ, ਜੋ ਪਿਛਲੇ ਸਾਲ ਨਾਲੋਂ 34% ਵੱਧ।
- ਕਰਜ਼ ਮਾਫੀ ਸਕੀਮ ਨੂੰ ਲਾਗੂ ਕੀਤਾ ਜਾਵੇਗਾ।
ਬਿਜਲੀ ਅਤੇ ਉਦਯੋਗ
- 300 ਯੂਨਿਟ ਮੁਫਤ ਬਿਜਲੀ ਲਈ ₹7,614 ਕਰੋੜ।
- ਉਦਯੋਗਿਕ ਵਿਕਾਸ ਲਈ ਇਨਸੈਂਟਿਵ ਵਜੋਂ ₹250 ਕਰੋੜ।
- ਅੰਮ੍ਰਿਤਸਰ ਵਿੱਚ ਯੂਨਿਟੀ ਮਾਲ ਦੀ ਸਥਾਪਨਾ ਲਈ ₹80 ਕਰੋੜ।
ਖ਼ਾਸ ਐਲਾਨ
- ਪੰਜਾਬ ਮਿਊਂਸੀਪਲ ਡਿਵੈਲਪਮੈਂਟ ਫੰਡ ਲਈ ₹225 ਕਰੋੜ।
- ਨਵੀਆਂ ਆਈਟੀਆਈ ਸਥਾਪਤ ਕਰਨ ਲਈ ₹33 ਕਰੋੜ।
- 12 ਜੇਲ੍ਹਾਂ ਵਿੱਚ ਜੈਮਰ ਲਗਾਉਣ ਦਾ ਫੈਸਲਾ।
- ਸ੍ਰੀ ਗੁਰੂ ਤੇਗ ਬਹਾਦਰ ਜੀ ਦੇ 350ਵੇਂ ਸ਼ਹੀਦੀ ਦਿਹਾੜੇ ਲਈ ਵਿਸ਼ੇਸ਼ ਬਜਟ।
ਇਸ ਬਜਟ ਨੂੰ ਸੂਬੇ ਦੇ ਵਿਕਾਸ ਅਤੇ ਲੋਕ ਭਲਾਈ ਨੂੰ ਧਿਆਨ ਵਿੱਚ ਰੱਖਦਿਆਂ ਤਿਆਰ ਕੀਤਾ ਗਿਆ ਹੈ। ਸਰਕਾਰ ਨੇ ਦਾਅਵਾ ਕੀਤਾ ਹੈ ਕਿ ਇਹ ਬਜਟ ਪੰਜਾਬ ਨੂੰ ਤਰੱਕੀ ਦੀਆਂ ਨਵੀਆਂ ਉਚਾਈਆਂ 'ਤੇ ਲੈ ਜਾਵੇਗਾ।