ਪੱਤਰਕਾਰ ਦਲਵਿੰਦਰ ਰਛੀਨ ਦੇ ਪਿਤਾ ਬਲਜੀਤ ਸਿੰਘ ਰਛੀਨ ਨਮਿਤ ਅੰਤਿਮ ਅਰਦਾਸ/ਸਰਧਾਂਜਲੀ ਸਮਾਗਮ 'ਚ ਸੈਂਕੜੇ ਲੋਕਾਂ ਨੇ ਸ਼ਮੂਲੀਅਤ ਕੀਤੀ
- ਮੌਤ ਇੱਕ ਅਟੱਲ ਸੱਚਾਈ ਹੈ,ਇਸ ਦਾ ਸਮਾਂ ਤੇ ਸਥਾਨ ਨਿਸ਼ਚਿਤ ਹੈ - ਜੱਥੇਦਾਰ ਜਗਜੀਤ ਸਿੰਘ ਤਲਵੰਡੀ
ਨਿਰਮਲ ਦੋਸਤ
ਰਾਏਕੋਟ/ਲੁਧਿਆਣਾ30 ਜਨਵਰੀ2025(ਨਿਰਮਲ ਦੋਸਤ)-ਪ੍ਰੈਂਸ ਕਲੱਬ, ਰਾਏਕੋਟ ਦੇ ਸਾਬਕਾ ਪ੍ਰਧਾਨ/ਰਾਏਕੋਟ ਤੋਂ ਸੀਨੀਅਰ ਪੱਤਰਕਾਰ ਦਲਵਿੰਦਰ ਸਿੰਘ ਰਛੀਨ ਦੇ ਸਤਿਕਾਰਯੋਗ ਪਿਤਾ ਸ੍ਰ. ਬਲਜੀਤ ਸਿੰਘ ਰਛੀਨ, ਜੋ ਪਿਛਲੇ ਦਿਨੀਂ ਅਕਾਲ ਚਲਾਣਾ ਕਰ ਗਏ ਸਨ, ਦੀ ਆਤਮਿਕ ਸ਼ਾਂਤੀ ਲਈ ਰਖਾਏ ਸ਼੍ਰੀ ਸਹਿਜ ਪਾਠ ਦੇ ਭੋਗ ਅਤੇ ਸ਼ਰਧਾਂਜਲੀ ਸਮਾਗਮ ਗੁਰਦੁਆਰਾ ਬਾਬਾ ਜੋਰਾਵਰ ਸਿੰਘ ਬਾਬਾ ਫਤਿਹ ਸਿੰਘ(ਨੇੜੇ: ਟੈਲੀਫੋਨ ਐਕਸਚੇਂਜ), ਰਾਏਕੋਟ ਵਿਖੇ ਕਰਵਾਇਆ ਗਿਆ।
ਇਸ ਮੌਕੇ ਹੈੱਡ ਗ੍ਰੰਥੀ ਭਾਈ ਪਲਵਿੰਦਰ ਸਿੰਘ ਦੇ ਜਥੇ ਨੇ ਗੁਰਬਾਣੀ ਦਾ ਵੈਰਾਗਮਈ ਕੀਰਤਨ ਕਰਦਿਆਂ ਸੰਗਤਾਂ ਨੂੰ ਗੁਰਬਾਣੀ 'ਚੋਂ ਪ੍ਰਮਾਣ ਦੇ ਕੇ ਕੁਦਰਤ ਦੇ ਇਸ ਜੀਵਨ ਮਰਨ ਦੇ ਚੱਕਰ ਬਾਰੇ ਚਾਨਣਾ ਪਾਉਂਦਿਆਂ ਜੀਵ ਨੂੰ ਮਨੁੱਖਾ ਜੀਵਨ ਦੌਰਾਨ ਪ੍ਰਮਾਤਮਾ ਦੀ ਭਜਨ-ਬੰਦਗੀ ਕਰਕੇ ਆਪਣਾ ਜੀਵਨ ਸਫਲਾ ਕਰਨ ਲਈ ਪ੍ਰੇਰਿਤ ਕੀਤਾ।
ਇਸ ਮੌਕੇ ਜੱਥੇਦਾਰ ਜਗਜੀਤ ਸਿੰਘ ਤਲਵੰਡੀ ਮੈਂਬਰ ਸ਼੍ਰੋਮਣੀ ਕਮੇਟੀ, ਵਿਧਾਇਕ ਹਾਕਮ ਸਿੰਘ ਠੇਕੇਦਾਰ, ਨਿਰਮਲ ਸਿੰਘ ਐਸਐਸ ਚੇਅਰਮੈਨ ਅਮਰ ਸ਼ਹੀਦ ਬਾਬਾ ਮੋਤੀ ਰਾਮ ਮਹਿਰਾ ਮੈਮੋਰੀਅਲ ਚੈਰੀਟੇਬਲ ਟਰੱਸਟ ਸ਼੍ਰੀ ਫਤਹਿਗੜ੍ਹ ਸਾਹਿਬ, ਸੁਖਪਾਲ ਸਿੰਘ ਗੋਂਦਵਾਲ ਸੀਨੀਅਰ ਕਾਂਗਰਸੀ ਆਗੂ ਅਤੇ ਭਰਤਵੀਰ ਸਿੰਘ ਸੁਧਾਰ ਮੀਤ ਪ੍ਰਧਾਨ ਰਿਟਾਇਰਡੀ ਯੂਨੀਅਨ ਪੀਐਸਪੀਐਲ ਸਮੇਤ ਵੱਖ-ਵੱਖ ਧਾਰਮਿਕ, ਰਾਜਨੀਤਿਕ ਤੇ ਸਮਾਜਿਕ ਜਥੇਬੰਦੀਆਂ ਦੇ ਆਗੂਆਂ ਨੇ ਸਵਰਗੀ ਬਲਜੀਤ ਸਿੰਘ ਰਛੀਨ ਨੂੰ ਸ਼ਰਧਾਂਜਲੀਆਂ ਭੇਂਟ ਕਰਦਿਆਂ ਆਖਿਆ ਕਿ ਸਵਰਗੀ ਬਲਜੀਤ ਸਿੰਘ ਨੇ ਆਪਣੇ ਜੀਵਨ ਵਿਚ ਕੀਤੀ ਨੇਕ ਕਿਰਤ ਕਮਾਈ ਕਰਦਿਆਂ ਬੱਚਿਆਂ ਦਾ ਵਧੀਆ ਤਰੀਕੇ ਨਾਲ ਪਾਲਣ-ਪੋਸ਼ਣ ਕੀਤਾ।ਜਿਥੇ ਉਨ੍ਹਾਂ ਆਪਣੇ ਸਮਾਜਿਕ ਤੇ ਸੰਸਾਰਿਕ ਕਾਰਜ ਬਾਖੂਬੂ ਨਿਭਾਏ, ਉਥੇ ਹੀ ਆਪਣੇ ਬੱਚਿਆਂ ਨੂੰ ਸਹੀ ਸੇਧ ਦੇ ਕੇ ਸੁਚੱਜਾ ਜੀਵਨ ਜਿਉਣ ਲਈ ਪ੍ਰੇਰਿਤ ਕੀਤਾ।
ਇਸ ਮੌਕੇ ਲੋਕ ਸਭਾ ਹਲਕਾ ਸ਼੍ਰੀ ਫਤਹਿਗੜ੍ਹ ਸਾਹਿਬ ਤੋਂ ਐਮ.ਪੀ.ਅਰ ਸਿੰਘ, ਰੋਟਰੀ ਕਲੱਬ ਰਾਏਕੋਟ ਦੇ ਆਹੁਦੇਦਾਰਾਂ ਅਤੇ ਵਿਸ਼ਵ ਪੰਜਾਬੀ ਸਭਾ ਕੈਨੇਡਾ ਦੇ ਚੇਅਰਮੈਨ ਡਾ. ਦਲਬੀਰ ਸਿੰਘ ਕਥੂਰੀਆ ਅਤੇ ਸਮੁੱਚੀ ਟੀਮ ਨੇ ਸ਼ੋਕ ਸੰਦੇਸ਼ ਭੇਜ ਕੇ ਮਰਹੂਮ ਬਲਜੀਤ ਸਿੰਘ ਰਛੀਨ ਨੂੰ ਸਰਧਾਂ ਦੇ ਫੁੱਲ ਅਰਪਿਤ ਕੀਤੇ। ਸਰਧਾਂਜਲੀ ਸਮਾਗਮ ਦੌਰਾਨ ਸਟੇਜ ਸਕੱਤਰ ਦੀ ਸੇਵਾ ਪ੍ਰਧਾਨ ਜਗਦੇਵ ਸਿੰਘ ਗਰੇਵਾਲ ਵੱਲੋਂ ਨਿਭਾਈ ਗਈ। ਇਸ ਸਮੇਂ ਕਮਲ ਸੁਖਾਣਾ ਨਿੱਜੀ ਸਕੱਤਰ ਵਿਧਾਇਕ, ਗੁਰਮੇਲ ਸਿੰਘ ਆਂਡਲੂ, ਚੇਅਰਮੈਨ ਅਮਰਜੀਤ ਸਿੰਘ ਸਹਿਬਾਜਪੁਰਾ, ਦਲਜੀਤ ਕੁਮਾਰ ਗੋਰਾ ਸੀਟੂ ਆਗੂ, ਜੱਥੇਦਾਰ ਕੁਲਵਿੰਦਰ ਸਿੰਘ ਭੱਟੀ, ਜਗਦੇਵ ਸਿੰਘ ਗਰੇਵਾਲ, ਅਨਿਲ ਕੁਮਾਰ ਭੋਲਾ ਜੈਨ, ਬਾਬਾ ਰਘਵੀਰ ਸਿੰਘ, ਸਾਬਕਾ ਸਰਪੰਚ ਗੁਰਵੰਤ ਸਿੰਘ ਰਛੀਨ ਜੱਥੇਦਾਰ ਮੋਹਨ ਸਿੰਘ ਰਛੀਨ, ਮਾ. ਬਲਜਿੰਦਰ ਸਿੰਘ ਗਰੇਵਾਲ, ਆਪ ਆਗੂ ਮਨਸਾ ਖਾਨ, ਰਾਮ ਕੁਮਾਰ ਛਾਪਾ, ਗੁਰਮਿੰਦਰ ਸਿੰਘ ਤੂਰ, ਅਤਰ ਸਿੰਘ ਚੱਢਾ ਪ੍ਰਧਾਨ ਰੋਟਰੀ ਕਲੱਬ, ਗੁਰਦੇਵ ਸਿੰਘ ਤਲਵੰਡੀ, ਇੰਦਰਪਾਲ ਸਿੰਘ ਸਿਵੀਆ, ਨੰਬਰਦਾਰ ਬਲਵੀਰ ਸਿੰਘ ਬ੍ਰਹਮਪੁਰ, ਬਲਵੀਰ ਕੌਰ ਰਾਏਕੋਟੀ ਕੌਮੀ ਪ੍ਰਧਾਨ ਵਿਸ਼ਵ ਪੰਜਾਬੀ ਸਭਾ ਕੈਨੇਡਾ, ਮਾ. ਬਲਵਿੰਦਰ ਸਿੰਘ, ਨਰਾਇਣ ਦੱਤ, ਕਿਸਾਨ ਆਗੂ ਗੁਰਮਿੰਦਰ ਸਿੰਘ ਤੂਰ, ਹਰਬਖਸ਼ੀਸ਼ ਸਿੰਘ ਰਾਏ ਚੱਕ ਭਾਈਕਾ, ਮਨਮੋਹਣ ਸਿੰਘ ਬੱਸੀਆਂ, ਕਿਸਾਨ ਆਗੂ ਮਨਪ੍ਰੀਤ ਸਿੰਘ ਗੋਂਦਵਾਲ, ਗੁਰਦੀਪ ਸਿੰਘ ਕਲਸੀ, ਡਾ. ਅਵਤਾਰ ਸਿੰਘ, ਅੰਮ੍ਰਿਤਪਾਲ ਸਿੰਘ ਹੈਪੀ ਬੜੂੰਦੀ, ਹਰਗੁਣ ਸਿੰਘ, ਪ੍ਰਧਾਨ ਮਦਨ ਲਾਲ ਅਗਰਵਾਲ, ਗੁਰਚਰਨ ਸਿੰਘ ਸੰਤ, ਦਵਿੰਦਰ ਸਿੰਘ ਭਨੋੜ, ਪ੍ਰਿੰਸੀਪਲ ਡਿੰਪਲ ਢਿੱਲੋਂ, ਜੋਗਾ ਸਿੰਘ ਸੁਪਰਵਾਇਜ਼ਰ ਖਰੀਦਾਂ ਐਸਜੀਪੀਸੀ, ਕਮਲਜੀਤ ਸਿੰਘ ਬਰ੍ਹਮੀ, ਹਰਚੰਦ ਸਿੰਘ ਬੜੂੰਦੀ, ਏਵੰਤ ਜੈਨ, ਅਨਿਲ ਵਰਮਾ, ਸੁਨੀਲ ਸਿੰਗਲਾ ਮੈਨੇਜ਼ਰ ਐਸਬੀਆਈ, ਅਮਿਤ ਜੈਨ ਪ੍ਰਧਾਨ ਕੱਪੜਾ ਯੂਨੀਅਨ ਰਾਏਕੋਟ, ਡਾ ਸੁਖਦੇਵ ਸਿੰਘ ਕੇਡੀ, ਵਿਨੋਦ ਜੈਨ ਰਾਜੂ ਸਮੇਤ ਰਾਏਕੋਟ, ਅਹਿਮਦਗੜ੍ਹ, ਮਹਿਲ ਕਲਾਂ ਤੇ ਜਗਰਾਉਂ ਦੇ ਪੱਤਰਕਾਰਾਂ ਤੋਂ ਇਲਾਵਾ ਵੱਖ-ਵੱਖ ਜੱਥੇਬੰਦੀਆਂ ਤੇ ਆਗੂ, ਦੋਸਤ-ਮਿੱਤਰ ਤੇ ਰਿਸ਼ਤੇਦਾਰ ਹਾਜ਼ਰ ਸਨ।