ਵੱਡੀ ਖ਼ਬਰ: ਘਰ 'ਚ ਵੜ ਕੇ 13 ਸਾਲਾ ਬੱਚੇ ਦਾ ਕਤਲ
ਮਾਨਸਾ, 27 ਜੁਲਾਈ 2025: ਮਾਨਸਾ ਜ਼ਿਲ੍ਹੇ ਦੇ ਕਸਬਾ ਸਰਦੂਲਗੜ੍ਹ ਦੇ ਪਿੰਡ ਰੁੜਕੀ ਵਿਚ 13 ਸਾਲਾ ਬੱਚੇ ਦਾ ਬੇਰਹਿਮੀ ਨਾਲ ਕਤਲ ਕਰ ਦੇਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਮ੍ਰਿਤਕ ਬੱਚੇ ਦੀ ਪਛਾਣ ਰਾਜਾ ਸਿੰਘ ਵਜੋਂ ਹੋਈ ਹੈ। ਰਾਜਾ ਸਿੰਘ 7ਵੀਂ ਜਮਾਤ ਵਿਚ ਪੜ੍ਹਦਾ ਸੀ ਤੇ ਤੇ ਉਹ ਕਬੱਡੀ ਦਾ ਬੜਾ ਚੰਗਾ ਖਿਡਾਰੀ ਸੀ।
ਜਾਣਕਾਰੀ ਮਿਲੀ ਹੈ ਕਿ ਇਕ 45 ਸਾਲਾ ਵਿਅਕਤੀ ਤਰਲੋਚਨ ਸਿੰਘ ਬੱਚੇ ਦੇ ਘਰ ਸ਼ਿਕਾਇਤ ਲਗਾਉਣ ਗਿਆ ਸੀ ਕਿ ਉਹ ਉਸ ਦਾ ਕਬੂਤਰ ਚੋਰੀ ਕਰ ਕੇ ਲੈ ਆਇਆ ਹੈ। ਜਦੋਂ ਉਹ ਬੱਚਾ ਉਸ ਨੂੰ ਮਿਲਿਆ ਤਾਂ ਉਸ ਦਾ ਗਲਾ ਘੁੱਟ ਕੇ ਕਤਲ ਕਰ ਦਿੱਤਾ। ਇਸ ਮਾਮਲੇ 'ਚ ਪੁਲਿਸ ਨੇ 3 ਲੋਕਾਂ ਖ਼ਿਲਾਫ਼ ਮਾਮਲਾ ਦਰਜ ਕੀਤਾ ਹੈ।