ਮੱਕਾ ਮਦੀਨਾ ਵਿਖੇ ਹੱਜ ਦੀ ਯਾਤਰਾ ਲਈ ਜਾਣ ਵਾਲੇ ਸਰਧਾਲੂਆਂ ਲਈ ਤਿੰਨ ਦਿਨਾਂ ਟ੍ਰੈਨਿੰਗ ਕੈਂਪ ਸ਼ੁਰੂ
- ਮਰਕਜ਼ ਮਦਨੀ ਮਸਜਿਦ ‘ਚ ਲੱਗੇ ਕੈਪ ‘ਚ 170 ਤੋਂ ਵਧੇਰੇ ਹਾਜੀਆ ਨੇ ਲਗਵਾਈ ਹਾਜ਼ਰੀ
ਮਾਲੇਰਕੋਟਲਾ, 11 ਅਪ੍ਰੈਲ 2025, ਇਸ ਸਾਲ ਪੰਜਾਬ ਭਰ ਦੇ ਮੁਸਲਿਮ ਭਾਈਚਾਰੇ ਦੇ ਲੋਕਾਂ ਦੀ ਪਵਿਤਰ ਹੱਜ ਯਾਤਰੀਆ ਲਈ ਹੱਜ ਕਮੇਟੀ ਆਫ ਇੰਡੀਆ ਦੀ ਸਰਪ੍ਰਸਤੀ ਅਤੇ ਪੰਜਾਬ ਸਰਕਾਰ ਦੀ ਸਟੇਟ ਹੱਜ ਕਮੇਟੀ ਦੀ ਅਗਵਾਈ ‘ਚ ਸਾਊਦੀ ਅਰਬ ਵਿਖੇ ਜਾਣ ਵਾਲੇ ਹੱਜ਼ ਯਾਤਰੂਆਂ ਦਾ ਸਥਾਨਕ ਪੰਜਾਬ ਦੇ ਤਬਲੀਗ਼ੀ ਮਰਕਜ਼ ਵਿਖੇ ਉਲਮਾਂ ਇਕਰਾਮ ਦੀ ਸਰਪ੍ਰਸਤੀ ਹੇਠ ਤਿੰਨ ਦਿਨਾਂ ਟ੍ਰੈਨਿੰਗ ਕੈਂਪ ਮਦਨੀ ਮਸਜਿਦ ਮਰਕਜ ਮਾਲੇਰਕੋਟਲਾ ਵਿਖੇ ਅੱਜ ਜੁਮੇ ਦੀ ਵਿਸ਼ੇਸ਼ ਨਮਾਜ਼ ਤੋਂ ਪਹਿਲਾਂ ਸ਼ੁਰੂ ਹੋਇਆ ਜਿਸ ‘ਚ 170 ਦੇ ਕਰੀਬ ਹਾਜੀਆ ਤੇ ਸਾਜਣਾ ਨੇ ਟ੍ਰੈਨਿੰਗ ਲਈ ਕੈਂਪ ਵਿੱਚ ਵਿਸ਼ੇਸ਼ ਤੌਰ ਤੇ ਪਹੁੰਚ ਕੀਤੀ।
ਤਬਲੀਗੀ ਮਰਕਜ਼ ਮਦਨੀ ਮਸਜਿਦ ‘ਚ ਲੱਗੇ ਇਸ ਤਿੰਨ ਦਿਨਾਂ ਹੱਜ ਸਬੰਧੀ ਟ੍ਰੈਨਿਗ ਕੈਪ ਵਿੱਚ ਮੋਲਾਨਾਂ ਅਬਦੁਲ ਸੱਤਾਰ ਸਹਿਬ ਇਮਾਮ ਜੁਮਾ ਮਸਜਿਦ,ਮੁਫਤੀ ਮੁਹੰਮਦ ਯੂਨਸ ਬਿਜੋਕੀ, ਸ਼ਹਿਬਾਜ਼ ਜਹੂਰ ਮੁਆਵਨੀਨ ਏ ਹੱਜਾਜ ਆਦਿ ਵੱੱਲੋਂ ਜ਼ਿਆਰਤੇ ਮੱਕਾ ਅਤੇ ਮਦੀਨਾ ਸਬੰਧੀ ਹਾਜੀਆ ਨੂੰ ਪ੍ਰੈਕਟੀਕਲ ਜਾਣਕਾਰੀ ਦਿੱਤੀ ਗਈ ਤਾਂ ਜੋ ਉਨਾਂ ਨੂੰ ਹੱਜ ਦੇ ਸਫਰ ਦੌਰਾਨ ਸਾਊਦੀਆ ਵਿਖੇ ਜਾ ਕੇ ਕੋਈ ਪ੍ਰੇਸ਼ਾਨੀ ਦਾ ਸਾਹਮਣਾ ਨਾ ਕਰਨਾ ਪਵੇ।
ਕੈਪ ਦੌਰਾਨ ਹੱਜ ਸਬੰਧੀ ਸੇਵਾਵਾਂ ਦੇਣ ਵਾਲੇ ਮਾਸਟਰ ਅਬਦੁਲ ਅਜ਼ੀਜ਼ ਸਹਿਬ ਹੱਜ ਦੇ ਸਫਰ ਸਬੰਧੀ ਜਿਥੇ ਜਰੂਰੀ ਜਾਣਕਾਰੀ ਦੇ ਰਹੇ ਹਨ ਉਥੇ ਹੀ ਸਫਰ ਦੀ ਕਾਗਜੀ ਕਾਰਵਾਈ ਬਾਰੇ ਇਸ ਦੌਰਾਨ ਦੱਸਣਗੇ।ਕੈਪ ਦੌਰਾਨ ਸਮੇ ਸਮੇ ਮੁਫਤੀ ਸਹਿਬਾਨ ਵੱਲੋ ਹਾਜੀਆ ਦੇ ਸਵਾਲਾ ਦਾ ਜਵਾਬ ਅਤੇ ਜਰੂਰੀ ਮਸਾਇਲ ਵੀ ਕੈਪ ‘ਚ ਦੱਸੇ ਜਾ ਰਹੇ ਹਨ ।ਇਸ ਮੌਕੇ ਪੰਜਾਬ ਦੇ ਦੂਰ ਦੁਰਾਡੇ ਇਲਾਕਿਆ ਤੋ ਆਉਣ ਵਾਲੇ ਸਰਧਾਲੂਆ ਤੋ ਜਿਨਾਂ ਹੱਜ ਸਬੰਧੀ ਜ਼ਰੂਰੀ ਸੂਚਨਾ ਤੇ ਕਾਰਵਾਈ ਲਈ ਪ੍ਰਬੰਧਕਾਂ ਵੱਲੋ ਖਿਦਮਤ ਦਿੱਤੀ ਜਾ ਰਹੀ ਹੈ। ਕੈਂਪ ਦੌਰਾਨ ਇਸ ਵਾਰ ਪਹਿਲੀ ਵਾਰ ਇਸ ਯਾਤਰਾ ਤੇ ਜਾਣ ਵਾਲੀਆਂ ਔਰਤਾਂ ਨੇ ਸ਼ਿਰਕਤ ਕੀਤੀ।